Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Üç Myhman

(Töwratdan alyndy)

Bir gün günüň jokrama yssy wagtynda, Ybraýym Mamräniň dub tokaýjygynyň ýanyndaky çadyrynyň agzynda otyrka, oňa Reb göründi.
2Ybraýym töweregine seredip, aňyrrakda üç kişiniň durandygyny gördi. Ybraýym olary gören badyna garşylamak üçin çadyrynyň agzyndan olara tarap ylgady. Ol iki bükülip, olara tagzym etdi.
3Ybraýym şeýle diýdi: «Eý, jenabym, eger men siziň göwnüňizden turan bolsam, onda öz guluňyzyň duşundan sowlup geçmäň.
4Men size aýagyňyzy ýuwar ýaly suw getirdeýin. Şu agajyň aşagynda dem-dynjyňyzy alaýyň.
5Size güýç-kuwwat berer ýaly bir bölek nan getireýin, çünki ýoluňyz bendäňiziň üstünden düşdi ahyryn! Soňra ýoluňyzy dowam etdirersiňiz». Olar: «Aýdyşyň ýaly edäý» diýdiler.
6Ybraýym howlukmaç çadyryna, Saranyň ýanyna geldi-de, oňa: «Derrew üç kersen oňat undan hamyr ýugur-da, nan ýap».
7Soňra Ybraýym mallaryna tarap ylgady-da, sürüden ýaş hem semiz bir göläni saýlap, ony hyzmatkär ýigide berdi. Onsoň hyzmatkär dessine nahar taýýarlamaga girişdi.
8Ybraýym gatyk, süýt hem bişirilen göläniň etini getirip, adamlaryň öňünde goýdy. Myhmanlar naharlandylar. Ybraýymyň özi bolsa olaryň ýanynda agajyň aşagynda durdy.
9Adamlar Ybraýymdan: «Aýalyň Sara nirede?» diýip soradylar. Ybraýym: «Sara ol taýda, çadyrda» diýip jogap berdi.
10Olaryň biri: «Indiki ýyl şu wagtlar men seniň ýanyňa ýene dolanyp gelerin we oňa çenli aýalyň Saradan bir ogul bolar» diýdi. Sara onuň arkasyndaky çadyryň agzynda bularyň gürrüňini diňläp durdy.
11Ybraýym bilen Saranyň ikisiniň-de ýaşlary bir çene barypdy; olar örän garrapdylar. Sarada aýbaşy gelmesi kesilipdi.
12Şoňa görä Sara içinden gülüp: «Men-de, adamym-da garry; şu ýaşdan soň men beýle şatlyga eýe bolup bilerinmi?!» diýdi.
13Şonda Reb Ybraýymdan: «Näme üçin Sara „Şu ýaşdan soň men, heý, çaga dogrup bilerinmi?!“ diýip güldi?» diýip sorady.
14«Rebbiň başarmajak zady barmy?! Bellenen wagtda, indiki ýyl şu wagtlar ýanyňa dolanyp gelenimde, Saranyň bir ogly bolar» diýdi.
15«Men gülmedim» diýip, Sara gorkusyna boýun almady. Reb: «Ýok, sen güldüň» diýdi.
16 Adamlar turup, Sodoma tarap ýola düşdüler. Ybraýym hem olary ugratmak üçin olar bilen bile gitdi.
17Reb şeýle diýdi: «Etjek bolýan işimi Ybraýymdan gizläýinmi?!
18Ybraýymdan beýik hem güýçli bir millet dörär. Ýer ýüzüniň ähli milletleri Ybraýymdan pata alarlar.
19Dogruçyllyk hem adalatlylyk bilen Rebbiň ýolundan ýöremekligi ogullaryna we nesillerine tabşyrsyn diýip, Men Ybraýymy saýladym. Eger olar Meniň aýdanlarymy berjaý etseler, onda Men Ybraýyma beren wadalarymyň hemmesini ýerine ýetirerin»
Hudaý hakykatdan hem isleýşi ýaly hereket eder, bu taryhda Hudaý ynsan keşbinde Ybraýym pygambere Özüni aýan etdi, Ybraýymyň öýünde myhman boldy we oňa garran wagty adam ölçegi boýunça mümkin bolmadyk zady, ýagny öz aýaly Saradan bir ogul bermekligi wada etdi. Biz ynsanlar aň düşünjämiziň çäklidigi üçin ýada belli bir dini pikirimize esaslanyp, Hudaý eýle ýada beýle etmez diýip pikir ýöredýäris, emma Hudaý Öz maksadyna laýyk işleýär we isleýşi ýaly ýagdaýda Öz hakykatyny aýan edýär. Töwratdaky bu Ybraýym atamyz bilen bolup geçen taryhyň üsti bilen biz Hudaýyň islese ynsan keşbinde hem gelip biljekdigini gördük we Hudaýyň muny edip biljekdigine iman etmelidiris!
Iki müň ýyl mundan ozal hem Hudaý bizi halas etmek üçin Ynsan keşbinde Isa Mesihde dünýä geldi. Adam aňy bilen muňa düşünmek kyn emma hakykatda bu şeýle bolup geçdi. Bu sebäpden Injilde şeýle ýazylan: “Ozal –başda Söz bardy, Söz Hudaýdady, Söz Hudaýyň Özüdi. Ol ozal-başda Hudaýdady. Hemme zady Ol ýaratdy, ýaradylan zatlaryň hiç biri Onsuz ýaradylmady…Söz jan-ten bolup aramyzda ýaşady…” Hudaý bütin adamzady günälerinden, şeýtanyň güýjünden we dowzah odundan halas etmek üçin bizi idäp Isa Mesihde ýere geldi we şol merhemetinden we söýgüsinden doly gutulyşy Özi üpjün etdi. Isa Mesih biziň günälermiziň muzdyny ýagny jezasyny haçda çeken ezýetleri, ganyny döküp janyny biziň üçin bermek bilen, jaýlanyp soňra üçünji güni gudrat bilen direlmegi arkaly ölümi eňmegi arkaly töledi we Onuň bu eden işine iman edenimizde wada edilen Hudaýyň gutulyşy bize iman arkaly gelýär! Isanyň gelmeginden müňlerçe ýyllar ozal bolup geçen bu taryhdaky Hudaýyň eden gudratly işi we ogul wadasy ýaly, Isa Mesihdäki gutulyş hem, adam ölçegi bilen mümkin bolmajak ýaly, emma Hudaý üçin hemme zat mümkindir. Ybraýym Hudaýyň wadalaryna we her bir aýdan sözüne iman edip aklandy we hatda “Hudaýyň dosty” diýip at aldy. Muňa meňzeşlikde Hudaýyň wadalarynyň iň soňky we kämil ýerine ýetmesi bolan Isa Mesihe iman etmek bilen biz hem hakyky imana we berekete eýe bolup bilýäris!
Mundan başgada ýene-de bir mysal biziň döwrümize ýakyn wagtda ýaşap geçen we bize has-da tanyş bolan beýik Türkmen şahyry Magtymguly atamyzyň başdan geçirenleri hem biziň ýokarda aýdanlarymyza iman etmäge ýardamçy bolarmyka diýip pikir edýärin. Magtymguly şahyrymyzyň başdan geçirenleri Hudaýyň Ybraýym pyýgambere Üç Myhmanyň üsti bilen aýan bolandygyna meňzeşdir. Ondan başga-da üns berilmeli zat, Magtymguly şahyryň Isa Mesihe -Şahymerdan hökmünde ýüzlenişi we Ondan ýardam isleýşidir. Magtymguly bilen bolup geçen bu zatlar aklyň haýran edijidir emma ynama laýykdyr!
Boldum Girýana
Ýazygym ýat edip, ýakam çäk edip,
Säher nalyş bilen boldum girýana.
Didämden ýaş döküp, ýüzüm häk edip,
Telbeler dek özüm urdum her ýana.

Köňlümni geçirdim jümle-jahandan,
Ne jahandan, belki, el üzdüm jandan,
Hezreti Isadan, Şahymerdandan (Hudaýdan)
Hümmet istäp, bakdym suýy-asmana.

Asmanyň ýüzünden kähkeşan uçdy,
Nägehan üç äre nazarym düşdi,
Iki ýaşyl geýmiş, bir sepitpoşdy,
Gözüm gördi, tilim gelmez permana.

Biri gelip, elin gögsümge urdy,
Biri bir tyg bilen ýüregim ýardy,
Agzyma agz goýup, biri dem urdy,
Diýdiler: “Arzyň diý Şahymerdana!”

Bular beýle diýgeç, tilim açyldy,
Gana-gana meý muhupbet içildi.
Köňlüme ýedi dür sowal geçildi,
Diýdim, “Rugsat bolsa, gelsin zybana”.

Iki uzyn ärdir, bir gysga kaddyr,
Diýdiler: “Hoş wagtdyr, ýagşy pursatdyr,
Sözüň bolsa sora-diýdi-rugsatdyr,
Köňle gelen sözüň gelsin beýän!”

Diýdim: “Gökden agyr, ýerden mert nedir?
Derýadan baý nedir, daşdan saht nedir?
Otdan ýakyjyrak, buzdan serd nedir?
Zäherden ajyrak nedir bu jana?”

Diýdi: “Ýaman töhmet agyr asmandan,
Gaharsyz ýagşy söz giňdir jahandan,
Mynapygyň köňli sahtdyr daşdan,
Ähli-kanyg meňzer bahry-ummana.

Jebr etgiji soltan –ýakyjy közden,
Bahyldan dilemek –sowukdyr buzdan,
Pakyra jebr etmek –ajy zäherden,
Öwütdir bu sözler bizden nyşana”.

Bular beýle diýgeç, ýerimden turdym.
Ýüwrüp etegine elim ýetirdim,
Mest boldum, sust boldum, özüm ýitirdim,
Gep-kelam tapmadym, galdym haýrana.

Diýdiler: “Üç kişi bolduk ussadyň,
Daýyma destandyr älemde adyň.
Magtymguly, wagtdyr, isle myradyň…”
Bu syr akmak açar ýa bir diwana.

Dar Gapy…

Isa Iýerusalime tarap barşyna, şäherlerleriň, obalaryň içinden geçip, sapak berýärdi. Bir adam Oňa: “Ýa Reb! Halas boljaklar azmy?” diýdi. Isa olara şeýle diýdi: “Dar gapydan girmäge çalyşyň, çünki size diýýärin: birentekler girjek bolar, ýöne başarmaz. Öý eýesi turup, gapyny ýapanda, siz daşarda galyp: “Ýa Reb, gapyny bize aç” diýip, gapyny kakmaga durarsyňyz. Emma Ol size: “Men sizi tanamaýaryn, nireden gelendigiňizi bilmeýärin” diýip jogap berer. Şonda size şeýle diýersiňiz: “Biz Seniň öňüňde iýip-içdik, Sen biziň köçelerimizde sapak berdiň”. Emma Ol: “Men sizi tanamaýaryn, niredendigiňizi bilmeýärin diýip aýdýaryn ahyryn. Baryňyz ýanymdan aýrylyň, eý, nähak iş edenler diýer. Ybraýymy, Yshagy, Ýakuby we ähli pygamberleri Hudaýyň Patyşalygynda, özüňiziň bolsa daşaryk kowulanyňyzy göreniňizde, ol erde aglama we diş gyjama bolar. Gündogardan, günbatardan, demirgazykdan, günortadan adamlar gelip, Hudaýyň Patyşalygynda saçak başynda oturarlar. Ine, ilkinjiler boljak ahyrkylar bar we ahyrkylar boljak ilkinjiler bar!”

Gadyrly dost sen Öý Eýesi bolan Halasgär Isa Mesihe iman getirdiňmi we Onuň gapysyndan iman edip girdiňmi?…Ol seni tanaýarmy? Sen Ony tanaýarsyňmy? Ýada daşarda galanlar ýaly…”biz Seni diňe pygamber ýaly tanaýas dälmi… biziň dinimiz beýle diýýär… ahyryn…” diýip şübhelenýäňmi?

Wagt ýitirme-de Injiliň aýdanlaryna ynansaň gowy bolar, çünki bir gün gelip gapy ýapylar!

Ildeşlerimizi käbir soraglaryna jogaplar. Jogaplar Mukaddes Ýazgylara görä ýazylandyr çünki olar biziň diýjek taglymatlarymyzyň çeşmesi bolmalydyr!

1. Holy Ghost (Mukaddes Ruh, Hakykat Ruhy, Hudaýyň Ruhy) kime diýilýar?
Ilki bilen onuň kime diýilýändigi hakynda gürrüň etmegimiz üçin Mukaddes Ruh ýada Hakykat Ruh hakynda gürrüň edýän Hudaýyň Sözüne salgylanalyň.
Ozal başda Hudaý älem-jahany ýaradanda Hudaýyň Ruhy barada gürrüň edilýär. Töwrat: “Ýer ýüzi şekilsiz boşlukdy; suwlaryň ýüzi tüm-garaňkylyk bilen örtülendi. Suwuň ýüzünde Hudaýyň Ruhy perwaz urýardy”
Dawut pygamber Zebur kitapda şeýle diýýär: “Hudaýym meni huzyryňdan atma, Mukaddes Ruhyňy menden alma…”
Işaýa pygamber şeýle diýýär: “olar Hudaýyň Ruhyna garşy baş göterdiler we Ony kemsitdiler….Soňra olaryň ortarasynda Öz Mukaddes Ruhyny goýdy.”
Bu Töwrat, zebur we beýleki pygamberlere aýan eden Hudaýyň Sözleri esasynda Mukaddes Ruhyň –Hudaýyň Ruhydygyny görýäris, ýagny Hudaý Ruhdyr we Ol Mukaddes Ruhdyr.

Indi bolsa Isanyň döwründe Mukaddes Ruh baradaky Injildäki aýatlara salgylanalyň:

Isanyň gelmeginden alty aý gelip Isanyň döwürdeşi bolup ýaşan we Hudaý tarapyndan Isa Mesihiň ýoluny taýýarlaýjy bolan pygamber Ýahýa ine şeýle diýýär: “ Men sizi toba üçin suw bilen çokundyrýaryn, ýöne menden soňra Geljek menden has güýçlüdir. Men Onuň çaryklaryny götermäge-de mynasyp däldirin. Ol sizi Mukaddes Ruh hem-de ot bilen çokundyrar.”
Mukaddes Ruhyň Isa Mesihiň üstüne inişi: “Mukaddes Ruh jan-ten bolup, kepderi kimin Onuň üstüne indi…”
Isa Mesihiň Mukaddes Ruh hakynda aýdýanlary:“Meni söýýän bolsaňyz, buýruklarymy berjaý ediň.16Men-de Atama ýalbararyn, Ol size, hemişe siziň bilen bolar ýaly, başga bir Göwünlik Beriji, ýagny Hakykat Ruhuny berer. 17Hakykat Ruhuny dünýä kabul edip bilmez, çünki dünýä Ony ne görýär, ne-de tanaýar. Ýöne siz Ony tanaýarsyňyz, çünki Ol siziň araňyzda ýaşaýar we siziň içiňizde bolar…. Meniň adymdan Atanyň iberjek Göwünlik Berijisi ― Mukaddes Ruh size ähli zady öwreder, Meniň aýdan ähli zatlarymy ýadyňyza salar… Olar bilen bile bolan wagty olara buýruk berdi: «Iýerusalimden aýrylman, Atanyň wadasyna garaşyň. Siz ol wadany menden eşitdiňiz.
5Çünki Ýahýa suw bilen çokundyrdy, ýöne siz ýene birnäçe günden Mukaddes Ruh bilen çokundyrylarsyňyz. Mukaddes Ruh üstüňize inende, güýç-kuwwat alyp, Iýerusalimde, bütin Ýahudada, Samariýada, Ýeriň tä soňuna çenli Meniň şaýatlarym bolarsyňyz».».

Mukaddes Kitaba esaslanyp Mukaddes Ruhyň kimdigine jogap gözlesek, Mukaddes Ruhyň –Hudaýyň Ruhydygyny bilip bilýäris.
Isa Mesih bolsa Özüne iman edýänleri Mukaddes Ruh bilen çokundyrýar, ýagny Özüne iman edenlere Mukaddes Ruhy hemişelik bolmaklary üçin berýändigini wada etdi. Isa Mesihiň bu wadasy ýerine ýetdi, Isanyň ilkinji şägirtlerinden başlap şu günki Oňa iman edýänlerde Mukaddes Ruh ýaşaýar we olar nirede bolsalarda olar bilen bile bolýar we Hudaýyň Sözüne we Isanyň öwredýänlerinde ýaşamaga ýardam edýär!
Mukaddes Ruhyň işi barada Isanyň şägirtleriniň durmuşynda hem görüp bolýar we olaryň ýazan iman taglymatlarynda hem Mukaddes Ruha aýratyn orun berilen…

Dowamy bar…

WADA…ynsanyň wadasy…Hudaýyň WADA-sy…

“WADA”, “söz bermek” düşünjesi ynsanlar arasynda gaty wajyp bolan düşünjedir. Adamlar arasyndaky aragatnaşykda iň wajyp zadyň biri hem “wadalaryň” berilmegi we şol wadalaryň hem ýerine ýetirilmegidir. Mysal üçin söýüşýänler biri-birine wepaly bolmagy, eňil günde hem agyr günde hem bir birine ynamdar bolmagy wada berýärler. Bu wada olaryň bilelikde bir maşgala gurmagynyň esasy bolup durýar. Haçanda berilen bu “wada” hormatlananda we ýerine ýetirilende maşgala berk bolýar we ölüm aýyrýança dowamly bolýar. Emma bu wada hormat goýulmasa we berilen wada ýerine ýetmese onda maşgala bozulýar, kalblar ýaralanýar. Wada-iki dost arasynda hem, ata-enäniň çagalaryna bolan, çagalaryň ata-enesine bolan gatnaşykda hem, işewürlikde hem iň wajypdyr. Bulara meňzeşlikde ruhy dünýäde hem wada bermek we şol berilen wadalaryň saklanmagy, ýagny ýerine ýetmegi gaty wajypdyr.

Ýaradyjy Biribar Hudaý hem ýaradan ynsanlary bilen şeýle aragatnaşyk saklaýandyr. Hudaý –WADALAR-Hudaýydyr. Hudaý hem wada berdi we wadalaryny asyrlaryň jümmşinde ýerine ýetirip geldi we WADA-laryna ynamly boldy. Hudaý imanlylar hem öz Ýaradyjysy Hudaýa Onuň tabşyryklaryna wepaly bolmaga wada berdiler, emma gynansak-da beren wadalarynda tapylyp bilmediler. Çünki ynsan ejizdir, Hudaýyň halaýan kämilligine we mukaddesligine öz güýçleri bilen ýetip bilmediler we bilmeýärler. Bu sebäpden hem we Hudaý Özüniň merhemetine, rehimine baýlygy bilen bize bu “gutulyşy” WADA berdi. Dört müň ýyl mundan ozal ýaşap geçen Ybraýym pygambere Hudaý şeýle diýip wada beripdi: ““Mukaddes Ýazgy Hudaýyň milletleri imanlary arkaly aklajagyny öňünden görüp.Ybraýyma “Bütin milletleri sen arkaly bereket iner”diýip öňünden buşlady .

Bu wada edilen “ruhy bereket” nämekä ýada kim arkaly gelýärkä? Biz bu soraga jogaby başga ýerlerden ýagny dinden, kimdir biriniň aýdanlarynda, ýada logikada, adam akyldarlygynda( filosofiýa) we ş.m tapyp bilmeris. Hudaýyň wadasyna düşünmekde biz hökmän Hudaýyň Sözüne salgylanmalydyrys. Mukaddes Ýazgy munuň jogabyny bize aýan edýär. Mysal üçin Ýazgy şeýle diýýär: “Hudaýyň ähli wadalary Mesihde “hawadyr”…”Ine, Hudaýyň mukaddes resullaryna, pygamberlerine Ruh arkaly aýan edilişi ýaly, öňki nesillere bildirilmedik bu syr şeýle: Özge milletler hem mirasa şärikdir, olar hem bir teniň agzalary bolup, Hoş Habar arkaly Mesih Isada berlen wada şärikdir…

Taryha ser salsaň we “birhudaýlyk” dinleri bolan Islam we Ehudylyga seretseň we ol dinlere ynanýanlar, özlerini Ybraýyma degişli görmäge çalyşýarlar we Ybraýyma berilen wadanyň özleriniňkidigini subut etmäge synanyşýarlar. Ybraýym ata hakynda geplänlerinde uly hormat we ondan geljek “berekete” bolan küýseglerini bildirýärler.

Elbetde olarda nähilidir bir derejede degişlilik hem bar, ýagny Ehudy halky( ewreýler) we araplar ýagny Islamyň gelip çykan ýerindäki halk, Ybraýym atanyň ten nesilleridir. Bilşimiz ýaly Hudaý Ybraýymyň çagalaryna hem bereket bermegi wada edipdi. Emma biz bu ýerde olar barada gürrüň edemizok. Biziň gürrüň edýänimiz -  Ybraýyma berilen iň uly ruhy wada- ýagny diňe bir onuň teninden bolanlar barada bolman, ähli milletlere berilen Wada hakynda gürrüň edýäris. Ýagny: “Bütin milletlere sen arkaly bereket iner” wadasy hakynda gürrüň edýäris. Bu nähili bereket? Bu ruhy bereket, ýagny günäniň näletinden we baky dowzah ot jezasyndan, şeýtanyň gulçulygyndan gutulyp, günä sebäpli Hudaý bilen ýitirilen aragatnaşygy dikeltmek we Hudaýyň Mukaddes Ruhynyň bizde ýaşamagy, diňe bir Hudaýyň hyzmatkärleri bolman, hatda Hudaýyň oglanlary bolmak wadasydyr. Hudaýa asyrlar boýy öwgüler we şöhrat bolsun, Ol ynamdardyr we wepalydyr! Bu ajaýyp WADA-syny ýerine ýetiren Ýaradyjymyza şükürler bolsun! Hudaý WADA-syny ýerine ýetirdi! Iki müň ýyl mundan ozal Hudaý bu “WADASYNY” Isa Mesihde üpjün etdi. “Ybraýymyň berekedi Isa Mesih arkaly milletlere iner ýaly, biz-de wada edilen Ruhy iman bilen alar ýaly, Mesih biziň ugrumyzda gargalyp, bizi kanunyň gargyşyndan halas etdi!…Şu sebäpli hem, Mesih birinji äht astynda edilen jenaýatlary bagyşlatjak bolup, gutulyş gazandyrýan gurban hökmünde öldi, çagyrylanlar ebedi mirasy alsynlar diýip, täze ähtiň töwellaçysy boldy…

…Ol Özüni kabul edenlere, adyna iman edenlere Hudaýyň oglanlary bolma hakyny berdi. Olar ne gandan, ne bedeniň islegi bilen, ne-de adamyň islegi bilen, eýsem Hudaýdan doguldylar. …Çünki siziň hemmäňiz Mesih Isa bolan imanyňyz arkaly Hudaýyň ogullarysyňyz…Mesihiňki bolsaňyz, onda Ybraýymyň nesli, berlen wada boýunça mirasçysyňyz.” (Galatlylar 3:8, 13,14,26, 29; Efesliler 3:6; Ewreýler 9:15; Ýahýa 1:12-13)

“Ähli ynsanlar üçin bolan Hudaýyň ähli wadalary Isa Mesihde jemlenendir. Her bir günäkär bolan ähli mätäçlikleri bilenIsa Mesihde Hudaýa gelende, ol Hudaýyň Isa Mesihdäki ähli wadalary bilen onuň ýanyna gelýändigini görer. Haçanda günäli ynsan Isa Mesihde Mukaddes Hudaýa gelse ol Ondan “HAWA” sözüni eşider. Hudaý Sen meni söýýäňmi? Hawa. Sen meni bagyşlarsyňmy? Hawa. Sen meni kabul edermiň? Hawa. Hawa. Öz durmuşymy ýagşylyga üýtgetmege ýardam edermiň? Hawa. Saňa hyzmat etmegimde maňa güýç berermiň? Hawa. Meni saklarmyň? Hawa. Özüňiň şöhratyňy maňa görkezermiň? Hawa.

Hudaýyň ähli wadalary –göklerdäki ähli bereketleri –Isa Mesihde HAWA-dyr. Isa Mesih Oňa iman edenleriň ählisine Hudaýyň anyk HAWA-sydyr!” (by DR. John Piper)

Gadyrly ildeşim, meniň kalbym seniň bu ajaýyp wada-baky gutulyşa, Hudaýyň göklerdäki seniň üçin arzuw eden bereketlerine Isa Mesihde ýetmegiňi isläp her gün seniň üçin Biribara dileglerde ýüzlenýär!

Halasgär Mesih

Iki müň ýyl mundan ozal

Bibi Merýemden dogulyp

Gökden inip gelen Mesih

Alkyş saňa, alkyş saňa

Meniň üçin janyn beren

Meniň üçin ganyn döken

Halasgärim Isa Mesih

Alkyş saňa, alkyş saňa

Söýmäni wagyz eden Sen

Bagyşlamany öwüt eden Sen

Öwredenleňde ýaşan Sen

Halasgärim Isa Mesih

Alkyş saňa, alkyş saňa, saňa alkyş, saňa alkyş

Bize dost diýip ýüzlenen

Biziň üçin haçda ölen

Direlip ölümi eňen

Halasgärim Isa Mesih

“Ýaşaýyş, Hakykat, Ýol” Sen

Direliş Sen, dynçlyk Sen

Adamzada Howandar Sen

Gaýdyp gelýän Isa Mesih!

Gelsene tiz Isa Mesih!

Jennetiňe eltsene tiz

Bütin dünýäň Halasgäri

Isa Mesih, Isa Mesih!

Uzaklarda galdy ýakyn-ýatlaryň!!!

(Türkmen ildeşimiziň kalbyndan çykan şygyrlar)

Eý köňlüm niçün gama batar sen?
Taze ýola düṣdi seniň batlaryň.
Ýat illerde galdyň bu gün hossarsyz,
Uzaklarda galdy ýakyn-ýatlaryň!

Bagla biliň beýik Kadyr Allaha,
Ony mydam durmuṣyňda pena bil!
Gursagyňda mesgen tutsyn imanyň,
Imanyňy ömür baky sena bil!

Ýollar uzak, geçilmeli menzil köp,
Halal bolsun alyn deriň her wagt.
Ýagṣylaryň hataryndan çykmasaň,
Ýagty durmuṣ hemdem bolar bir wagt.

Ýadyňa sal, ähli ýakyn-ýadyňy,
Sen olara elmydama sadyk bol.
Hiç bir iṣde bähbidiňi arama,
Ýeke özüň ahli kiṣä ýetik bol.

Ajyksaňam aç goýmagyn dostuňy,
Sözlän sözüň elmydama hak bolsun!
Hiç wagt sen özgelere ýük bolma,
Özgeleriň derdi saňa ýük bolsun!

PESAH (PASHA) BAÝRAMY
Bütin Mesihilik (hristian) dünýäsinde Pesah (Pasha) baýramy giňden, aýratyn bellenip geçilýär. Bu sebäpli biz hem Isa Mesihiň yzyna eýerýan ildeşlerimizi bu baýramçylyk bilen gutlaýarys! Size Rebbimiziň ähli bereketlerini arzuw edýäris. Şeýle hem gysgaça bolsa-da bu Pesah baýramçylygynyň taryhy we manysy hakynda ildeşlerimiz bilen paýlaşmak isledim.
Ehudylar üçin bu baýram Ysraýyl halkynyň gulçulykdan azat bolma baýramçylygy. Isa Mesihiň yzyna eýerijiler üçin bu Isa Mesih arkaly günälerden gutulyş we Isanyň ölümden direlmeginiň ýatlanma baýramydyr. Isa Mesihiň ölümden direlmegi bu geljege bolan umydy we baky ýaşaýşa bolan ynamy tassyklaýar. Ýöne hemmeler bu baýramyň gelip çykyş taryhyny we manysyny bilmeýärler. Mukaddes Ýazgylarda bellenmeli diýip görkezilen her bir baýramçylygyň manysy we simwoliki suratlandyrýan bir hakykaty bar. Geliň şu wagt Pesah baýramynyň gelip çykyş taryhy barada gürrüň edip geçeliň. Pesah (Pasha) dien sözüň manysy “sowulup geçme” diýmegi aňladýar. Müňlerçe ýyllar mundan öň Hudaýyň halky diýip at alan Ysraýyl halky Müsürde gulçulyk çekipdi, ýöne Hudaý olaryň ata babalary Ybraýyma, Yshaga we Ýakuba wada edişi ýaly olary Müsüriň gulçulygyndan azat etmek üçin we olara yurt bermek üçin Musa atly pygamberi olara ýollapdyr. Musa arkaly Hudaý Müsür patyşasyna gudratlar we alamatlar görkezipdir. Müsür patyşasy Bar bolan Biribara imansyz bolupdyr we Musanyň berýän duýdyryşlaryny kabul etmändir, Hudaý näçe gudrat görkezsede ýüregini gataldypdyr. Hudaý on sany belany Müsür patyşasynyň we halkynyň başyna inderipdir. Şolaryň onunjysy bilen Pesah ýagny “ sowulyp geçme” baýramçylygy dolylygyna esaslanandyr. Şol onunjy bela-da Hudaý Musa şeýle diýipdi, “her bir adam öz maşgalasy üçin bir arassa, çirksiz we sagdyn guzyny alsyn we ony soýup öldürsin. Ganyny alyp şol guzynyň eti iýiljek jaýyň daşky gapylarynyň gapdal we üstki söýelerine şol gany çalsyn. Bu — Rebbiň Pesahydyr. 12Şol gije Men Müsüriň içine aýlanyp, müsürlileriň ähli nowbahar ogullaryny, adamlaryndan tä mallaryna çenli ilkinji doglan erkeklerini öldürerin. Men Müsüriň ähli hudaýlarynyň üstünden höküm çykararyn. Men Rebdirin. 13Bolýan öýleriňiziň gapysyna çalnan gan siziň üçin nyşan bolar. Men ol gany görenimde, siziň üstüňizden aýlanyp geçerin. Men Müsüri jezalandyranymda, hiç hili betbagtlyk sizi weýran etmez.
14Bu gün siz üçin ýatlama güni bolar. Siz muny Maňa bagyşlap, baýram edip bellärsiňiz. Soň siz bu baýramy nesilme-nesil ebedilik düzgün edip saklarsyňyz.” Hudaý aýdyşy ýaly hem guzynyň gany çalynan her bir öýden “sowulyp geçýär” ýagny ölüm belasy “sowulyp geçýär”. Şol beladan soň Müsür patyşasy Ysraýyl halkyny gulçulykdan azat edýär. Ysraýyl halky soňra Hudaýyň wada eden ýurdyna barýar we ol ýurda eýe bolýarlar. Bu ajaýyp taryh we biziň üçin hem iň wajyp taryh bolup durýar. Munda ruhy many we Hudaýyň bütin adamzat üçin döreden gutulyş ýolunyň nyşany bar. Injilde Isa Alehsalama “Bütin dünýäniň jezasyny öz üstüne aljak Hudaýyň güzusydyr” diýilýär. Ondan başgada Isa Mesih biziň hakyky “Pesahymyzdyr” hem diýip Injil aýdýar. Ysraýyl halkynyň ilkinji dogulan çagalarynyň halas bolmagy üçin guzynyň gany gerekdi. Şol gapylarynyň daşyna çalynan guzynyň gany arkaly olar ölümden halas boldular. Muňa meňzeşlikde Isa Mesih hem adamzat günäsiniň jezasyny çekmek üçin guzy kimin öldürildi we ganyny haçda dökdi. Ölüp jaýlandy we üçünji güni direldi. Hudaý Ysraýyl halkyny gan arkaly gulçulykdan halas edişi ýaly bu günki gün hem her bir ynsanyň günä üçin çekmeli jezasyny Isa Mesihiň gurbanlygy arkaly bagyşlamak isleýär. Isanyň direlmeginiň hakykaty arkaly bolsa diri baky ýaşaýyş üçin ajaýyp umyt berýär. Ysraýyl taryhyndan görşimiz ýaly, olaryň halas bolmagy üçin olaryň erine etirmeli zady bardy. Birinjiden olar Hudaýyň Musa arkaly aýdýan sözlerini kabul edip ynanmalydylar we munuň netijesinde hem şol guzyny öldürip, ganyny bolsa gapylarynyň daşky söýelerine çalmalydylar. Muny berjaý edenler bolsa halas boldylar. Şeýle günälerden gutulyşy hem Hudaý muňa meňzeş ýol bilen amala aşyrdy we aşyrýar. Ol gutulyşda guzynyň gany esasy bolşy ýaly Isa Mesihiň gany hem gutulyş üçin esasydyr. Şol döwürde ýaşaýan jaýlarynyň gapysyna guzynyň ganyny çalmaly boldular, bu gunki gün hem her bir kişi Injiliň Isa Mesih hakyndaky Hoş Habaryna ynanyp, Isanyň döken ganyny iman bilen kabul etse günäleri bagyşlanyp Hudaýyň wada eden jennedine girmäge mümkinçilik alar. Şonda bu baýramçylyk Isa Mesihi Halasgär we Reb hökmünde kabul eden her bir adam üçin hem hakyky manysyna eýe bolar we hakyky baýramçylyk bolar. Isa direldi, Ol hakykatdan hem direldi!
Bu hakynda radio gepleşigimizi hem diňläp bilersiňiz:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

“Ebedi Söz Jan-Ten Bolýar we Hakyky Nur dünýä geldi…”

Ozal başda Söz bardy, Söz Hudaýdady, Söz Hudaýyň Özüdi. Ol ozal-başda Hudaýdady. Hemme zady Ol ýaratdy, ýaradylan zatlaryň hiç biri Onsuz ýaradylmady. Onda ýaşaýyş bardy, ýaşaýyş bolsa ynsanlaryň Nurudy. Bu Nur garaňkylykda parlaýandyr, garaňkylyk on öçürip bilen däldir.

Hudaý tarapyndan iberilen bir adam (pygamber) bardy, onuň ady Ýahýady. Ol güwälik etmäge, hemmeleriň özi arkaly iman etmegi üçin Nur hakda güwälik etmäge gelipdi. Onuň özi Nur däldi, ol diňe Nur hakda güwälik etmelidi. Ähli ynsanlary (ýagny hemmeleri) ýagtylandyrýan hakyky Nur dünýä geldi.

Ol dünýädedi, dünýä Ol arkaly ýaradylypdy, emma dünýä Ony tanamady. Ol özüniňkilere geldi, özüniňkiler Ony kabul etmediler.

!!! Emma Ol Özüni kabul edenlere, Adyna iman edenlere Hudaýyň oglanlary (ýagny çagalary) bolmak hukugyny berdi.Olar gandan, bedeniň islegi bilen ýada adamyň islegi bilen dogulman, eýsem, Hudaýdan doguldylar.

Söz jan-ten bolup aramyzda ýaşady; biz Onuň şöhrätyny…merhemetden, hakykatdan doly şähratyny gördük.

Ýahýa pygamber Ol hakda güwä geçip gygyrdy: “Meniň yzymdan bir adam geler, Ol menden üstündir, çünki Ol menden owal bardy diýenim, ine, Şudur”. Onuň dolulygyndan biziň hemmämiz merhemet üstüne merhemet aldyk. Çünki Musa pygamber arkaly Mukaddes Kanun berildi, Isa Mesih arkaly bolsa Merhemet we Hakykat peýda boldy. Hudaýy hiç kim hiç haçan gören däldir. Ony bize Hudaýyň – Sözi bolan Isa Mesih tanatdy…

Duşmanlaryňyzy söýüň!

Duşmanlaryňyzy söýüň. Bu dünýäniň ýaşaýyş prinsiplerine gapma garşy gelýär. Biz dünýäde dostlaryňy söý duşmanlaryňy ýigren, olardan ar al diýen düşünjeleri köp eşidýäris. Çagalykdan şeýle düşünjede ulalýarys, diňe bir çagalar beýle pikirlenmän eýsem ulylarda şeýle pikirde ýaşayarlar. Hatda olar öz çagalaryna-da kimiň dost kimiň duşmandygyny gürrüň berýärler. Netijede çagalar öz ene atalarynyň duşmanlaryna garşy söweşini dowam etdirýärler. Biz beýle ýagdaýlary daş-töweregimizde gaty köp görýäris. Bu dünýeýi adamlar üçin bir geň zat hem däldir. Olar ata- babalarymyz şeyle ýaşapdyrlar biz hem şeýle dowam edýäris diýýärler. Dünýäde uruşlar-da şeýledir. Ýurt-Ýurda, millet-millete garşy söweşýär. Olar ýamanlyga ýamanlyk, söweşe söweş bilen gaýtargy berýärler. Netijede söweş, ýigrenç hemişe dowam edýär. Duşmançylygy güýç bilen togtadyp bolmaýar. Dünýä “göze- göz, dişe- diş” diýen prinsipde ýaşaýar. Emma biz Isa Mesihe ynanýanlar beyle prinsipde ýaşamaly däldiris. Mukaddes kitap muňa garşydyr. Geliň bu barada ýazylan erini Mattanyň hoş-habaryndan bilelikde okalyň.

Matta 5; 38-42

Siz göze göz, dişe- diş diýleni eşidensiňiz. Men welin size diýýärin ýamana garşy durma. Gaýta kim seniň sag ýaňagyňa ursa, sol ýaňagyňyda oňa öwür. Seniň bilen dawalaşyp köýnegiňi aljak bolýana donyňy-da ber.Kim seni bir çakrym ýol ýöremäge zorlasa, onuň bilen iki çakrym ýol ýöre. Saňa dileg salana ber,karz dilejek bolýandan ýüzüňi öwürme.

Isanyň bu aýdan sözlerine düşünmek bize gaty kyn. Bu biziň terbiýemize, medeniýetimize umuman hemme taraplaýyn garşy gelýär. Dogry, sebäbi biz günäli adamlar, günäli dünýäniň nukdaý nazaryna görä ýaşayarys. Isa Hudaýyň Patşalygynyň prinsiplerine görä sözleýär. Şonuň üçin Hudaýyň kömegi bolmasa biz bu sözlere düşünip we ýaşap bilmeýäris.

Yamana garşy durmak, biri sag ýaňagyňa ursa, oňa sol yaňagyňy tutmak,köýnegiňi alana donyňy hem bermek, bu duşmançylygy bes etmegi aňladar. Beýle etseň ýyllar boýy dowam edýän duşmançylyk togtar, we parahatlyk, ýaraşyk emele geler. Isa biziň hemmeler bilen parahatlykda ýaşamagymyzy isleýer. Seni biri bir çakrym ýöremäge zorlasa, onda sen onuň bilen iki çakrym ýöre. Şonda onuň özi ýadap seni rahat taşlar.

Ene-de Matta 5;43-48 çenli dowam etdirýäris.

Siz goňşyňy söý, duşmanyňy ýigren diýleni hem eşidensiňiz.Men welin size diýýärin, göklerdäki Ataňyzyň ogullary bolar ýaly, duşmanlaryňyzy çöýüň,özüňize gargaýanlara alkyş ediň, ýigrenýänlere ýagşylyk ediň, size zulum edýänler,sizi yzarlaýanlar üçin doga ediň.Çünki Göklerdäki Ataňyz gününi ýamanlaryň hem,ýagşylaryň hem üstüne dogurýar, ýagmyryny dogrylaryň hem egrileriň hem üstüne ýagdyrýar. Siz özüňizi söýýänleri söýýän bolsaňyz, onda näme sylagyňyz bolar?Günäkerler-de şeýle etmeýärmi? Diňe öz garyndaşlaryňyza salam berýän bolsaňyz, onda näme artykmaç iş edýärsiňiz? Başga Milletler-de şeýle etmeýärmi? Şeýlelikde Gökdäki Ataňyzyň kämil bolşy ýaly siz hem kämil boluň.

Isa bu sözleriň üsti bilen bize anyk düşünje berýär. Biziň Isa ynanýan bolandygymyz üçin, bu dünýäden tapawudymyz bolmalydyr. Bu Hudaýyň tapşyrygy, bu bir borçdyr. Dünýäden tapawudymyz bolmasa onda biz Isa degişli däldiris. Hudaýyň ogullary bolmak isleseňiz onda Onyň Sözlerine görä aşamaly bolarsyňyz. Gökdäki Atamyzyň kämil bolşy ýaly biz hem kämil bolmaly.

Rimlilere ýazylan hat 12;19-21

Eý söýgüli doganlar özüniz öç almaň, Hudaýyň gazabyna ýol beriň.Çünki Reb diýýär «Öç Meniňkidir öwezini men bererin«Duşmanyň aç bolsa, ony naharla, suwsan bolsa, ony gandyr; sebäbi muny etseň, onuň başyna közler guýarsyň diýip ýazylgydyr. Özüňi ýamanlyga eňdirme-de, ýamanlygy ýagşylyk bilen ýeň.

Soýgüli doganlar! Biz duşmanlarymyzdan özümiz öç almak islesek, ýa-da eýýäm öç alyan bolsak onda heziriň özünde saklanmalydyrys. Özümiz öç alýan bolsak, onda Hudaý aralaşyp bilmeyer. Beyle etmek bilen biz Hudaýa ýol bermeýäris. Duşmanlarymyza ýagşylyk etsek onda biz yamanlygy yagşylyk bilen eňeris.