Дога –адам ве Мукаддес Рух. 1- бөлүм.
Салам гадырлы диңлейҗилер. Саг аман отырмысыңыз?
Захария пыйгамбериң китабында биз, Худайың Гошун ве, гүйч билен дәл-де Мениң Рухум билен диен сөзлерини окаярыс. Гадырлы доганлар эгер-де биз бу гүн бу сөзлериң манысына белли бир дереҗеде дүшүнен болсак, онда бизиң йүрегимизде ояндырманың эмеле гелҗекдигине хич бир шүбхеленмейен. Нәме үчин? Себәби ер үстүндәки болсун, ер астындакы болсун хич бир гүйч Муксддес Рухуң гүйҗине гаршы дуруп билмейәндир.Ине нәме үчин Ишая пыйгамбер, Эгер-де Душманың гүйҗи деря ялы гелседе, Худайың Рухы оны ызына ковар диййәр. Бу гүн Худай Мукаддес рухың әхмиети ве гүйҗи барада гүррүң этмеги мениң йүрегиме салды. Бу гүн шейле галкыныша гарашып билйәсми? Муңа гарашмак мүмкинми? Мукаддес китабы окамак билен, белли бир вагтларда Худай Мукаддес рухуны адамларың үстүне дөкмек билен олары галкындырандыгыны гөрйәрис. Мен хер бир Худайың чагасының бейле галкыныша мәтечлик чекйәндигини билйәриң. Шейле дәлми? Йөне еке ислегиң болмагы етерлик дәлдир.Ислегден-де ёкары бир зат герекдир.Худай хер бир гурбанлыга тайын, ве хич бир хүңңүрдисиз өз дурмушыны Худая багш эдйән адамлары гөзлейәр. Шейле адамларың үсти билен Худай бизи хәзир хем галкындырыш берип билйәр. Бизиң хеммәмиз бейле галкындырылыша мәтечдирис. Эгер-де Мукаддес китабың галкындырышлары гүррүң берйән ерлерини окасаңыз, оларың хеммесинде үч фактора душ гелйәрсиңиз.Дога, адам, ве Мукаддес Рух. Сиз Мукаддес Рухы соңунда айданыма үнс бердиңизми? Мен муны Мукаддес Рухың олаң ичинде кән әхмиетли дәлдиги үчин этмедим, гайтам терсине Ол иң әхмиетлисидир. Мысал үчин дога Мукаддес рухсыз болаяр, адам-да мукаддес рухың гол астында болмаса, дога эдип билмейәр. Тарыx бизе Худайың Патшалыгына дегишли болан затларың хеммесиниң дога билен башландыгыны гөркезйәр. Худай доганы Өз берекединиң башлангыҗы эдип гойыпдыр. Мукаддес рух адама дога этмеклиге галкындырыш берйәр, ве адам дага этмелидигини дуйяр. Хачан-да адам дога эден-де, шол дога аркалы Худай Өз ягтылыгына тарап адама ёл ачяр. Башгача айтсак, Худайың хер бир эдйән иши, адамың йүрегини дога этмеклиге галкындырян, Мукаддес Рух билен башланяр. Эгер-де шейле дога бизиң йүрегимизде дөрейән болса, онда Худай бизи бейик ишлере тайярлаяндыр. Ресуллары ишлери китабында,Эллинҗи гүни Мукаддес Рухың ере инмезиниң өң янында 120 саны Иса Месихиң ызына эериҗилери билеликде 10 гүнләп дога эдйәрлер. Бирден-кә Гөкден бир сес пейда боляр ве оларың үстлерине Мукаддес рух инйәр.Шейдип дүнйәде деңи тайы болмадык, мукаддес рухың херекеди дога эдйән адамларың йүреклеринде дөреди. Гадырлы доганлар муңа үнс берип, беллемегиңизи ислейәрин. Худай бу усулыны үйтгетмеди.Ниреде чын йүрекден дога эдилйән болса, шол ерде Худайың херекединиң бардыгына хич шүбхеленмән билерсиңиз. Муңа Реббимиз Иса Месихиң Өзи иң бир говы мысал болуп билер. Хачанда ол Иордан дерясында сувда чүмдүриленде Мукаддес рух кепдери гөрнүшүнде Онуң үстүне гоняр. Ол шол бада өз хызматына башламан, илки чөле 40 гүнләп дога этмәге гидйәр.Онуң чөлде 40 гүнләп эден дагасы соңкы үч йылкы тәсин хызматының башлангыҗы болды. Хош-хабарчы Лука Иса Мукаддес рухдан долуп дога этмәге чөле гитди, ве 40 гүн дога эдип болансоң Мукаддес рухың гүйҗи билен чөлден чыкды диййәр. Муны беллемеклик гаты гызыклыдыр.Исаның еке өзи бүтин гиҗе Гефсиман багында дога эдип, шейтан билен гөреш алып барды. Онуң бу багдакы эден догасы бүтин адамзадың тарыхында иң ваҗып ваканың, ягны Иса Месих Галгоф дүзлүгинде бүтин адамзадың гүнәси үчин Хачдакы өлүминиң башлангыҗы болды. Середиң Захария пыйгамбериң китабында ёкарда окан еримизде Худай, Гошун ве гүйч билен дәлде, Мениң Рухым билен диййәр.Бу Иса Месихиң гелмегиниң өң янында айдылыпды. Ресулларың ишлериндәки Мукаддес рухың херекеди бу адамың гүйҗи ве адам акылдарлыгы билен эмеле гелен херекет дәлди.Бу Худайың Рухының эмеле гетирен херекеди-ди. Бу галкыныш Худайың халкының Бабылда есир болан дөврүнден баланяр, Даниел Пыйгамбериң китабында 9 бапда Бу барада язылыпдыр.Даниел Иремея пыйгамбериң китабыны окап, Иерусалимиң 70 йыллап бошлыкда болҗакдыгыны билйәр, ве өзүниң шол дөвүриң сонунда яшаяндыгыны, Таңрының халас эдишини гөрҗекдигине ынаняр. Даниел нәме эдйр? Эл аягыны үйшүрип, муңа Худайың эрки болса, иру- гич ерине етер дийип отурдымы? Ёк гадырлы доганлар! Биз бу бабың 3 аядында онуң гиҗе-гүндиз догада ве оразада Таңра халкы Ысрайылың гүнәлеринден халас эдилмеги, ве оларың арассаланмагы үчин дога эдйәр.Хачан-да Таңры ваҗып бир затлар этмек исләнде, ол бу тәсин хызматы ынанар ялы, өзүне вепалы адамлары дога этмеклиге галкындыряр.Ишая пыйгамбериң китабында Худай улы гайгы билен хич бир вепалы адам ёк диен болса,бу ерде ол Даниел пыгамберде иң ваҗып башгалар үчин дога этмек хызматыны табшырар ялы, мен вепалы адамы тапдым диййәр. Сиз нәхили пикир эдйәрсиңиз? Даниел йөне ере дога этдими?Элбет-де ёк. Перишде Даниелиң янына гелип, Мен саңа дүшүндирмек үчин акылдарлык бермек үчин гелдим диййәр.Сен башда дога эдениңде, Худай сениң дилейән задыңы бермели дийип карар берди ве мен муны саңа бермәге гелдим. Сен Худайың гөвнүнден турян адамсың диййәр.Мәхрибан доганлар, бейле догалар Худйың гулагына эшидилмән галмаяр. Даниелиң догасының башында, эййәм җогап бермели дийип Худай карар кабул эдйәр ве Өз перишдесини иберйәр. Худайың чагалары! Сизиң эдйән дилеглериңиз йөне ере дәлдир!Хадая вепалы адамларың эдйән дилеглериниң нетиҗесине середиң! Ине шу ерде әхли сырлар ерлешйәр.Худай Өзүне вепалы, диңе Худайыңкыны гөзлейән ве ол үчин йүреги янян адамлары гөзлейәр. Бейле Адамларың эдйән ишлери Худайың патшалыгында шатлык дөредйәр.Бейле адамларың бири Даниел болупдыр. Середиң Онуң догасы 3 хепделәп довам эдипдир.Ол догада эрбет гүйчлер билен гөрешипдир, ве дога аркалы еңиш газаныпдыр.Худая миннетдарлык билдирйәрис.Шейле аадамлар дога эден-де, Хатда дөвзахың эрбет гүчлери хем ак байдагыны ёкарык галдырып еңилендиги хабар берйәр.Бу ваканың довамына серетсеңиз, Даниелиң догасының нетиҗесини гөрерсиңиз. Онуң догасы диңе бир Худайың халкының арасында дәл, эйсем өзге миллетлериң патшасының ве хөкүмдарларының арасында, шол дөврүң иң улы империасында херекедиң гүйҗини эмеле гетирди.Гадырлы дост белки сен әхмиетли дәлсиң, белки сен эҗизсиң ве башгалара тәсир эдер ялы укыбың ёкдыр. Эмма сен дога аркалы бейик гүйҗи эмеле гетирип билерсиң, ве бу гүйч лки билен сениң юрдуң, соңра бейлеки юртларың ыкбалына тәсир эдип билер. Хава Даниел хем Бабылда есирликде багты, мен хич зады этмәги башармаярын, дийип билерди. Хава бу бир тарапдан догры хем боларды, себәби онуң өзи халкы Ысрайылың дурмушыны үйтгедип билмейәрди. Эмма ол муны эдип билйән Бирине билйәрди, ве бүтин җаны тени билен Оңа дога эдйәрди.Середиң ол нәхили күлүң үстүне ере йыкылып, өзүни Таңрының өңүнде кичелдип дога эдйәр.Даниел Ери Гөги ярадан Худай билен иш салышярды, Ол әхли гүйҗиң Худая дегишлидигини, хер бир адамың җаны Онуң элиндедигини шол бир хатарда Патшаның йүреги акар сувлар ялы Онуң элиндедигини, ислән ерине акдырып билйәндигини билйәрди.Шейле Дири Худай билен иш салышмаклыга эҗизлик дийип болармы?Ёк. Даниелиң догасы аркалы Худайың гүйҗи херекеде гелди,.Даниелиң тарыхы Сүлейман Пыгамбериң Патшаның йүреги Худайың элинде акар сувлар ялы Ол оны ислән ерине акдыряндыр диен сөзлериниң Хакыкатдыгыны тасыклаяр.Худая шүкүр! Патшалар меҗбуры ёкардн гелен буйруга баюн болярлар. Хич бир зат аңлатмаян, есирликде болян бир адамың догасы аркалы шейле гүйчли херекедиң башланмагы кимдир бириниң келлесине гелипмиди?1кор. 1,27-29 да ”Йөне Худай акылдарлары утандырмак үчин дүнйәниң акмак сайянларыны сайлады. Худай гүйчлилери утандырмак үчин дүнйәниң эҗиз сайянларыны сайлады. Худай әхмиетли затлары ятырмак үчин бу дүнйәниң асылзада дәллерини, әсгерилмейәнлерини ве әхмиетсизлерини сайлады. Ол муны хич бир адам Худайың хузырында магтанмасын диийип этди.” дийип язылан. Бу ваканың соңуна середиң 50000 адам есирликден бошап, өз гошларыны алып өйлерине Ысрайыла доланып гелйәрлер.Буларың хеммеси екеҗе адамың ягны Даниел пыйгамбериң догасының нетиҗеси болды. Худай Парс Патшасы Күрешиң Йүрегине үйтгетди, ве Патша өз шалыгындакы Халклара хем тайпалара шейле мазмунлы буйрук берди. Шол вагткы бүтин дүнйәни басып алан патшаның йүрегини Таңры ислән ерине гөнүкдирди, бу гаты тәсин галдырыҗыдыр. Бу Худайың халкы Ысрайылың бәхбиди үчин, Даниелиң догасы аркалы амала ашды. Сен дога эдйәрмисиң? Сен өз догаларыңда гиҗе-гүндиз Мукаддес рухың инмеги үчин, дога эдйәнлере гошулярмысың? Бу гүн Худай Өзүне вепалы чагаларыны галкындыряр. Өз эҗизликлериңе, кемчиликлериңе середип, рухдан дүшме-де, Ерде гөкде әхли ыгтыяр Маңа берилди диен, Реббимиз Иса Месихе серет ве Ондан көмеге гараш! Әхли ыгтыяр ерде гөкде Бизиң Реббимизе берилен болса, онда рухы песлиги ташла-да хәзириң өзүнде Мукаддес рыхдан долмак үчин Оңа дилег эт! Адама мумкин дәл, затлар Худая мумкиндир. Эгер Ол акар сувлар ялы патшаларың йүрегини ислән ерине гөнүкдирйән болса, Онда онуң өңүнде ачылмаҗак гапы ёкдыр. Онуң ачан гапысыны япып билҗек хич ким ёкдыр. Мениң вагтым соңуна гелип етди, белки сен шу вагта ченли Иса Месихиң адындан хич зат дилен дәлсиң. Иса Дилең аларсыңыз ве шатлыгыңыз долуп дашар диййәр. Гүнәкерлер үчин бир гапы бар, ол хемише ачыкдыр. Ол гапы Реббимиз Иса Месихиң Өзүдир, ким Ондан гирсе гүнәлеринден халас болар. Хәзириң өзүнде бу Гапыдан гир Худай сени өзи билен бакы билеликде болмага чагыряр. Инҗилде Иса Месихден башга хич кимде Гутулыш ёкдыр, Биз ол аркалы гутулар ялы Гөк астында ынсанлара берилен гайры ат ёкдыр, дийлип язылан. Оңа шөхрат болсун! Омин