Türkmen imanly ildeşimiziň imany hakynda ýazan goşgylary…

“Ozal-başda Söz bardy, Söz Hudaýdady, Söz Hudaýyň Özüdi. Hemme zady Ol ýaratdy, ýaradylan zatlaryň hiç biri Onsuz ýaradylmady. Onda ýaşaýyş bardy, ýaşaýyş bolsa ynsanlaryň nurudy. Bu Nur garaňkylykda paralaýandyr, garaňkylyk Ony öçürip bilen däldir…” Injil

SÖZ


Owal – başda diňe Söz bar ekeni

Söz Hudaýda eken, Söz Hudaý eken.

Hiç bir zadam Sözsüz ýaradylmandyr.

Hemme zady diňe Söz ýaradan eken.


Şol Söz jan-ten bolup dünýä geldi-de,

Adamlaryň nury bolup ýaşady.

Sahylygy bilen merhemet paýlap,

Ony dünýäň dört künjüne daşady.


Emma ynsan Sözi kabul etmäni.

Baran ýerinde Ony kowup daşlady.

Rebbiň muňa jiger-bagry dilinip,

Gynanjyndan gözlerini ýaşlady.


Reb şonda-da ynsan baryny söýüp,

Öz halas etme işine başlady.

Atasynyň ýumuşyny bitirip,

“Bary berjaý boldy” diýip haşlady.


Şeýdip, dünýä Ol gutulyş getirdi.

Günäň güýjün dolulygyna ýatyrdy.

Bar maksadyn ýerine ýetirip bolansoň,

Atasynyň sag tarapynda oturdy.


GÖKDÄKI TOÝ


Gel dogan Hudaýyň Patyşalygna

Ol ýerde bileje mesgen tutaly

Perişdelere goşlup, Isa bilen

Dowre gurap bileje tans edeli


Gaýtalama

Gel, gel, gel dogan Gökdäki toýa

Howluksana gijä galaýma o taýa


Bagyşlap öňki-soňky ählije hataň

Gökdäki toýa çagyrýar seni Ataň.

Şatlanyp, oýnap-gülüp gezersiň mydam

Galan ömrüňe hiç tutmarsyň matam.


Hudaý seni çagyrýar Gökdäki toýa

Çakylygyn kabul edip, bargyn o taýa

Bu toý Isa bilen Gelniň toýudyr

Olaň tutýan toýy ömür boýudyr.


BIRAHAT ÝÜREK

Näme üçin aglaýaň gussaly ýürek.

Sag-aman öreniňe begenmä derek

Durmuş girdabyna berk düşen bolsaň,

Hudaýyň öňünde dyza çökmegiň gerek.


Bu dünýäň gerdişine özüň oýnadyp,

Baýlygyň yzynda gezdiň ganat galgadyp,

Duzaga düşeňde galdyň aňňalyp,

Çykalgany Rebden tapmagyň gerek.


Ynsan gursagynda nalap, perwana bolýaň.

Kapasa düşen dek, her ýan urunýaň.

Haraý gözläp daşyňa intizar bakýaň

Haraýy Hudaýdan gözlemäň gerek.


Leave a Reply

Your email address will not be published.