Reb Isa Mesihe bolan ynamy üçin öldürlen Gurbandurdy Turaniniň şaýatlygy

Gurbandurdy Turani 1952 ý Eýranyň Gonbad-e-Kavus şäherinde, türkmen maşgalasynda eneden bolýar.  Ol maşgalada sekiz çaganyň biri, onuň 6 erkek dogany we 1 sany gyz jigisi bolýar. Onuň kakasy fundamental musulmandy, ol Soni Hanafi atly Yslam toparyna degişlidi.  Ol çagalaryny Yslam ýoly we kanunlary boýunça terbiýeleýär we şol ýoldan gitmegi üçin ol ähli zady etdi.  Gurban mekdebi gutarandan soňra Yslamyýeti Müsürde, ýokary okuw jaýynda okamak isleýär.  Onuň bütin islegi Sunni Yslam lideri bolmakdy.  Emma onuň kakasynyň onuň Müsürde okatmaga maddy taýdan mümkinçiligi ýokdy.  Gurban okuwa gidip bilmese-de yslama degişli kitaplary we Hudaýy şol kitaplaryň üsti bilen gözleýärdi.  Birnäçe wagt geçenden soň, ol käbir jenaýat işlere el urýar we başgalar bilen söweşde bolýar. Ol Hudaý ýok diýen karara gelip, kommunistleriň pikiri dogrydyr öýdip kommunistik ideýalaryny kabul edýär.  Ol öýlenip maşgala gurýar. Gurbanyň 3 gyzy we 1 ogly bolýar.  Gurbanyň aýaly 4-nji çaga garaşýarka, Gurban 1983 ý gowy iş tapmak üçin Türkmenistana gitmegi çözýär.  Şol wagtlary Türkmenistan kommunistleriň gol astyndady, (ýagny Sovet Soýuzyndady).  Gurban Türkmenistana gelýär, we erbet hem-de agresivligi üçin ol kän jedeldir uruşlara girişýärdi.  Bir gezek ol bir adamy pyçaklap öldürýär.  Eden jenaýaty üçin ol tussaga alynýar we 15 ýyla azatlykdan mahrum edilýär.  Ol tussagda kyn wagtlary geçirýär.  Ol tussaghananyň iň erbet, rehimsiz şahsyýeti diýen adyny «gazanýar».  We onuň bolşuny hiç bir zat üýtgedip bilmeýärdi.  1988 ý Gurban özüni öldürmäge synanyşýar.  Ony derrew keselhana getirýärler, emma lukmanlar onuň ýaşamagyna hiç bir umyt bermeýärler.  Emma gudrat bilen Gurbanyň ýaşaýşy kesilmeýär.  Gurbany täzeden tussaghana getirýärler.  Bir gezek şol tussaghana mesihiler gelip Hoş Habar aýdýarlar.  Gurban olary we olaryň aýdanyny şol pursat ret edýär.  Soňra başga ýerden onuň tussaghana otagyna bir tussag edilen ynsany geçirýärler.  Bu adam rus mesihidi we ol Isa Mesihe ynamy üçin tussag edilendi.  Onuň ady Konstantindi.  Konstantin Gurban bilen dost bolýar we Hoş Habar bilen paýlaşýar.  Konstantin Mesihiň söýgisinden doludy.  We ol Gurbandan: «Sen Isa Mesihiň Hudaýyň Oglydygyny we Ol dünýäniň Halasgäridigini bilýärmisiň? – diýip sorady. Gurban Konstantine: «Hudaý umuman ýokdur»-diýip jogap berdi. Gurban uzak wagtlap Hoş Habary ret edýärdi. Ol Konstantine: «Sen henizem Isa Hudaýyň Ogly diýýämiň?!» – diýip jogap bererdi.  Emma näçe köp Gurban Konstantini tanasa şonça-da köp ol Konstantiniň Hudaýyň söýgisinden we mähirinden hem-de Hudaýyň parahatlygyndan doludygyny bilýärdi. Konstantini görmek üçin yzyndan gelýän mesihileriň hem Hudaýyň rahatlygyndan doludygyny bilýärdi. Konstantin Gurban üçin Täze Äht Kitaby buýurýär we oňa bu Kitaby sowgat edýär.  Konstantin oňa:  «Şu Kitaby oka we meniň saňa Isa Mesih barada gürrüň berenlerimi şu ýerden okap doly öwrenip bilersiň.  Şonda sen Oňa garşy söweşip biljek-bilmejekdigiňe doly düşünersiň».  Gurban Täze Äht Kitaby alyp okajakdygyna razylygyny bildirýär.  Ol iki hepdäniň içinde bütinleý Täze Äht Kitaby okap gutarýär.  Onsoň ol Konstantine: «Men Isa Mesihi Taňry we Halasgär hökmünde kabul etjek, we mesihi boljak» – diýip ýüzlenýär.  Onuň dosty Konstantin Gurban üçin ybadat edýär we şol pursat Gurban ybadatda durmuşyny Taňry Isa tabşyrýar we Taňry Isany şahsy Halasgäri we Rebbi hökmünde kabul edýär.  Ol mesihi bolandan soňra, Gurban tussaghananyň başlygyna tussaghanada Hudaýa hyzmaty we Hoş Habary wagyz etmegi geçirmäge rugsat soraýar.  Tussaghananyň başlygy Gurbanyň durmuşynyň düýbünden üýtgändigine haýran galyp oňa: «Seniň sežde edýän Hudaýyň seniň durmuşyňy şeýle täsin üýtgeden bolsa, onda menem saňa Hudaýa hyzmaty geçirmegiňe rugsat bereýin» – diýip jogap berýär. Konstantin Gurbana berlen rugsata haýran galýar.  Ol Gurbana şeýle diýýär: «Şu tussaghanada geçiren bütin ýyllarymda maňa we başgada mesihilere hiç-haçan saňa berlen mümkinçilik bize berilmedi, ýagny saňa Hudaýa hyzmat geçirme mümkinçiligi berildi.  Sen täze ynanyjy, emma Hudaý eýýäm seni täsin ýollary bilen ulanmaga başlady.  Sen tussagdan azatlyga çykanyňda Eýrana gaýt, öz milletiň, türkmenleriň arasyna bar we Hudaý seni türkmenleriň arasynda we öý ýygnanyşyklarda ulanar» – diýdi.  1998 ý Gurban azatlyga çykýar, ol 15 ýyl tussagda bolýar.  Ol azatlyga çykandan soňra Eýrana öz Gonbad-e-Kavus diýen şäherine gelýär. Ol maşgalasyny görýär, 15 ýyl aýralykda…  Entäk ol Eýrandan Türkmenistana iş gözlemek üçin giden döwründe, onuň maşgalasy 4-nji çaga garaşýardy.  Indi bu çaga Gurbanyň 15 ýaşyndaky gyzydy.  Gurban öz öý-içeri bilen Hudaýyň adamzat üçin beren halas bolma plany bilen, ýagny Hoş Habar bilen paýlaşýar.  Ol Täze Ähtden we Konstantinden öwrenen ähli mesihi taglymaty bilen paýlaşýar.  Onuň maşgalasy Mesihe ynanýar we Gurbanyň jan etmegi bilen, oňa Mukaddes Ruhuň aýan etmegi, Hudaýyň Mukaddes Sözüniň okamagy we Hoş Habary paýlaşmagy bilen, 12 sany türkmen öz durmuşyny Reb Isa Mesihe tabşyryp, mesihi bolýarlar.  We bu Gurbanyň öz şäherine geleninden başlap iki ýylyň dowamynda bolup geçýär.   Onsoň ol maşgalasy bilen başga bir uly şähere göçýär.  Oňa täze ynanyjylary şägirt edip taýýarlamakda ýygnanyşygyň kömegi gerekdi we şol täze göçen şäherinde ol oňa kömek berip biljek, şol şäheriň ýygnanyşygyndan bir ruhy dogan bilen tanyş bolýar.  Bu ruhy dogan Gurbanyň ýanyna we onuň öý ýygnanyşygyna ençeme gezek gelip görýär we olara kömek berýär.  Soňra Gurban ruhy çopanlygy Mukaddes Kitapdan öwrenme programmany okap gutarýar.  Gurbanyň 7 ýylyň içindäki hyzmatynda Hudaýyň işi türkmenleriň arasynda gaty ösýär we 35 türkmen mesihi bolýar.  Gurban batyrgaý, gorkmaýan mesihi ýolbaşçy bolýar.  Ol tutanýerlilik bilen Taňry Isa hakda köçelerde, dükanlarda we bazarlarda güwä geçýärdi. Ol öz ynamyny içinde saklamaly däl diýlen piker bilen ýaşaýardy we şunlukda ol ähli baran ýerinde Hoş Habary wagyz edýärdi.  Ençeme gezek Gurbana öz şäherinde dindar adamlar howp salýardylar.  Hat-da onuň şaýatlyk etmegine garşy bolan onuň bir eneden bolan öz dogany onuň ýüzüne pyçak urýar.  Emma bu garşylyklara seretmän, ol hemişe Taňry Isa barada, näme bolsa-da guwä geçýärdi.  Onuň türkmen halky üçin ýüregi awaýardy we türkmen halkynyň Reb Isa gelip halas bolmagyny küýseýärdi.  Bu gadyrdan adam 2005 ýylyň 22 noýabyrynda uly töleg töleýär.  Ony belli däl bir topar tussaga alýar; ony urýarlar, gynaýarlar we pyçaklap öldürýärler. Onsoň bu näbelli topar onuň jesedini, onuň öýüniň derwezesiniň öňüne taşlap gidýärler.  Gurbandurdy Turani Isa Mesihe bolan ynamy üçin öldürlen ilkinji türkmen mesihi.  Gurban öldürlenden soňra, milli howpsyzlyk politsiýa işgärleri onuň öýüne gelip kanuny bozup öýüni dökýärler we öýünden mesihi materiallary bikanunlyk bilen alyp gidýärler.

Gurban ölüminden ozal öz söýgisini Taňry Isa bildirip we oňa durmuşyny bagyş etmegi barada birnäçe setir ybadat sözlemi ýazýar:  «Gadyrdan Rebbim Isa, men Seniň çüý kakylan aýaklaryňy görmegim üçin, Öz ýanyňa barmagyma rugsat et!  Gadyrdan Rebbim Isa, men Seni pes göwünlikde şöhratlamagyma we çüý kakylan aýaklaryňdyr, elleriňi oşamagyma rugsat et.  Sen Golgotada haçda 4 sany çüý bilen çüýlendiň, Seniň ganyň akýardy we şol bir kynçylykda Sen nähili öz ýaradan bendäňi güýçli söýüpdiň?!  Sen hat-da Seni haça çüýlänleri tüýs ýürekden gujaklap kabul etmäge taýýardyň.  Sen meň üçin jebir çekdiň.  Diňe meň üçin däl eýsem meniň ene-atam üçin hem…  Meň üçin sen iň agyr jebiri çekdiň, Sen 6 sagat haçda asylgy bolduň.  Beýle Sen azap çekmäni görmezligiň üçin, men günäsiz bolsamdy; Men şol ýerde bolmak isleýärin we Seniň haçda mahalyň mähirli elleriňden çüýleri aýyrmak isleýärin. Men Seniň ejir çekmezligiňe kömek berip bilerdim diýen pikirim nähili pähimsiz görünýär. Taňrym Isa, goý men Seniň mukaddes Adyňy bu ýerde her bir pursat şöhratlap bileýin.  Men öz islegim bilen öz durmuşymy Saňa, Sen üçin we ýygnanyşygyň üçin bagyş edýärin» Omyn!

“Sen Aýratyn”

Wemmikler agaçdan ýasalan kiçijik adamjyklardy. Bu agaç adamjyklaryň hemmesi Eli atly agaç ussasy tarapyndan ýasalypdy. Eliniň ussahanasy depaň üstünde oba seredip durdy. Wemmikler dürli-dürlüdi. Käbiriniň uly burnly, käbiri uly gözlüdi, käbiri uzyn boýly, kabiri gysgady. Käbiri papakly, käbiri bolsa donlydy. Ýöne olaryň hemmesini şol Bir Ussa ýasapdy we olaryň hemmesi şol bir obada ýaşaýardy.
We olar her günüň dowamynda şol bir zady edýärdiler: olar biri-birine ýelmentgi berýärdiler. Her bir Wemmikde bir guty altyn ýyldyzjyklary we bir guty-da çal reňkli nokat ýelmetgileri bardy. Obanyň hemme köçelerinde adamçyklar biri-birine ýyldyzjyk ýada nokat ýelmentgilerini bermek bilen günlerini geçirýärdiler.
Tekiz agaçdan we gowy reňkli owadan Wemmiklere altyn ýyldyzjyklar ýelmenýärdi. Emma çarkandakly agaçdan ýada reňki gyrylanlara çal nokatçyklar ýelmenýärdi
Ukyplylar hem, ýyldyzjyklar alýardy

.

Käbiri agyr zatlary göterip her hili maşk edýärdi, käbirleri bolsa ýokardan bökýärdi. Başgalar bolsa owadan gepleýärdi ýada gowy aýdym aýdýardy. Hemmeler olara ýyldyzjyklar berýärdi.
Käbir Wemmikleriň hemme ýerinde ýyldyzjyklary bardy. Olar her gezek ýyldyzjyk alanlarynda özlerini gowy duýýardylar!

Bu bolsa olara başga bir zatlary edip ýene ýyldyzjyk almak islegini döredýärdi.
Beýlekiler, muňa seretmezden, kän bir ukyply däldi.
Olar nokatjyklar alýardy.

Punçinello olaryň biridi.
Ol başgalar ýaly ýokary bökmäne synanyşýardy, ýöne ol hemişe ýykylýardy. Haçanda, ol ýykylanda hemmeler onuň daşyna üýşüp nokatjyk ýelmeýärdi.
Käwagtlar ol ýykylanda, onuň bedeni gyrylýardy, şonda adamlar oňa ýene-de nokat berýärdiler.
Ol özüniň näme üçin ýykylandygyny düşündirjek bolanda, nähilidir batnyksyz gepleýärdi, we Wemmikler oňa ýene-de köp nokatjyklar berýärdi.

Köp nokatjyklar alandan soňra, Punçinello daşaryk çykmak islemedi. Ol özüniň nähilidir bir nädogry zat edip, ýene-de nokatjyk almagyndan gorkýardy. Dogrudan hem, onda şeýle çal nokatjyklary köpdi welin, adamlar sebäpsiz hem oňa nokatjyk ýelmeýärdi.

“Ol nokatlara mynasypdyr, ol gowy adam däl…” diýip agaç adamjyklar biri biri bilen ylalaşýardy.
Wagt geçdigiçe, Punçinello hem, “men gowy adam däl..” diýip olara ynandy.
Ol käwagt, özi ýaly çal nokatly adamlar bilen gatnaşýardy. Ol özüni olaryň ýanynda gowy duýýardy.

Günleriň birinde, Punçinello hiç kime meňzeş bolmadyk Wemmige duşdy. Onuň nokady-da, ýyldyzy hem ýokdy. Onuň ady Lusiýady.
Bu, adamlaryň oňa ýelmentigileri bermänligi üçin däl-de, olaryň oňa ýelmenmeýänligi üçindi.
Käbir Wemmikler Lusiýanyň nokatlary ýokdygy üçin ony gowy görüp ýyldyzjyklar berýärdi, ýöne ýyldyzjyk hem ýelmeşmän ýere gaçýardy.
Başgalar bolsa onda ýyldyzjyklaryň ýokdygy üçin oňa erbet seredip, nokat berýärdiler, ýöne nokatlar-da oňa ýelmeşmeýärdi.

“Men-de şeýle bolmak isleýärin. Hiç kimiň belliklerini islemeýärin” diýip Punçinello pikirlendi.
Şeýdip, ol Lusiýadan munuň nädip bolup biljekdigini sorady.
“Bu aňsat,” diýip Lusiýa jogap berdi. “Her gün men Elini görmäge gidýärin”.
“Eli?”
“Hawa, Eli. Agaç Ussasy. Men ussahanada ol bilen oturýaryn.”
“Näme üçin?”
“Muny bilmek isleýärmiň? Depä çyk. Ol şol taýda. “
Şeýle diýip, Lusiýa ýoly bilen gitdi.

“Ýöne…Ol meni görmek isleýärmi-kä?” diýip, Punçinello onuň yzyndan gygyrdy.
Lusiýa muny eşitmedi.
Punçinello öýüne gaýtdy.
Ol öýüne baryp, äpişgeden seredip oturdy we agaç adamjyklaryň biri birine ýyldyzjyk ýada nokatjyk berip aýlanyp ýörişlerini synlady.
“Bu nädogry,” diýip öz-özüne samrady
We Eli-niň ýanyna gitmegi çözdi.

Dar ýoda bilen ýöräp depäniň depesine çykdy we uly ussahana girdi. Içerik girende, ol ýerdäki zatlaryň ululygyny görüp onuň agaç gözleri giňeldi. Oturgyç onuň boýy bilen deňdi. Iş stolynyň üstüni görkmek üçin bolsa aýagynyň ujuna galmaly boldy. Çekiç onuň eliniň uzynlygyça-dy. Punçinello ýuwdunyp, “Men bu taýda durup bilmen!” diýip, yzyna öwrülip gidiberjek boldy.
Şol bada ol öz adyny eşitdi.
“Punçinello?” Bu ses çuň we güýçlidi.
Punçinello durdy.
“Punçinello! Seni görmek gaty gowy. Gel men saňa seredeýin.”
Punçinello yzyna ýuwaşlyk bilen öwrüldi we uly sakgally ussany gördi.
“Sen meniň adymy bilýärsiňmi?” diýip kiçijik Wemmik dillendi.
“Elbetde, bilýän. Men seni ýasadym”
Eli pese eňildi-de ony alyp iş stolynyň üstünde goýdy. Ondaky çal nokatlara seredip, “Hmm, görýän welin saňa erbet bellikler beripdirler,” diýip, Ussa pikirli gürläp başlady.
“Men olary almak islemedim, Eli. Men elimde baryny etdim.”
“Eýjejik, sen özüňi gorajak bolma. Başga Wemmikleriň pikiri meni gyzyklandyranok”

“Seni gyzyklandyranok?”
“Ýok, seni-de gyzyklandyrmasyn. Ýyldyzjyk ýada nokat berer ýaly olar kim?
Olar hem sen ýaly Wemmikdir. Punçinello, olaryň näme pikir edýändigi wajyp däl. Meniň näme pikir edýändigim wajypdyr. Men bolsa, sen gaty aýratyn diýip hasaplaýan.”

Punçinello güldi.
“Men aýratyn? Näme üçin? Men çalt ýöräp bilemok, böküp bilemok. Meniň reňklerim gopup düşen. Näme üçin men seniň üçin aýratyn?”
Eli Punçinello seretdi we onuň kiçijik agaç egnine elini goýdy-da, ýumşaklyk bilen, “Çünki sen Meniňki. Şonuň üçin sen meniň üçin aýratyn.”diýdi.
Ýaradyjysyndan başga özüne hiç kimiň şeýle seredendigini Punçinello görmändi.
Ol näme diýjegini bilmedi.

“Sen her gün Meniň ýanyma gelersiň diýip, umyt edýärdim,” diýip Eli düşündirdi.
Punçinello, “Men bir bellgisiz birine duşandygym üçin geldim,” diýdi.
“Men muny bilýän. Ol maňa sen hakynda aýtdy.” diýip Ýaradyjy mylaýymlylyk bilen gürläp başlady.
“Näme üçin ýelmentgiler oňa ýapyşmady?”
“Sebäbi, Lusiýa üçin başgalaryň pikirinden Meniň pikirim has wajypdy. Ýelmentgiler diňe sen rugsat berseň ýelmeşýär.”

“Näme?”

“Ýelmentgiler seniň üçin wajyp bolsa ýelmeşýär. Sen näçe meniň saňa bolan söýgüme ynansaň, ýelmentgitler seniň üçin manysyz bolar.”

“Men muňa düşünmedim.”

Eli ýylgyrdy. “ Sen düşünersiň, ýöne bu wagt alar. Sende köp ýelmentgiler bar. Häzirlikçe, her gün Meni görmäge gel we Men sen barada näçe alada edýändigimi ýatladaryn.”

Eli Punçinellany göterip ýere goýdy.
Wemmik daşaryk gapydan çykyp barýarka, Eli oňa:
“Ýatda sakla, sen aýratyn çünki Men seni ýasadym we Men hiç wagt ýalňyşmaýaryn.”

Punçinello saklanmady, ýöne kalbyndan, “Men bulara ynanýaryn” diýip pikirlendi.
We şol wagt çal nokatjyk ýere gaçdy.

Hudaý Özüni ýaradylyşyň üsti bilen aýan edýär.

Başlangyç kitabynyň 1-2-nji baplarynda Hudaý Özüni Ýaradylyş üsti bilen aýan edýär. Biz Hudaýyň ýaradan zatlarynyň üsti bilen Onuň häsiýetini öwrenýäs. Başlangyç kitabyndan käbir aýatlara seretmezden öň, geliň, hakyky durmuşdan bir mysal alyp göreliň! Mysal üçin öýümde haly dokma bar. Oýe gelen ony görüp, men barada name öwrenýär? Men halyçy gyz. Ya-da ýene bir mysal, men joramyňka myhmançylyga bardym ilkinji sapar. Ol ertirlik taýýarlap otyr we maňa sen arkaýyn otyr diýdi. Men oturan otagymda kiçijik stoluň üstünde bir çekilýän surat gördüm. Men ol barada täze zat öwrendim, ol hudojnik eken. Ine, görşümiz ýaly, edýän işimiziň üsti bilen beýlekiler biz barada öwrenip bilýärler. Hudaý bilen hem edil şeýle.

Biz Hudaý barada hem edil birek-biregimizi bilşimiz ýaly öwrenip bilýäs. Başlangyç 1:1“Başda Hudaý gögi we ýeri ýaratdy”. Ine şu ýerde biz Hudaýyň ýaradyjydygyny, çäksiz akyl-paýhaslydygyny, ebedigini, gudratlydygyny, kiç kime bagly däldigini, hemme zatdan ýokarydygyny öwrenýäs. Hiç ynsan dünýäni ýaradyp bilmeýär, diňe Hudaý. Bu Onuň güýji astynda mümkin.

Hudaý ebedi.

Bu nämäni aňladýar? Ebedi gutarnyksyz geçmişi we gutarnyksyz geljegi aňladýar. Hudaý hemişe bolan, Onuň başlangyjy ýa-da soňy ýok. Hudaý owal hem bolan, şu wagt hem bar, we diňe Ol başlangyjy hem soňy bilýär.

Manysy näme?—Hudaýyň ebediligi biziň Oňa bil baglap biljegimizi görkezýär. Hudaý wagty Özi ýaradanlygy sebäpli, ol wagt çäginden daşarda ýaşaýar we biziň durmyşymyzyň başyny hem soňuny bilýär. Şonuň üçin hem biz Oňa bil baglap bilýäs islendik zat bilen. Şeýle hem biz bu dünýäden gidende Onuň bilen ebedilik bolup bilýäs Isa bolan ynam arkaly. Biz şu durmuşda rahatlykda ýaşap bilýäs. “Daglar emele gelmezden ozal, topragy, älem-jahany ýaratmazyňdan ozal, ezelden ebedä çenli bolan Hudaý – Sen” (zebur 89:3). Ybraýym Beýerşebada bir sany ýylgyn dikip, ol ýerde Baky Hudaý Rebbiň adyna ybadat etdi. (Başlangyç 21:33). “Beýik hem belent Bolan, ebedi Ýaşaýan” (Işaýa 57:15). “Ebedi Hudaý seniň penakäriňdir” (2-Nji Kanun kitaby 33:27). “Bütin döwürleriň/ebedi Patyşasy, ölmez hem görünmez ýalňyz akyldar Hudaýa ebedilik hormat, şöhrat bolsun!” (1Timoteos 1:17)

“Hudaý ebedi” diýmek Ol hemişe bolan we bolar. Hiç kim Oňa garşylyk görkezip bilmeýär. Hiç kim Ony ýok edip bilmeýär.

Ine, görşümiz ýaly, Hudaýň soňy ýok we şonuň üçin ol ebedi ýaşaýyş bilen üpjňn etmegi wada berýär. Ebedi ýaşaýyş diňe Onuň ogly Isanyň üsti bilen mümkin. Eger isleseň durmyşyňy Isa ynanyp ýaşap, ebedi ýaşaýşa eýe bolup bilýäň we durmyşyňy Oňa hyzmata bagyş edersiň!

Hudaý hemmeden/bar zatdan beýik, ýokary.

Çünki bu dünýäni, ynsany, haýwanlary özümlikleri we başgada ýer ýüzünde bolan bar zatlary Ol ýaratdy. Hiç kim Oňa akyl berip, ýol görkezip ýa-da Onuň pikirlerini bilip bilmeýär. Pawlus şeýle diýdi: “Ýa Reb, biziň Taňrymyz! Adyň neneň belent tutuş ýeriň ýüzünde! Ýaýdyň söhratyňy gökler üstünde. Seniň gökleriňe – barmaklaryň işine, Seniň goýan Aýdyr ýyldyzlaryňa nazar aýlanymda, şeýle diýýärin: «Adam näme Sen ony ýatlaryň ýaly? Ynsan ogly näme aladasyny ederiň ýaly?” (Zebur 8:1,3,4,5). “Rebbiňkidir ýer we ondaky zatlar, älem hem-de onda ýaşaýanlar. Çünki Ol deňizler üstünde ýeriň düýbüni tutdy hem-de ony suwlaryň üstünde gurdy” (Zebur 24L1-2).  “Ýa Reb Hudaýym, Seniň bilen deňär ýaly hiç kim ýok! Seniň bize gönükdirilen gudratly işleriň we pikirleriň köpdür; men olary wagyz edip, aýdasym gelýär, ýöne olar sanardan köpdür”. (Zebur 39:6). “Ýa Taňry, hudaýlar arasynda Sen kimin ýokdur, Seniň işleriňe taý geljek ýokdur. Çünki Sen beýiksiň, ajaýyp işleri edýän hem Sensiň, diňe Sensiň – ýeke-täk Hudaý”. (Zebur 85: 8, 10)

Hudaý çäksiz akyl-paýhasly, Ol bütin gögi we ýeri ýaratdy.

“Hudaýyň baýlygy, akyldarlygy, bilimi çuňdur! Onuň hökümleri akyla sygmaz, ýollary bilinmezdir! Çünki Rebbiň pikirini kim bildi? Kim Oňa geňeşdar boldy? (Rimliler 11:33-34).  “Çuň” sözi grekçe ‘pikirlenip bolmajak pikirler” diýmegi aňladýar. “Ýa Reb, neneň beýik Seniň işleriň! Gaty çuňdur Seniň oý-pikirleriň!” (Zebur 95:6)  Ine, seret Hudaýyň bilimi çuň, ol bar zady bilýär, hatda seniň başyňdaky saç tarlaryňy, pikirleriňi bilýär. Meniň pikirlerim siziň pikirleriňiz däl, siziň ýollaryňyz Meniň ýollarym däl» diýýär Reb. Gökler ýerden nähili beýiklikde bolsa, Meniň ýollarym-da siziň ýollaryňyzdan, Meniň pikirlerim-de siziň pikirleriňizden beýikdir” (Işaýa 55:8-9). “Owaldan ahyra boljagy, heniz bolmadyklary aýan edýärin. Men: «Berjaý bolar maksatlarym, bar isleglerimi amal ederin» diýýärin” (Işaýa 46:10)

Görşümiz ýaly Hudaýyň pikirlerini bilýän yok. Onuň bilimi şeýle çuň. Ol bizi eýýäm gowy tanaýar. Biz Ondan gizlenip bilmeýäs. Şonuň üçin hem biz Oňa bil baglap ynamda ýaşamaly. Hudaýyň bar zady bilýändigi maňa rahatlyk berýär, sebabi Ol biziň gowulygymyzyň tarapdary.

Huday Gudratygüýçli bar zady bir wagtda ýaratdy.

Ol hiç kime hiç zada bagly däl. Men Ybraýymyň durmuşyndan bir mysal paýlaşmak isleýän sebabi Hudaý oňa Özüniň Gudratygüýçlidigini aýan etdi. Nahili aýan etdi? Gel şoňa seredip geçeli: “Ybram togsan dokuz ýaşyndaka, Reb oňa görnüp, şeýle diýdi: «Men Gudratygüýçli Alladyryn. Sen Meniň nazarymda gez we takwa bol”. (Başlangyç 17:1). Ine, seret nähili, Hudaýyň Özi onuň ýanyna gelip, häsiýetini aýan etdi. Näme üçin? Çünki Hudaýda Ybraýymy Öz maksady üçin ulanmak plany bardy. OI Ybraýymyň ýüregini bilýärdi we Özüne ynanjakdygyny hem. Ybraýym entäk Hudaýyň bu häsiýetini bilmändi. Indi Hudaý Öz etjek ähtiniň üsti bilen Gudratygüýçlidigini praktiki tarapdan görkezmekçidi. “Men seniň bilen äht ederin we saňa juda köp nesil bererin. Seniň bilen edýän ähtim, ine, şudur. Sen köp milletleriň atasy bolarsyň” (17:2-4). Bu diňe Hudaýyň güýji, gudraty bilen mümkin, sebäbi, kim 99 ýaşynda köp nesilli bolup bilýär? Ynsan tarapyndan bu asla mümkin däl. Diňe Gudratygüýçli tarapyndan amal edilip bilinýär. Ine, şeýdip Ybraýym Hudayň Gudratygüýçlidigini bildi, seabi Hudaý oňa 100 ýaşynda ogul berdi. Onuň aýaly Sarany hem hem 90 yaşyndady. “Men Sarany ýalkaryn; ondan saňa bir ogul hem bererin. Men ony ýalkaryn; ol ençeme milletleriň enesi bolar. Onuň neslinden şalar dörär” (Başlangyç 17:16). Bularyň ikisi hem Hudaýyň gudratyna şaýatlyk etdiler. Indi hakytdan hem Onuň Gudratygüýçlidigini öz durmuşlarynda ördüler. Sende nähili? Sen Gudratygüýçlini tanamak isleýäňmi? Ýa-da Onuň şu häsiýetini öz durmuşyňda görkem isleýäňmi? Isleseň bu mümkin diňe iman üsti bilen. Hudaya ynam bolmasa, bu bolmaz. Biz zady size ýatladaýyn! Gudratygüýçlide siz üçin hem ajaýyp wadalar bar edil Ybraym hem Sara ýaly. Hudaýyň olaryň durmuşynda eden işi ynsanyň gözünde asla mümkin däl, ýöne Gudratygüýçli Alla bilen hemme zat mümkin. “Çünki Hudaý bilen bolmajak zat ýokdur” (Luka 1:37).

3-nji aýatda şeýle diýýär: “Hudaý: «Ýagtylyk bolsun!» diýdi. Ýagtylyk peýda boldy”. Hudaý dünýäni diňe sözüniň üsti bilen ýaratdy. Ol gepledi, hemme zat döredi. Onuň sözi gudratly. Özi hem gudratly!

4-nji aýat: “Hudaý ýagtylygyň gowudygyny görüp, ony tümlükden bölüp aýyrdy.” Bu aýat Hudaýyň ýaradan zatlarynyň gowudygyna şaýatlyk edýär: Ýagtylyk gowy, Hudaýyň Özi hem gowy!

Başlangyç 1: 5-24 aýatlar Hudaýyň beýik, her durli ýaradan zatlaryny görkezýär. Biz olaryň käsini okap geçeris. 11 Soňra Hudaý: «Ýer dünýäde görnüşlerine görä tohum berýän ösümlikleri we tohumlary miweleriniň içinde bolan miweli agaçlary öndürsin!» diýdi. Bu şeýle-de boldy. 12 Şeýdip, ýer görnüşlerine görä tohum berýän ösümlikleri we tohumlary miweleriniň içinde bolan agaçlary öndürdi. Hudaý munuň gowudygyny gördi. 21 Şeýdip, Hudaý äpet deňiz aždarlaryny, suwda ýüzýän dürli-dümen suw jandarlaryny we dürli guş-gumrulary ýaratdy. Ol munuň gowudygyny gördi. 24 Hudaý: «Ýer öz görnüşlerine görä jandarlary: mallary, süýrenijileri hem-de haýwanlary öndürsin» diýdi. Bu şeýle-de boldy. Ol munuň gowudygyny gördi.

Bu aýatlar bize Hudaýyň her zady gudratyna görä ýaradayp bilýändigini görkezýär. Hudaý diňe dünýäni ýaratman, eýsem ola ösümliklerdir haýwanlary hem herisini öz görnüşlerine görä ýaratdy. Şu günki dünýäde görýän zatlarymyzyň bary Hudaýyň Başlangyç kitabynda ýaradan zatlarydyr.

Başda ýaradylan dünýäniň gowudygyny biz nädip bilýäs?

Hudaýyň sözi muňa şaýatlyk edýär Başlangyç 1-nji bap. Biz Hudaýyň gowudygyny nädip bilyas? Ýene Hudaýyň sözi muňa şaýatlyk edýär. Söz Hudaýyň ýüregini, bize bolan söýgüsini aýan edýär. Ýakup kitabynda 1:17-de, “Her bir kämil hem gowy peşgeş Hudaýdan gelýär” diýýär.