Name uchin Hudayy gorup bilemzok?

Jogap:

Salam Guwanch,

Bizing websaytymyza gelip oz pikirleriniz bilen paylashanynyz we sorag bereniniz uchin minnetdar!

Huday bizing gorup biljek gozlerimizden gaty ulydyr we mukaddesdir! Eger Ol oz gudratynda, akyldarlygynda we mukaddesligining dolulygynda yaradylan dunyasine girip gelende hich bir zat Onung bu beyikligining we gudratynyng onunde durup bilmez we kabul edip bilmez. Bu sebapden Hudayy biz Onung ellerining ishi arkaly yaradan dunyasine yagny alem-jahana we tebigata  we hatda ozuming nahili ajayyp yaradylandygymyza seredip Yaradyjyny gorup bilyaris! Ondan bashgada bizing gunalidigimiz uchin Mukaddes Bolan Hudayy gorup bilmeyaris we aragatnashykda bolup bilmeyaris, yone Huday rehime we merhemete baydygy uchin Oz yaradan ynsanlaryny gutulysha yetirmek uchin Ozuning bir bolegi bolan Baky Sozuni yagny Isa Mesihi yere gelip ynsan bolup yashamaga we bize Hudayy tanatmaga iberdi. Hachanda biz Injil arkaly Isa Mesih bilen tanyshanymyzda Hudayy tanap bilyaris we Yaradyjy bilen yarashyp aragatnashyk saklap bilyaris, chunki Hosh Habar bolan Halasgar Isa MEsihe iman edenimizde bizing ruhymyz direlyar we Huday bilen aragatnashykda bolup bashlayar! Shonda biz Hudayy diri bolan ruhymyz arkaly gorup bilyaris we gatnashykda bolup bilyaris, bu hem gunalerimize toba edip kalbymyzdan okunenimizde we Hudayyng upjun eden gutulyshynyng Isa Mesihdedigine dushunip Isany halasgarimiz hokmunde kabul edenimizde bolup gechyar, ine bu sebapden muna Hosh Habar diyilyar! Yene-de soraglarynyz bar bolsa sorap bilersiniz!

Size ruhy rowachlygy we Rebbimizing bereketlerini arzuw edip,

admin

Günüňdir

Delalat agtaryp geldim ýanyňa,

Rebbim Seniň medet berer günüňdir

Ganlar döken gyljym salýan gynyna

Rebbim Seniň medet berer günüňdir

Nije menzil sökdüm garşyňa gidip,

Durmuş ýollarynda öz-özüm idip,

Bu gün Atam öýne geldim men gaýdyp,

Rebbim Seniň medet berer günüňdir.

Toba gözýaşlary ýuwdy ýüzümi

Günäň tümi gapan eken gözümi,

Takat kylyp diňle meniň sözümi

Rebbim Seniň medet berer günüňdir.

Didelerim diňe Saňa intizar,

Çünki dünýäň kületinden men bizar,

Bilýän, Atam, Sende durmuş gül-gülzar

Rebbim Seniň medet berer günüňdir.

Huzuryňda günälerme toba edýän,

Etmişlermiň baryn boýnuma alýan,

Ýüregimiň törün Saňa bagyş edýän

Rebbim Seniň medet berer günüňdir.

Ýaradanyň Ogly Isa Mesihi

Halasgär hökmünde kabul edýärin.

“Ölümi ýeňenňe sag bol” diýýärin.

Rebbim Seniň medet berer günüňdir.

Ýazyklarmy öteniňe ynanýan,

Günälermi öçüreniňe begenýän,

Bagtdan ýaňa ýüregimden aglaýan

Rebbim Seniň medet beren günüňdir.

Ölüm diýarynda goýmadyň meni

Nuruňa çykaryp görkezdiň güni,

Sada dilim her gün beýgeltsin Seni.

Rebbim Seniň medet beren günüňdir.

“Iman bolsa, umyt edilen zatlara bil baglamak, gorunmeyan zatlara ynamdyr…Biz aleming Hudayyng buyrugy bilen yaradylandygyna, sheyle hem gorunyan zatlaryng gorunmeyan zatlardan dorandigine iman arkaly dushunyaris…Iman etmezden, Huday tarapyndan halanmak mumkin daldir. Hudaya yakynlashan Onung barlygyna, Ozuni agtaryanlary sylaglajakdygyna iman etmelidir.” Yewreylere hatyng 11:1,3,6

“Chunki dogry adam iman bilen yashar” diyip yazylyshy yaly, Hosh Habarda hem Hudayyng dogrulygy imandan imana ayan bolyar.” Rim.1:17

“Biz her tarapdan gysylyarys, yone owranmayarys. Biz charesiz yagdaydadyrys, yone chykalgasyz daldiris. Kowalanyandyrys, yone terk edilen daldiris. Yere urulandyrys, yone olen daldiris…Munung uchin biz ruhdan dushmeyaris, gaytam, dashky adamymyz bolzulsa-da ichki adamymyz gunbe-gunden tazelenyar. Sebabi wagtlayyn, yenil mushakgat bizing ucin juda artykmach shohratyng ebedi agramyny emele getiryar. Sebabi biz gorunyan zatlara dal-de, gorunmeyanlere seredyaris, chunki gorunyanler wagtlayyn, gorunmeyanler ebedidir!” 2Kor.4:8-9:16-18

Iman bu- Hudayyng hakykatdan barlygyna we Onung yagshydygyna ynanmakdyr…Munung ustesine iman bu- bu gorunyan zatlary Yaradanyng, yaradan zatlaryny tashlap gitmanligine we garankylygy yagtylandyrjak Nuryny yere yollap durandygyna we iman edenlering imanyna jogap gaytaryandygyna bolan ynanmagy saylamakdyr…

Iman -Hudayyng hemishede dogry zady etjekdigine ynanmakdyr. Sening yagdayyng nache umytsyzlykdan doldugycha, shoncha hem sening gutulyshyng yakyndyr. Aladang kopeldigiche, sening doga-dielglering hem chyndyr diyip ,Huday aydyar. Otag nache tumlikden doldygy sayyn, shonchada yagtylyga matachligi gorunyar.

Hudayyng yardamy sana yakyndyr we hemishe hem elyeterlidir, emma ol dine ony gozlanlere berilyandir!

Hudayymyz Yaradyjymyz, bizing sana bolan ynamymyzy tazele, sheydip biz ahli zady sening elinge tabshyryp, Senden doly bolmak isleyas. Bizing kalbymyz ozuni Sana dolulygyna tabshyrmak isleyar we sheylelikde biz Sening merhemetinden we yagshylgyndan ugur alan azatlygy bilip bileris!

“14Men greklere hem warwarlara, akyldarlara hem nadanlara borçludyryn.15Şeýlelikde, elimden geleni aýaman, siz Rimdäkilere-de Hoş Habary wagyz etmäge taýyn.16Çünki men Hoş Habara utanmaýaryn, sebäbi ol her bir iman edene, ilki bilen ýehudylara we soňra greklere Hudaýyň gutulma güýjüdir.17Çünki: «Dogry adam iman bilen ýaşar» diýip ýazylyşy ýaly, Hoş Habarda Hudaýyň dogrulygy imandan imana aýan bolýar. “Rim.1:14-17

Pesah nahary

17Petir baýramynyň ilkinji güni şägirtler Isanyň ýanyna gelip: «Pesah naharyny iýmegiň üçin, nirede taýýarlyk görmegimizi isleýärsiň?» diýdiler.18Ol şeýle diýdi: «Şähere gidiň-de, pylanynyň ýanyna baryp: „Mugallym: wagtym golaý, Pesahy şägirtlerim bilen bilelikde seniň öýüňde geçirjek” diýýär diýiň».19Şägirtler hem Isanyň özlerine buýruşy ýaly edip, Pesahy taýýarladylar.20Agşam düşende, Isa on iki şägirdi bilen bilelikde saçak başynda oturdy.21Olar naharlanyp otyrkalar, Isa: «Size dogrusyny aýdýaryn, sizden biri Maňa haýynlyk eder» diýdi.22Olar gaty tukatlanyp, yzly-yzyna Oňa: «Ýa Reb, men-ä däldirin?» diýmäge başladylar.23Ol hem şeýle jogap berdi: «Elini Meniň bilen bile tabaga batyran Maňa haýynlyk eder.24Ynsan Ogly Özi hakda ýazylyşy ýaly barýar, ýöne Ynsan Ogluna haýynlyk edeniň gününe waý! Ol adam eneden dogulmadyk bolsa, onuň üçin has oňat bolardy».25Oňa haýynlyk eden Iuda: «Mugallym, men-ä däldirin?» diýdi. Isa hem oňa: «Seniň aýdyşyň ýalydyr» diýdi.26Olar naharlanyp otyrkalar, Isa çörek alyp, şükür etdi-de, ony döwüp şägirtlere berdi we: «Alyň, iýiň, bu Meniň tenimdir» diýdi.27Onsoň käsäni aldy, şükür edeninden soň, olara berip, şeýle diýdi: «Şundan hemmäňiz içiň.28Çünki bu Meniň ganym, günäleriň bagyşlanmagy üçin köp adamlaryň hatyrasyna dökülen täze ähtiň ganydyr.29Size diýýärin, Atamyň Patyşalygynda siziň bilen bile täzesini içjek günüme çenli üzüm şiresini gaýtadan içmerin».30Olar bir öwgüli aýdym aýdyp bolanlaryndan soň, Zeýtun dagyna çykdylar.

Petrusyň inkär etjegi öňünden aýdylýar
31Onsoň Isa olara şeýle diýdi: «Bu gije siziň hemmäňiz Menden ýüz dönderersiňiz, çünki: „Çopany uraryn, sürüdäki goýunlar dagar” diýip ýazylgydyr.32Emma Men ölümden direlenimden soň, sizden öň Jelilä bararyn».33Petrus Oňa jogap berip: «Hemmeler Senden ýüz dönderse-de, men asla döndermerin» diýdi.34Isa oňa: «Saňa dogrusyny aýdýaryn, şu gije horaz gygyrmazyndan öň, sen Meni üç gezek inkär edersiň» diýdi.35Petrus Oňa: «Men Seniň bilen ölmeli bolsam-da, Seni asla inkär etmerin» diýdi. Şägirtleriň hemmesi-de şeýle diýdiler.

Isa Getsemanide doga edýär
36Onsoň Isa şägirtleri bilen Getsemani diýen ýere gitdi. Ol olara: «Men hol ýere baryp, doga edip bolýançam, şu ýerde oturyň» diýdi.37Petrus bilen Zebedeýiň iki ogluny ýanyna aldy-da, tukatlanyp, gaýgylanmaga başlady.38Onsoň olara: «Meniň janym öler ýaly tukat, bu ýerde galyp, Meniň bilen bile oýa boluň» diýdi.39Biraz öňe gidip, ýüzin ýatdy-da: «Eý Atam! Mümkin bolsa, bu käsäni Menden geçir; ýöne Meniň isleýşim ýaly däl, Seniň isleýşiň ýaly bolsun» diýip doga etdi.40Isa şägirtleriň ýanyna gelse, olar uklap ýatan eken. Ol Petrusa şeýle diýdi: «Meniň bilen bile bir sagat-da oýa bolup bilmediňizmi?41Synaga düşmez ýaly oýa boluň, doga ediň. Ruh islegli, ýöne ten ejizdir».42Isa ikinji gezek gidip: «Eý Atam, Men içmesem, bu käsäniň geçmegi mümkin däl bolsa, onda, Seniň islegiň bolsun» diýip doga etdi.43Ýene gelende, şägirtleri uklap ýatan eken, çünki olaryň gözleri ýumlup gelýärdi.44Isa olary galdyryp, ýene gitdi, ýene şol öňki sözler bilen üçünji gezek doga etdi.45Onsoň şägirtleriň ýanyna gelip, olara diýdi: «Siz entek-de uklap ýatyrmysyňyz? Dynjyňyzy alýarmysyňyz? Ine, sagat golaýlady, Ynsan Ogly günäkärleriň eline berilýär.46Turuň, gideliň, ine, Maňa haýynlyk eden golaýlady».

Isa tutulýar
47Ol entek gepläp durka, ine, Onkileriň biri bolan Iuda, onuň bilen bilelikde baş ruhanylar we halkyň ýaşululary tarapyndan gylyçly, taýakly bir uly märeke geldi.48Oňa haýynlyk eden Iuda olara: «Men kimi öpsem, Şoldur, Şony tutuň» diýip, alamat beripdi.49Ol derrew Isanyň ýanyna baryp: «Salam, Mugallym!» diýip, Ony öpdi.50Isa hem oňa: «Näme üçin geldiň, dostum!» diýdi. Onsoň olar Isa golaý gelip, el urup, Ony tutdular.51Ine, Isanyň ýanyndakylardan biri elini uzadyp, gylyjyny syrdy-da, baş ruhanynyň hyzmatkärini urup, gulagyny kesdi.52Şonda Isa oňa şeýle diýdi: «Gylyjyňy gynyna sal, çünki gylyç çekenleriň hemmesi gylyç bilenem öldüriler.53Ýa Men on iki legiondan köp perişdäni derrew ibersin diýip, Atama ýüz tutup bilmez öýdýärsiňmi?54Onda, bu şeýle bolmalydyr diýen Mukaddes Ýazgylar nähili ýerine ýeter?»55Şol sagat Isa märekä ýüzlenip, şeýle diýdi: «Bir talaňçynyň garşysyna çykýan ýaly, Meni tutmak üçin gylyç hem taýak bilen geldiňizmi? Her gün ybadathanada oturyp, sapak berenimde, Meni tutmandyňyz.56Ýöne bularyň hemmesi pygamberleriň ýazgylarynyň ýerine ýetmegi üçin boldy». Şonda şägirtleriň hemmesi Ony taşlap gaçdylar.

Isa ýehudylaryň mejlisiniň öňünde
57Isany tutanlar Ony baş ruhany Kaýafanyň ýanyna getirdiler, kanunçylar bilen ýaşulular-da şol ýere ýygnanypdylar.58Petrus bolsa baş ruhanynyň howlusyna çenli gara görnümden Isanyň yzyna düşüp gitdi. Içerik girdi-de, işiň soňuny görjek bolup, hyzmatkärler bilen bile oturdy.59Baş ruhanylar we bütin mejlis Isa ölüm jezasyny berjek bolup, Oňa garşy ýalan şaýatlar agtardylar.60Köp ýalançy şaýatlar geldi, ýöne onda-da tapyp bilmediler. Ahyrsoňy iki ýalançy şaýat gelip,61şeýle diýdi: «Bu Adam: „Men Hudaýyň ybadathanasyny ýykyp, ony üç günüň içinde salyp bilerin” diýdi».62Baş ruhany ýokaryk galyp: «Sen asla jogap berjek dälmi? Bu adamlaryň Seniň garşyňa berýän güwäligi näme?» diýdi.63Emma Isa dymdy. Baş ruhany Oňa: «Saňa diri Hudaýdan kasam edýärin, bize aýt, Hudaýyň Ogly Mesih Senmi?» diýdi.64Isa oňa: «Seniň aýdyşyň ýalydyr, ýöne size diýýärin, mundan soň Ynsan Oglunyň gudratly Hudaýyň sagynda oturanyny, Gögüň bulutlary bilen gelýänini görersiňiz» diýdi.65Şonda baş ruhany öz egin-eşigini ýyrtyp: «Ol Hudaýa dil ýetirdi, bize başga şaýat nämä gerek? Ine, Onuň Hudaýa dil ýetirenini özüňiz eşitdiňiz.66Näme diýýärsiňiz?» diýdi. Olar hem jogap berip: «Ol ölüme mynasyp» diýdiler.67Onsoň Isanyň ýüzüne tüýkürdiler, Ony ýumrukladylar, käbirleri Oňa:68«Eý, Mesih, bize welilik et, Seni uran kim?» diýip, Ony şapbatladylar.

Petrus Isany inkär edýär
69Petrus bolsa daşarda howluda otyrdy. Bir keniz onuň ýanyna gelip: «Sen-de jelileli Isa bilen bilediň» diýdi.70Emma ol hemmäniň ýanynda inkär edip: «Men seniň näme diýýäniňi bilmeýärin» diýdi.71Derwezä tarap barýarka, başga bir keniz ony görüp, ol ýerde duranlara: «Bu adam hem Nasyraly Isa bilen biledi» diýdi.72Petrus ýene-de inkär edip: «Men ol Adamy tanamaýaryn» diýip ant içdi.73Az salymdan soň, ol ýerde duranlar gelip, Petrusa: «Dogrudan hem, sen-de olardan, çünki gepleýşiň muny bildirip dur» diýdiler.74Şonda Petrus: «Men ol Adamy tanamaýaryn» diýip, ant içip, awy ýalamaga durdy. Edil şol wagt horaz gygyrdy.75Petrus Isanyň: «Horaz gygyrmazyndan öň, sen Meni üç gezek inkär edersiň» diýen sözüni ýatlady-da, daşaryk çykyp, möňňürip aglady.

¹³Pilatus baş ruhanylary, başlyklary hem halky üýşürip,¹⁴olara şeýle diýdi: «Siz maňa bu Adamy halky azdyrýar diýip getirdiňiz. Ine, men siziň gözüňiziň alnynda barlag geçirip, Ondan hiç bir ýazyk tapmadym.¹⁵Hirodes hem tapmandyr, çünki men Ony Hirodesiň ýanyna iberipdim. Siziň görşüňiz ýaly, Onuň ölüme laýyk eden hiç bir zady ýok.¹⁶Munuň üçin, men Ony jezalandyryp boşatjak».¹⁷Pilatus baýram mynasybetli halka bir adamy boşatmalydy.¹⁸Emma bütin halk: «Bu Adamy ýok et! Bize Barabbasy boşat!» diýip gygyryşdylar.¹⁹Barabbas şäherde ýüze çykan bir gozgalaňa gatnaşany we adam öldüreni üçin zyndana salnypdy.²⁰Pilatus Isany boşatmak niýeti bilen ýene-de halka ýüzlendi.²¹Emma olar: «Ony haça çüýle, haça çüýle!» diýip gygyryşdylar.²²Pilatus üçünji gezek olara: «Bu Adam näme ýaman iş etdi? Men Ondan ölüme laýyk hiç bir zat tapmadym. Munuň üçin, Ony jezalandyryp boşatjak» diýdi.²³Emma olar seslerini gataldyp, hötjetlik bilen Onuň haça çüýlenmegini talap etdiler. Şeýlelikde, olaryň we baş ruhanylaryň sesi üstün çykdy.²⁴Şunluk bilen, Pilatus olaryň islegini ýerine ýetirme kararyna geldi.²⁵Olaryň islän adamyny, gozgalaň turzup, adam öldüreni üçin zyndana salnan adamy boşadyp, Isany olaryň erkine berdi.

²⁶Olar Isany alyp barýarkalar, düzden öwrülip gelýän kireneli Simuny tutup, Isanyň yzyndan göterip äkitsin diýip, arkasyna haç ýüklediler.²⁷Halkdan uly märeke, Onuň üçin zarynlap aglaýan aýallar hem yzyna düşüp gitdiler.²⁸Isa öwrülip, olara diýdi: «Eý Iýerusalim gyzlary! Meniň üçin aglaman, özüňiz, çagalaryňyz üçin aglaň.²⁹Çünki, ine, „Önelgesiz aýallar, çaga dogurmadyk göwreler, çaga emdirmedik göwüsler ne bagtly!” diýiljek günler geler.³⁰Şonda daglara: „Biziň üstümize ýykylyň!” Depelere: „Biziň üstümizi örtüň!” diýerler.³¹Çünki gök agaja bu zatlar edilse, onda gury agaja näme ediler?»³²Iki jenaýatçyny hem dardan asjak bolup, Isa bilen bile alyp barýardylar.³³Kelleçanak diýen ýere gelenlerinde Isany ýaňky jenaýatçylar bilen birlikde haça çüýlediler. Jenaýatçylaryň biri Onuň sag tarapynda, biri-de çep tarapyndady.³⁴Isa: «Ata! Olary bagyşla, çünki näme edýänlerini bilmeýärler» diýdi. Onuň egin-eşigini bolsa bije atyşyp paýlaşdylar.³⁵Halk Oňa bakyşyp durdy. Başlyklar hem gülüp: «Ol özgeleri halas etdi. Hudaýyň saýlan Mesihi bolsa, Özüni halas etsin» diýişýärdiler.³⁶Esgerler hem ýanyna gelip, Ony masgaralaýardylar. Oňa sirke hödür edip:³⁷«Ýehudylaryň patyşasy bolsaň, Özüňi halas et» diýişýärdiler.³⁸Onuň depesinde bolsa grekçe, latynça we ýewreýçe «BU ADAM ÝeHUDYLARYŇ PATYŞASY» diýen ýazgy bardy.³⁹Asylan jenaýatçylaryň biri Oňa sögüp: «Sen Mesih dälmi? Özüňi hem-de bizi halas et!» diýdi.⁴⁰Beýlekisi bolsa oňa käýäp, şeýle diýdi: «Onuňky bilen bir höküme sezewar bolanyň üçin Hudaýdan gorkmaýarsyňmy?⁴¹Biz adalatlylyk bilen, öz etmişimize laýyk jeza aldyk. Bu Adamyň bolsa hiç bir eden etmişi ýok».⁴²Onsoň: «Isa, Patyşalygyňa baryp gireniňde, meni ýatla!» diýdi.⁴³Isa hem oňa: «Saňa dogrusyny aýdýaryn, sen şu gün Meniň bilen bile behiştde bolarsyň» diýdi.

⁴⁴Wagt günortana golaýdy, şondan soň üç sagatlap ýurda garaňky düşdi.⁴⁵Gün garaldy, ybadathananyň tutusy ortarasyndan ýyrtylyp, ikä bölündi.⁴⁶Isa gaty ses bilen gygyryp: «Eý Ata! Ruhumy Seniň eliňe berýärin!» diýdi, muny aýdandan soň jan berdi.⁴⁷Ýüzbaşy bolan wakany görende, Hudaýy şöhratlandyryp: «Bu, hakykatdan-da, dogry Adam eken!» diýdi.⁴⁸Bu tomaşa üçin üýşüşen halaýygyň bary bolan wakalary görüp, gursaklaryna ura-ura yzlaryna gaýtdylar.⁴⁹Isany tanaýan adamlaryň bary, Jelileden Onuň yzyna düşüp gelen aýallar daşrakda durup, bu wakalara syn etdiler.

⁵⁰Ine, mejlis agzalaryndan Ýusup atly biri bardy. Ol gowy hem dogry adamdy.⁵¹Özi-de mejlisiň kararyna we işine razyçylyk bermändi. Ýahudanyň Arimatiýa şäherinden bolan bu Ýusup Hudaýyň Patyşalygyna garaşýardy.⁵²Bu adam Pilatusyň ýanyna baryp, Isanyň jesedini diledi.⁵³Onsoň Ony aşak düşürip, kepene dolap, gaýada oýulan we şol wagta çenli hiç kimiň jaýlanmadyk mazarynda jaýlady.⁵⁴Ol güni taýýarlyk güni bolup, sabat güni başlanmaga golaýdy.⁵⁵Isa bilen bile Jelileden gelen aýallar hem Ýusubyň yzyna düşüp, baryp, mazary we Onuň jesediniň nähili jaýlananyny gördüler.⁵⁶Onsoň öýlerine gaýdyp, ýakymly ysly ýag, atyrlar taýýarlap, sabat güni Hudaýyň buýrugy boýunça dynç aldylar…..

Olar umutsyzdylar, çünki Isa Mesih jaýlanypdy, ýöne Hudaý umytsyz goýmaz…üçünji güni bolsa täze ýaşaýyş we umyt geljekdi…Ine bu güne bolsa Isa MEsihiň direlişi diýilýär, ine bu sebäpden Isa Mesihe iman edenler bu gün Isa direldi, ol hakykatdan direldi diýip biri-birine buşlaýarlar. Çünki biziň Reb Halagärimiz direldi we bü gün hem diridir!

¹Hepdäniň ilkinji güni ertir ir bilen aýallar taýýarlan ýakymly ysly ýaglaryny alyp, mazara bardylar; ýanlarynda başga aýallar hem bardy.²Ine, mazaryň agzyndaky daş bir çete togalanan eken.³Olar içerik girenlerinde, Reb Isanyň jesedini tapmadylar.⁴Muňa geňirgenişip durkalar, birdenkä, garşylarynda ýalkym salýan eşikli iki sany adam peýda boldy.⁵Aýallar gorkup, ýüzlerini ýere egenlerinde, ýaňky adamlar olara şeýle diýdiler: «Siz näme üçin dirini ölüleriň arasyndan gözleýärsiňiz?⁶Ol bu ýerde däl, direldi! Onuň entek Jeliledekä size aýdanlaryny ýatlaň.⁷Ol: „Ynsan Ogly günäkär adamlara tabşyrylmaly, haça çüýlenmeli, ölenden üç günden soň direlmelidir” diýipdi».⁸Onsoň Isanyň bu sözleri olaryň ýatlaryna düşdi.⁹Aýallar mazardan öwrülip gelip, bularyň baryny Onbirlere we beýlekileriň hemmesine habar berdiler.¹⁰Resullara bu habary ýetirenler Magdalaly Merem, Ýuhanna, Ýakubyň ejesi Merem we olaryň ýanyndaky beýleki aýallardy.¹¹Bu sözler resullaryň göwnüne manysyz geldi, olar aýallaryň gepine ynanmadylar.

¹²Onsoň Petrus turup, mazara ylgady-da, egilip, kepen matalaryň boş ýatanyny görende, bolan waka geňirgenip, yzyna gaýtdy.

¹³Ine, şol gün olaryň ikisi Emmaus diýen oba barýardy. Bu obanyň Iýerusalimden on bir kilometre golaý aralygy bardy.¹⁴Olar bolan bu wakalar hakda özara gürleşýärdiler.¹⁵Şeýlelikde, gürleşip, pikir alşyp barýarkalar, Isanyň Özi ýakyna gelip, olar bilen bile ýöräberdi.¹⁶Ýöne Ony tanamaz ýaly, olaryň gözleri baglanypdy.¹⁷Isa olardan sorady: «Bu barşyňyza näme hakda gürrüň edişýärsiňiz?» Olar gaýgyly ýagdaýda aýak çekdiler.¹⁸Olaryň Kleopas atlysy: «Iýerusalimde bolup-da, şu günler ol ýerde bolan wakalary bilmeýän keseki ýeke Senmi?» diýdi.¹⁹Isa olardan: «Haýsy wakalary?» diýip sorady. Olar şeýle jogap berdiler: «Nasyraly Isa hakdaky wakalary. Ol Hudaýyň we bütin halkyň ýanynda sözde hem işde güýçli pygamberdi.²⁰Baş ruhanylar bilen başlyklarymyz ölüm jezasy berilsin diýip, Ony häkime tabşyrdylar, haça çüýlediler.²¹Biz Ysraýyly halas etjek Şoldur diýip umyt ederdik. Mundan başga hem, bu zatlaryň bolanyna üç gün boldy.²²Üstesine-de, aýallarymyzyň käbiri hem bizi geňirgendirdi. Olar şu gün ir bilen mazara baryp,²³Onuň jesedini tapmandyrlar. Gelip, gözlerine perişdeleriň görnenini aýtdylar. Perişdeler Oňa diri diýýärmiş.²⁴Onsoň biziňkileriň käbiri mazara baryp, ýagdaýyň edil aýallaryň aýdyşy ýalydygyny görüpdirler, ýöne Isany görmändiler».²⁵Isa olara şeýle diýdi: «Eý akmak adamlar, pygamberleriň ähli aýdanlaryna giç ynanýanlar!²⁶Mesih bu görgüleri görüp, şöhratyna girmeli dälmidi?»²⁷Onsoň Musa bilen ähli pygamberlerden başlap, hemme Mukaddes Ýazgylarda Özi hakda aýdylanlary olara düşündirdi.²⁸Olar barýan obalaryna golaýlanlarynda, Isa uzagrak giderli göründi.²⁹Emma olar Ony saklap: «Biziň ýanymyzda galaý, çünki agşam golaýlap, Gün ýaşyp barýar» diýdiler. Şeýlelikde, Isa olaryň ýanynda galdy.³⁰Isa olar bilen saçak başynda otyrka, çörek alyp, şükür etdi-de, bölüp olara berdi.³¹Şonda olaryň gözleri açylyp, Ony tanadylar, emma Ol gözlerinden gaýyp boldy.³²Olar biri-birlerine: «Ýolda biziň bilen gepleşip gelýärkä, bize Ýazgylary düşündirýärkä, içimizde ýüregimiz ýanmaýarmydy?» diýişdiler.³³Turup, şol sagadyň özünde Iýerusalime öwrüldiler. Görseler, on bir resul bilen olaryň ýanyndakylar üýşüşip oturan eken.³⁴Bular: «Çyn! Reb direlipdir, Simuna görnüpdir» diýişýärdiler.³⁵Onsoň olar-da ýolda bolan wakalary, Isa çöregi bölende, Ony tanandyklaryny aýtdylar.

³⁶Olar heniz bu barada gürrüň berip durkalar, Isanyň Özi ortalarynda durup: «Size parahatlyk!» diýdi.³⁷Olar ruh görýändiris öýdüp, tisginip gorka düşdüler.³⁸Isa olara şeýle diýdi: «Näme üçin aljyraşýarsyňyz? Näme sebäpden göwnüňize beýle pikirler gelýär?³⁹Meniň ellerime, aýaklaryma serediň. Bu Meniň Özüm! Maňa elleriňizi degrip görüň. Ruhuň et bilen süňki bolmaz, ýöne siziň görşüňiz ýaly, Meniňki bar».⁴⁰Muny aýdyp, ellerini, aýaklaryny olara görkezdi.⁴¹Olar şatlykdan ýaňa entek ynanman, geňirgenişip durkalar, Isa olara: «Bu ýerde iýmäge bir zadyňyz barmy?» diýdi.⁴²Oňa bişirilen balygyň bir bölegi bilen biraz bal berdiler.⁴³Isa alyp, olaryň gözleriniň alnynda ony iýdi.⁴⁴Olara şeýle diýdi: «Men hakda Musanyň Kanunynda, pygamberleriň ýazgylarynda, Zeburda ýazylanlaryň bary berjaý bolmalydyr diýip, entek siziň ýanyňyzdakam aýdan sözlerim şulardyr».⁴⁵Onsoň Ýazgylara düşünmekleri üçin, olaryň aňlaryny açdy.⁴⁶Isa olara şeýle diýdi: «Şeýle ýazylgydyr: Mesih görgi görüp, ölenden üç günden soň direljekdir.⁴⁷Iýerusalimden başlap, bütin milletler günäleriň geçilmegi üçin, Onuň adyndan toba çagyryljakdyr.⁴⁸Siz bu zatlara şaýat bolarsyňyz.⁴⁹Ine, Men Atamyň wada edenini size ýollaryn. Siz özüňize ýokardan güýç geýdirilýänçä, Iýerusalim şäherinde boluň».⁵⁰Onsoň olary daşaryk çykaryp, Beýtaniýanyň golaýyna getirdi, ellerini galdyryp, olara ak pata berdi.⁵¹Ak pata berip durşuna olardan aýrylyp, Göge göterildi.⁵²Olar hem Oňa sežde edip, uly şatlyk bilen Iýerusalime tarap öwrüldiler.⁵³Elmydama ybadathanada bolup, Hudaýa öwgi aýdyp, alkyş okaýardylar.

¹⁶Şunluk bilen, on bir şägirt Jelilä ― Isanyň aýdan dagyna gitdi.¹⁷Isany görüp, Oňa sežde etdiler, ýöne olaryň käbiri şübhelendi.¹⁸Isa hem ýanlaryna gelip, olara şeýle diýdi: «Ähli ygtyýar ýerde-Gökde Maňa berildi.¹⁹Şonuň üçin, gidiň-de, bütin milletleri şägirt ediň, olary Ata, Ogul we Mukaddes Ruhuň ady bilen çokundyryň.²⁰Size tabşyran ähli zatlarymy berjaý etmegi olara öwrediň. Men dünýäniň soňuna çenli siziň bilen bolaryn. Omyn»

PESAH (PASHA) BAÝRAMY

Bütin Mesihilik (hristian) dünýäsinde Pesah (Pasha) baýramy giňden, aýratyn bellenip geçilýär. Bu sebäpli biz hem Isa Mesihiň yzyna eýerýan ildeşlerimizi bu baýramçylyk bilen gutlaýarys! Size Rebbimiziň ähli bereketlerini arzuw edýäris. Şeýle hem gysgaça bolsa-da bu Pesah baýramçylygynyň taryhy we manysy hakynda ildeşlerimiz bilen paýlaşmak isledim.

Ehudylar üçin bu baýram Ysraýyl halkynyň gulçulykdan azat bolma baýramçylygy. Isa Mesihiň yzyna eýerijiler üçin bu Isa Mesih arkaly günälerden gutulyş we Isanyň ölümden direlmeginiň ýatlanma baýramydyr. Isa Mesihiň ölümden direlmegi bu geljege bolan umydy we baky ýaşaýşa bolan ynamy tassyklaýar. Ýöne hemmeler bu baýramyň gelip çykyş taryhyny we manysyny bilmeýärler. Mukaddes Ýazgylarda bellenmeli diýip görkezilen her bir baýramçylygyň manysy we simwoliki suratlandyrýan bir hakykaty bar. Geliň şu wagt Pesah baýramynyň gelip çykyş taryhy barada gürrüň edip geçeliň. Pesah (Pasha) dien sözüň manysy “sowulup geçme” diýmegi aňladýar. Müňlerçe ýyllar mundan öň Hudaýyň halky diýip at alan Ysraýyl halky Müsürde gulçulyk çekipdi, ýöne Hudaý olaryň ata babalary Ybraýyma, Yshaga we Ýakuba wada edişi ýaly olary Müsüriň gulçulygyndan azat etmek üçin we olara yurt bermek üçin Musa atly pygamberi olara ýollapdyr. Musa arkaly Hudaý Müsür patyşasyna gudratlar we alamatlar görkezipdir. Müsür patyşasy Bar bolan Biribara imansyz bolupdyr we Musanyň berýän duýdyryşlaryny kabul etmändir, Hudaý näçe gudrat görkezsede ýüregini gataldypdyr. Hudaý on sany belany Müsür patyşasynyň we halkynyň başyna inderipdir. Şolaryň onunjysy bilen Pesah ýagny “ sowulyp geçme” baýramçylygy dolylygyna esaslanandyr. Şol onunjy bela-da Hudaý Musa şeýle diýipdi, “her bir adam öz maşgalasy üçin bir arassa, çirksiz we sagdyn guzyny alsyn we ony soýup öldürsin. Ganyny alyp şol guzynyň eti iýiljek jaýyň daşky gapylarynyň gapdal we üstki söýelerine şol gany çalsyn. Bu — Rebbiň Pesahydyr. 12Şol gije Men Müsüriň içine aýlanyp, müsürlileriň ähli nowbahar ogullaryny, adamlaryndan tä mallaryna çenli ilkinji doglan erkeklerini öldürerin. Men Müsüriň ähli hudaýlarynyň üstünden höküm çykararyn. Men Rebdirin. 13Bolýan öýleriňiziň gapysyna çalnan gan siziň üçin nyşan bolar. Men ol gany görenimde, siziň üstüňizden aýlanyp geçerin. Men Müsüri jezalandyranymda, hiç hili betbagtlyk sizi weýran etmez.

14Bu gün siz üçin ýatlama güni bolar. Siz muny Maňa bagyşlap, baýram edip bellärsiňiz. Soň siz bu baýramy nesilme-nesil ebedilik düzgün edip saklarsyňyz.” Hudaý aýdyşy ýaly hem guzynyň gany çalynan her bir öýden “sowulyp geçýär” ýagny ölüm belasy “sowulyp geçýär”. Şol beladan soň Müsür patyşasy Ysraýyl halkyny gulçulykdan azat edýär. Ysraýyl halky soňra Hudaýyň wada eden ýurdyna barýar we ol ýurda eýe bolýarlar. Bu ajaýyp taryh we biziň üçin hem iň wajyp taryh bolup durýar. Munda ruhy many we Hudaýyň bütin adamzat üçin döreden gutulyş ýolunyň nyşany bar. Injilde Isa Alehsalama “Bütin dünýäniň jezasyny öz üstüne aljak Hudaýyň güzusydyr” diýilýär. Ondan başgada Isa Mesih biziň hakyky “Pesahymyzdyr” hem diýip Injil aýdýar. Ysraýyl halkynyň ilkinji dogulan çagalarynyň halas bolmagy üçin guzynyň gany gerekdi. Şol gapylarynyň daşyna çalynan guzynyň gany arkaly olar ölümden halas boldular. Muňa meňzeşlikde Isa Mesih hem adamzat günäsiniň jezasyny çekmek üçin guzy kimin öldürildi we ganyny haçda dökdi. Ölüp jaýlandy we üçünji güni direldi. Hudaý Ysraýyl halkyny gan arkaly gulçulykdan halas edişi ýaly bu günki gün hem her bir ynsanyň günä üçin çekmeli jezasyny Isa Mesihiň gurbanlygy arkaly bagyşlamak isleýär. Isanyň direlmeginiň hakykaty arkaly bolsa diri baky ýaşaýyş üçin ajaýyp umyt berýär. Ysraýyl taryhyndan görşimiz ýaly, olaryň halas bolmagy üçin olaryň erine etirmeli zady bardy. Birinjiden olar Hudaýyň Musa arkaly aýdýan sözlerini kabul edip ynanmalydylar we munuň netijesinde hem şol guzyny öldürip, ganyny bolsa gapylarynyň daşky söýelerine çalmalydylar. Muny berjaý edenler bolsa halas boldylar. Şeýle günälerden gutulyşy hem Hudaý muňa meňzeş ýol bilen amala aşyrdy we aşyrýar. Ol gutulyşda guzynyň gany esasy bolşy ýaly Isa Mesihiň gany hem gutulyş üçin esasydyr. Şol döwürde ýaşaýan jaýlarynyň gapysyna guzynyň ganyny çalmaly boldular, bu gunki gün hem her bir kişi Injiliň Isa Mesih hakyndaky Hoş Habaryna ynanyp, Isanyň döken ganyny iman bilen kabul etse günäleri bagyşlanyp Hudaýyň wada eden jennedine girmäge mümkinçilik alar. Şonda bu baýramçylyk Isa Mesihi Halasgär we Reb hökmünde kabul eden her bir adam üçin hem hakyky manysyna eýe bolar we hakyky baýramçylyk bolar. Isa direldi, Ol hakykatdan hem direldi!

Bu hakynda radio gepleşigimizi hem diňläp bilersiňiz:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Gadyrly dostlar! Tizara bütin Mesihe iman edenler arasynda Rebbimiz we Halasgärimiz Isa Mesihiň adamzadyň günasi üçin haçda öldürilişi we üçünji gün ölümiň üstünden Isa Mesihiň ýeňiş gazanyp täzeden direlip ähli imanlylara beren ýaşaýyş umydy baradaky baýramçylyk mynasybetli hemmeleri umyt Rebbi Isa MEsihimiziň biziň üçin Öz janyny pida edenden soňra jaýlanyp, üçünji güni direlendigi bilen baglanyşykda baýramçylyklaryňyzy gutlaýarys! Heniz Hudaýyň adalatyny, rehimini, merhemetini we söýgüsini beýän eden Hoş Habara-Injile iman etmedik ildeşlerimize hem bu esasynda imana gelmeklerini we Hudaýyň baky gutulyşyna, şatlygyna we parahatçylygyna eýe bolmaklaryny arzuw edýäris!

Bu baýramçylyga, köp ýerlerde, “Pesah ýada Pasha” “Easter” baýramçylygy hem diýilýär. “Pesah” diýmegiň manysy bolsa “sowulma ýada sowulyp geçiş” diýmegi aňladýar. Bu bolsa Musa pygamberiň zamanyndan galan bir baýramçylykdyr, ýagny Hudaýyň Musa pygamber arkaly Ysraýyl halkyny Müsür gulçulygyndan halas edende, Hudaýyň gudratlar görkezip we ysraýyly boşatmaga garşy bolan Müsür patyşasy fyroana we onuň halkyna on sany belalalar getirip, iň soňky bela ýagny “ilkinji dogulanlara gelen ölüm” jezasyndan gutulmak üçin bolsa ysraýyllylaryň bir guzy ýada goýun öldürip onuň ganyny bolsa jaýlarynyň gapysynyň süýeglerine we gyrasyna gany çalmalydyklaryny we şol guzynyň gany bar oýlerden Hudaýyň ölüm getirmän sowulyp geçendigi baradaky taryhdan galandyr. Şol gurbanlyk guzynyň gany Ysraýyllaryň ilkinji dogulanlaryny ölümden halas etdi we müsürden azatlyga ýetirdi. Muňa meňzeşlikde Hudaýyň biziň üçin beren “kämil gurbanlyk guzusy kimin Isa Mesihiň haçda döken gany hem bizi baky dowzah odundan we ölümden halas edýär! Bu sebäpden Isa Mesihiň ölmegi we täzeden direlip bize umyt bermegi hem biziň Pesahymyzdyr, ýagny Isa Mesih biziň üçin Hudaýyň gahar gazabynyň we bakyýet ölüminden “sowulyp geçmesidir”!

Bu baradaky suratly wideo filmini siziň dykgatyňyza hödürleýäris!

Isa Mesihiň tutulmagy we haça çüýlenişi…

Isa MEsihiň jaýlanyşy we täzeden direlişi…

“Ýa Reb, meni barladyň we tanadyň. Oturyşymy, turşumy bilýärsiň; pikirlerime uzakdan düşünýärsiň. Meniň gezýän ýodamy, ýatýan ýerimi Sen kegitleýärsiň, ähli ýollaryma beletsiň. Dilimde hiç bir söz ýokka, ine, ýa Reb, Sen ony bütinleý bilýärsiň…” Zebur 139

Ýaradyjy Hudaýymyz bizi bilýär, çünki ol bizi ýeriň topragyndan Özüniň keşbinde ýaradyp bize ýaşaýyş demini berdi. Ol biziň adymyzy we biziň her bir pikirimizi bilýär, biziň gözýäşlarymyzy bilýär we biziň dileglerimizi eşidýär…

Sen öz Ýaradyjyňy bilýärmisiň…Ol bilen günä netijesinde gatnaşgyňy ýitirendigiňe ökünýärmisiň we Oňa gaýtmak isleýärmisiň…bu seniň ýüregiň islegi bolsa…onda Hudaýyň meniň we seniň üçin döreden gutulyş Ýoly, Hakykaty we Ýaşaýşy bolan Isa Mesihi tana we Ony kalbyňa çagyr, şonda seniň Ýaradyjyň bilen gatnaşygyň dikeldiler. Hudaý bilen şahsy aragatnaşygymyzy dikeltmek üçin biziň öz ýolumyz ýada düşünjämiz ýada dinimiz bilen baryp bilmeris, diňe Hudaýyň Özüniň biziň üçin ýasan we üpjün eden Ýoly bilen baryp bileris…Muny bolsa Hudaý bize Injilde aýan edendir! Eger sen kalbyňda şol beýik Biribar bilen gatnaşyga bolan isleg we gözlek bar bolsa we muňa nädip ýetip biljekdigiňi bilmek isleseň…Hoş Habar bolan Injili oka we iman et, düşünmedik zatlaryň bar bolsa bu ajaýyp gutulyşy başdan geçirýän biz imanlylar bilen habarlaş!

Gadyly ildeshler, bashga bir turkmen websaytynda Injil barada bizing bir imanly ildeshimize berilen soraglara onung beren jogaplaryndan kabirini bu yere yerleshdirmegi makul bildik, ol ildeshimizing rugsady bilen biz bulary size hodurleyaris!

Chunki ajy olum bizi baky ayralyga bir gun salyar, we ol gunung geljekdigi 100% anykdyr emma hachan haysy sagatda yada sekuntda geljegi welin namalim, ine bu sebapden mening pikirimche adamzadyng ing gayragoymaz durmushynda ing wajyp meselesi: Huday bilen yarashmak, Onung seni jennetine kabul etjekdigine ynamlylyga eye bolmak, bular hem bolsa Hudayng Sozuning esasynda Onung beren wadalaryna we gutulyshyna dushunmek arkaly, munung netijesinde kalbymyzda dorejek hak imanyng netijeleri arkaly yetip bolyar! Sheytan bizi gyssagly we ikinji derejeli bu dunyadaki zatlar bilen guymap, shol olum bilen duchar etmeging aladasynda, emma Huday bizing her birimizing kalbymyzyng gapysynyng agzynda durup, Ozuning yaradan tebigaty arkaly, yaradan ajayyp ynsanlaryndaky barmak yzlary arkaly, Oz Mukaddes Yazgylaryndan bolan ajayyp wadalary arkaly bizing kalbymyzyng gapysyny kakyar! Huday biz uchin bolan “Yoluny, Hakykatyny we Yashayshyny”-Isa Mesihi gokden yere yollady, emma Ol Hak Yoly tapyanlar az, Ondan yoreyanlar kem we Ony gozleyanler azalyar, chunki gutulysha getirjek Yol insiz, Gapy dardyr, Ony tapyanlar azdyr, emma helakchilige eltyan “yol” sheytanyng yoly inlidir we gapysy gingdir, ondan yoreyanler yada pyada yada mashynly gidip baryanlar kopdur!
Elbetde Hudayng Yazgylary wagty gelip Hudayng bu dunya ahyrzmana getirjekdigini duyduryar, sheyle ahyrzmany Huday adamzat taryhyndan ong hem bir getiripdi, yagny Nuh pygambering dowrunda adamlaryng eden-etdiliklerining, gunalerining, we hatda pikirlerining hem pislikden dolup dashan wagtynda, Huday Oz yaradan adamyny yaradandygyna okunmage chenli gynanyp bu erbet nesli, dinge imanly bolan Nuh pygamber, onung ayaly, onung uch ogly we gelinleri, jemi 8 adamy “gutulysh gamisi” arkaly halas edip, galan ahli adamazat neslini yer yuzunden supurip tashlapdy. Sheyle yene-de hokum gununing bir gun geljekdigini we munung alamatlaryny aydyp Huday duydurysh beryar. Emma gynansak-da, Nuhung dowrundaki yaly adamlar hem ol gunung duydansyz geljekdigine ynanyp bilmeyarler, chunki adamlar Hudayng Sozune dal-de adamlaryng sozune ynanyarlar, munlap munlap yyllar gechipdir ahyrzamana bolanok, indi hem bolmaz diyen dushunja eyeryarler. Emma taryhda bolshy yaly, adamlar yalnyshyar, Hudayng Yazgylary bolsa hemishe hem dogry bolup chykyar!
Bolyar belki biz ahyrzamanyng boljakdygyna ynanman bileris, chunki muna menzesh zadyng bolup gechendigini gozumiz bilen goren daldiris, yada eshiden daldiris, emma olumi bolsa hemmamiz gorup we eshiden zadymyzdyr we 100% bolan takyk zatdyr we onung ing uzaga gitse bizing durmushymyzda yene-de 80 yyldan bolup biljekdigini bilyaris, yone shonda-da bolmajak yaly geziberyaris! Adam pahyr bir yurtda bashga yurda gezmage baranda gerek bolan tayyarlyklaryny goryar, yagny passportyny bejermeging yzyna dushyar, viza sorap baryar gitjek yurdyna, bilet alyar, iymit we egin-eshik uchin serishde alyar, barjak yerinde kabul ediljek yeri hakynda habarlashyar we sh.menzeshler. Emma gynansakda wagtlayn bir yer barada sheyle alada edyan ynsan, bakyyeti nirede gechirjegining welin aladasyny etmeyar we bu iching gayra goyulmaz tayyarlygy gormeyar!? Bu bolsa Hudayng kalbyny agyrdyar, chunki Ol bizing Onung baky oyunde oluming indi hich hachan bolmajak yerinde mesgen tutmagymyzy isleyar, dine bir isleman bu uchin bizi ol ajayyp mekana eltjek “Yoly, hakykaty we Yashayyshy” berdi, bu hem Isa Mesihdir! Ine shonung uchin Isa Mesih gokden yere biz uchin gelende bu ahli adamzat uchin HOSH HABAR boldy!
Ine bu sebapden Isa Mesih Ozune Halasgar hokmunde iman edenlere ine sheyle diyyar: “Yureginiz gysmasyn. Hudaya iman eding, Mana iman eding. Atamyng oyunde mesgenler kopdur; sheyle bolmasa Men size “Yer tayyarlamaga baryaryn” diyermidim? Gidip yer tayyarlanymdan song, sizing hem Oz yanymda bolmagynyz uchin yene gelip, sizi Ozum bilen alyp giderin. Siz Mening nira baryanymy , yoly bilyansiniz”. Tomas (Isanyng shagirdi) Onga: “Ya Reb, biz Sening nira baryanyny bilmeyaris, yoly nadip bileli?” diydi. Isa onga sheyle diydi: “Men -Yol, Hakykat we Yashayyshdyryn, Mensiz hich kim Ata Hudaya baryp bilmez…” Injil

Hudaýyň Töwrat, gadymy pygamberler, Zebur, Injildäki gutulyş maksady Kuranda we yslamda dowam edýärmi ýada ters gelýärmi….

Bu soraga elbetde biz ilki bilen Töwratdan başlap Hudaýyň adamzada bolan gutulyş maksadynyň nähili aýan bolandygy hakynda gürrüň etmelidiris. Eger bu barada gysgaça gürrüň etsek, onda Hudaý Töwradyň ilkinji kitaby bolan Barlyk ýada Gelip Çykyş kitabyndan başlap Özüniň älem jahany ýaradandygyny, ondan öňürti bolsa müňlerçe müň perişdeleri hem ýaradandygyny we olaryň Özüne baky gulluk etmekleri we şöhratlamaklary üçin ýaradandygyny. Perişdeleriň biri-birinden tapawutly bolup, şöhratda we wezipede tapawutlanandygyny aýdýar. Şol ýaradylan perişdeleriň içinde iň owadany we wezipesi boýunça iň belent wezipede bolan Lusifer (şöhle saçýan) baş perişdäniň hem bolandygyny, soňra Lusiferiň Hudaýa göripçilik edip, “tagtymy Hudaýyň tagtyndan belentde guraryn…” diýip tekepbirlik edendigini, munuň netijesinde başgadä birnäçe perişdeler onuň tarapyna geçendigini, soňra bolsa adalatly Hudaý olary Öz huzuryndan kowandygyny we baş göteren perişdeler üçin baky dowzah oduny ýaradandygyny Töwrat we gadymy pygamberler ýazgylary öwredýär. Soňra Töwratda ýene-de Hudaýyň nädip tebigaty we ondaky haýwandyr ösümlikleri we soňra hemme ýaradylyşdan tapawutly bolan ynsany Öz keşbinde, ýagny olara aň-düşünje, kalb we erk-ygtyýarly edip, ruh, jan we tenli edip ýaradandygyny we ilkinji adam bolan Adam atany ýeriň topragyndan we ilkinji aýal bolan How enäni bolsa Adam atanyň gapyrgasyndan ýaradandygyny bize öwredýär. Soňra Hudaý ilkinji ynsanlar bolan Adam ata we How enäni Hudaý bilen baky we ýakyn aragatnaşykda bolmaklary üçin aýratyn bir bagda ýerleşdirýär. Ol bagyň adyna bolsa Erem bagy diýilipdir. Ol bagda Hudaý olar üçin ähli mümkinçilikleri we olar üçin gerek bolan zatlary artygy bilen ýaradypdyr, iň esasy hem Hudaý olar bilen bile gezerdi we bagda Olar bilen gürleşerdi we ýakyn aragatnaşykda bolýardy. Hudaý olara ýönekeý bir synag goýdy we şol bagdaky agaçlaryň içinde bir agajyň miwesinden iýmezligi emr etdi. Ol agaç hem ýagşylygy we ýamanlygy bilme agajydy. Hudaý şeýle diýdi: ” Ýagşylygy we ýamanlygy tanama agajynyň miwesinden iýme, ondan iýen günüň ölersiň…” diýdi. Muny hem Hudaý, “hany meniň şeýle Özüme ýakyn edip ýaradan ynsanym maňa öz erki-ygtyýary bilen boýun bolarmy we meni çyn kalbyndan hoşnut edermi diýip şeýle ýönekeý synagy berdi.  Ýöne Hudaýyň duşmany we ynsanyň duşmany şeýtan hem ýöne ýere gezmedi, ol Hudaýyň iň gymmatly ýaradany we kalbyna ýakyn bolany ynsanyny Ondan aýyrmagy maksat edinipdi. Bu sebäpden şeýtan mekir bolan ýylanyň keşbine girip How enäni Hudaýyň äýdan sözüne şübhe döredip…”Hudaý şeýle diýdimi, ýok eýle bolmaz beýle bolar….” diýen ýaly edip Hudaýyň diýýänlerine ýalan goşup azdyrdy we aldady, How ene oňa ynandy we ol gadagan edilen miweden iýdi, Adam ata hem aýalynyň gepine girip ol miweden iýdi we Hudaýa boýun bolmazlyk etdiler. Söýgüden doly bolan Hudaýyň kalby paralandy, ýöne Ol adalatly hem bolany üçin olara boýun bolmazlygynyň jezasyny bermelidi we aýdyşy ýaly şol pursatdan başlap Adam ata we How ene ölümli boldy, ýagny hem fiziki olaryň teni ölüme tarap hereket etdi we baky ölüm ýagny dowzah jezasyna hem mynasyp boldular. Hudaý olary jennet bagy bolan Erem bagyndan kowdy. Olaryň üstüne olaryň eden günäsi köp näletleri getirdi…

Hudaý näme etdikä…şeýle umytsyzlykda umyt barmyka….indiki ýazgymyzda mundan soň nämeleriň bolandygyny gürrüň ederis…

Eger sen bu hakynda bilýän bolsaň onda biz bilen paýlaşyp bilersiň…belki seniň bilýän taryhyň biziň bilýänimizden tapawutlydyr…eger şeýle bolsa bu ýazgy barada öz pikirleriňi bildirip bilersiň….