Salam gadyrdan ildeshlerim! Mahriban doganlarym!

Sizing hemmangizi bu gunki  Halasgar Isa Mesihing doglan guni bilen gutlayaryn! Sizing her biringize we mashgala ojagyngyza Rebbimizing bereketlerini, parahatchylygyny, shatlygyny oz adymdan, mashgalamyng adyndan we butin imanly doganlarymyng adyndan arzuw edyarin!

Gechen gepleshigimizde Mesihing dunya gelmelidigi barada ongunden aydylan ajayyp wadalary yagny pygamberlikleri we olaryng Isa Mesihing doglyshy bilen berjay bolandygyny we olarda aydylan ajayyp hakykatlary sizing bilen owrendik.

Hudayyng bash perishdesi Jebrayyl pak gyz bolan Meryeming yanyna gelip ine sheyle diyipdi: “«Gorkma, Merýem, sen Hudaýyň nazarynda merhemet tapdyň. 31 ^*Sen göwreli bolup, bir ogul dograrsyň. Onuň adyna Isa dakarsyň. 32 Ol beýik bolar, Oňa Beýik Allanyň Ogly diýler. Reb Hudaý Oňa atasy Dawudyň tagtyny berer. 33 ^*Ol Ýakubyň nesliniň üstünden ebedilik şalyk sürer, patyşalygynyň soňy bolmaz». Luka 1:30-33

Doguljak chaga barada aydylan  zatlar gaty hayran galdyryar! Onung ady hem “Isa” bolar bu bolsa “Halasgar” diymegi angladyar. Ol beyik bolar, Onda Patyshalyk tagty bolar, shalygynyng songy bolmaz!

Bu aydylanlar berjay bolmanka, oz gozlering bilen gormankang bulara ynanyp bolarmy? Adam olchegi bilen bu zatlar bolup bilermi? Hudayda bolan Biri yagny Beyik Allanyng Ogly gelip Ynsan bolup yasharmy? Munga elbetde ynanmak we Kabul etmek biz ynsanlara kyn dushup biler! Bibi Meryem hem bu habary eshiden-de, «Bu nähili bolar? Men heniz durmuşa çykamok ahyry» diýdi.

Meryem uchin beyle zat bashda mumkin daldi, chunki ol hem bizing yaly adaty ynsan bolup Hudayyng bu beyik zatlaryna angy bilen dushunip bilmeyardi. Emma bash Perishde Jebrayylyng ony ynanmaga ruhlandyryp aydan ine bu sozlerinden songra ol ynandy. Angy bilen doly dushunip bilmesede, kalbynda iman etdi. Perishde onga bizing uchin hem wajyp bolan bir hakykaty aytdy: “«Mukaddes Ruh seniň üstüňe iner, Allatagalanyň gudraty seniň üstüňe kölege salar. Şonuň üçin hem doguljak Mukaddes saýylar, Oňa Hudaýyň Ogly diýler. 36 Anha, seniň garyndaşyň Elizabet hem garrydygyna garamazdan göwresinde çaga bar. Önelgesiz diýilýän bu aýalyň eýýäm altynjy aýydyr. 37 ^*Hudaý üçin hiç bir mümkin däl zat ýokdur». 38 Merýem: «Men Rebbiň bir gyrnagydyryn. Goý, maňa seniň aýdyşyň ýaly bolsun» diýdi. Şundan soň perişde onuň ýanyndan gitdi.

Eger bu gun biz hem heniz oz aklymyza, dushunjamize dayanyp Hudayyng bu beyik gudratyny ret edyan bolsak onda Jebrayyl perishdaning ine bu aydan sozi sanga hem ynanmaga yardam etsin: “Huday uchin hich bir mumkin dal zat yokdur”

Geling bu ajayyp “Chaganyng” yagny Halasgaring, Baky Patysha bolan birining doglushynyng nahili bolup gechendigini owreneli!

Hudayyng asyrlaryng dowamynda pygamberler arkaly aydanlary hem, Jebrayylyng bibi Meryeme aydanlary hem doly jikme-jiklik bilen berjay boldy. Ine Yazgy Mesihing dogulyshyny sheyle beyan edyar:

Isanyň dogulmagy

1 ^*Şol günlerde rim imperatory Awgustus tutuş Rim imperiýasynda ilat ýazuwyny geçirmeli diýen perman çykardy. 2 Bu ilkinji ilat ýazuwy bolup, ol Kiriniusyň Siriýa hökümdarlyk edýän döwründe geçirildi. 3 Hemmeler ýazylmak üçin öz şäherine gitdiler.

4 ^*Şeýlelikde, Ýusup hem Jeliledäki Nasyra şäherinden Ýahudadaky Dawut şäheri Beýtullahama gitdi, sebäbi ol Dawudyň urugyndan bolup, onuň nesline degişlidi. 5 Ýusup ýazylmak üçin ol ýere göwreli adaglysy Merýem bilen bile gitdi. 6-7 Olar Beýtullahamdakalar, Merýemiň aýy-güni dolup, ilkinji ogluny dogurdy. Merýem Ony gundaga dolady-da, bir ahyrda ýatyrdy, sebäbi olara myhmanhanada ýer ýokdy.

Sereding Ishaya pygamber arkaly Huday bu doglan “chaga” barada nahili ajayyp sozleri aydyar:

“Biziň üçin bir çaga doguldy, bir ogul berildi bize,

hökümdarlyk onuň gerşinde bolar; Onuň ady

Ajaýyp Maslahatçy, Gudratly Hudaý, Ebedi Ata, Parahatlyk Şazadasy bolar.

7 Hökümdarlygy dynuwsyz öser, parahatçylygy tükeniksiz bolar.

Dawudyň tagtyndan baky berkarar eder öz patyşalygyny.

Patyşalygy adalatlylyk hem dogrulyk bilen goldar” Ishaya 9:6-7

Dunyaning Halasgari, Baky Patyshasy, Ajayyp Maslahatchy, Gudratly Huday, Parahatlyk Shazadasy, Beyiklering Beyigi, Beyik Hudayyng Ogly, Hudayda bolan Baky Soz, Emanuwel gelip adaty bir yagdayda, adaty bir obada, adaty bir mashgalada doguldy! Ol Ozuni sheyle bir kicheltdi welin, hatda gul hasiyetini aldy…Onga hatda myhmanhanada hem yer tapylmandy…Yaradyjy Huday “yaradylanlaryng arasyna geldi” Ozuni kichijik “chaga” bolup olara ynandy. Bizing yaly dogulyp, yashap, kynchylyk gorup, hatda ezyet chekip yashady sheydip bizing ejziliklerimize, kynchylyklarymyza, agyrylarymyza gamhorluk etmegi uchin bize teselli bermek uchin muny etdi!

Ol elbetde dogulanda ing guychli gudratly bir shol dowurdaki Patyshanyng koshgunde hem doglyp bilerdi, emma Ol adaty bir mashgalany saylady, adaty bir yagday bilen dogldy. Patyshanyng chagasy bolup doglan bolsa elbetde bu barada hemme yerde habar berilerdi, jar chekilerdi, toy tutulardy…

Emma Huday muny islemedi, Ol iman arkaly ynsanlaryng ilki bilen kalbynda dorejek Patyshalygy gurup, shol yureklerde baky Patysha bolup dogulmak islapdi. Ozune syyasy hakimyet, at-abray isleman tersine bizing ejizliklerimizi gotermage, gunalerimizi bagyshlamaga we bizi baky dowzah naletinden halas etmek ucin Ozuni kicheltdi!

Ine, bu sebapden, hem gelip bir merkez bolan Iyerusalim shaherinde dogulman, chet bir obada Beytullahamda doguldy. Bu barada Huday ilkinji bushluguny patysha koshgunde dal-de, yonekey chopanlar arasynda ayan etdi! Bilshimiz yaly chopanlar, yonekey bir adamlar bolup durmushynyng kop bolegini meydanda, wagshy haywanlardan bolan howp astynda we halk tarapyndan ing pes durmush gatlagynda bolan adamlardy. Emma Huday yuz gormedi, shol yonekey chopanlara Mesihing dogulyshy baradaky Hosh Habary bushlady! Bu bushluk hayran galdyyryjy ajayypdyr:

Çopanlar we perişdeler

8 Şol ýere golaý ýaşaýan çopanlar bardy. Olar gijelerine düzde galyp, sürülerini goraýardylar. 9 ^*Birdenkä olaryň öňünde Rebbiň bir perişdesi peýda bolup, Rebbiň ýalkymy daş-töweregi ýagtyltdy. Çopanlar gaty gorkdular. 10 Perişde olara şeýle diýdi: «Gorkmaň! Men size ähli halky begendirjek şatlykly Hoş Habar getirdim: 11 ^*Şu gün Dawudyň şäherinde siziň üçin Halasgär doguldy. Ol — Rebbimiz Mesihdir. 12 ^*Ine, bu size bir alamat bolar: siz gundaga dolangy, ahyrda ýatan bir çagany taparsyňyz». 13 Birdenkä perişde bilen birlikde san-sajaksyz gögüň goşuny göründi. Olar Hudaýy öwüp:

14 ^*«Gökler gögünde Hudaýa şöhrat bolsun! Hudaýdan merhemet tapan ýerdäki ynsanlara parahatlyk bolsun!» diýýärdiler.

15 Perişdeler çopanlaryň ýanyndan aýrylyp, göge göterilenlerinde, çopanlar biri-birlerine: «Ýörüň, Beýtullahama gideliň. Rebbiň bize aýan eden bu wakasyny göreliň» diýişdiler.

16 Şeýlelikde, olar gyssanmaç gidip, Merýemi, Ýusuby we ahyrda ýatan çagany tapdylar. 17 Olar Isany görenlerinde, bu Çaga hakda özlerine aýdylan sözi olara gürrüň berdiler. 18 Çopanlaryň gürrüňlerini eşidenleriň bary haýran galdylar. 19 ^* Merýem bolsa bu ähli zatlar hakda çuňňur pikire batyp, olary ýüreginde saklaýardy. 20 Çopanlar hemme görüp-eşidenleriniň özlerine aýdylyşy ýaly bolandygy üçin, Hudaýy şöhratlandyrdylar, öwgüler aýdyp, yzlaryna dolandylar.

Dunyaning bu ajayyp Halasgarining dunya inmegi barada jar chekmegi Hudayyng goklerdaki perishdeleri arkaly ayan edildi. Yerde ynsanlar arasynda Rebbing Halasgaring dogulanyna entek jar chekilip Hudaya owguler aydymlarda yanglanmasa-da Hudayyng goklerde perishdelerden doly goshuny or-gokden turup asmany dolduryp Yaradana owguler aydyardylar!

^*«Gökler gögünde Hudaýa şöhrat bolsun! Hudaýdan merhemet tapan ýerdäki ynsanlara parahatlyk bolsun!» diýýärdiler.

Elbetde sheyle Gudratyguychli Hudayyng bize gorkezen merhemeti uchin, Halasgar bolup dunya gelendigi uchin Onga baky owguler bolsun!

Gudratyguychli Huday dinge bir yonekey bir chopanlara bu ajayyp waka barada aytmak bilen chaklenman. Alem-jahanda yagny yyldyzlar dunyasinde hem bir alamat berdi. Bu barada hem Injilde shayatlyk edilyar.

”Hirodes patyshanyng zamanynda, Yahudanyng Beytullaham shaherinde Isa eneden dogulanda, ine, Iyerusalime gundogardan munechjimler gelip: ”Yehudylaryng Patyshasy bolup doglan nirede?” Biz gundogarda Onung yyldyzyny gorup Onga sejde etmage geldik!” diydiler” Matta 2:1-2

Belki sizde, ”munechjimler kim?” diyen sorag yuze chykandyr. Munechjimler yonekey bir adam bolman akyldar we bilimli adamlar bolupdyr. Olar durli ylymlary owrenipdirler. Bu munechjimler yyldyz ylymyny owrenyan alymlardy. Munga bizing hazirki ylmy dilde astranomiya ylymy diyilyar. Olar gundogarda yashayardylar. Bilshimiz yaly gundogarda yashayan halklar ichinde sheyle yyldyzlary owrenyan alymlar bolupdyr. Munga mysal edip, Ozbegistandaky Samarkand shaherinde Ulugbek tarapyndan gurlan yyldyzlary owrenyan merkezi mysal gorkezse bolar. Irki dowurlerde shol yerlerde hem bu ylym we bashgada kop ylym bilen meshgullanan akyldar adamlar yashap gechipdirler.

Isa Mesihing doglandygy uchin Yerusalime gelen akyldarlar ”ayratyn bir yyldyzy” goryarler. Bu yyldyz beyleki yyldyzlardan has uytgeshikdi. Chunki ylmy barlag netijeleri esasynda shol wagt yagny Isa doglanda, Yupiter we Saturn planetalary birwagtda ”Balyk” diyip atlandyrylan yyldyzlar toplumy bilen bir nokada gelipdir. Bu yagday bash aylap dowam edipdir. Bu sebapden, akyldarlar sheyle yyldyzlar dunyasinde bolyan tasin yagdayyng, Baky Patysha bolup geljek Mesih bilen baglydygyny owrenipdirler. Olar Ol Mesihing dunya geljekdigini, bu goren alamaty esasynda yone bir ylmy tarapdan owrenman, kalbyndan Mesihe ynanypdyrlar. Shonung uchin biz olaryng uzak, howply yoly gechip shol doglan ”chaga” sejde etmage gelendiklerini goryaris.

”Ine, gundogarda goren yyldyzlary onglerine dushup, chaganyng bolan yerining ustune gelip durdy. Olar yyldyzy gorup juda begendiler. Oye girip, chaga bilen ejesi Meryemi gorduler. Dyzlaryna chokup, Onga sejde etdiler-de, hazynalaryny achyp, altyn, ladan we mur sowgat berdiler.”

Sereding, sizing taze doglan chaganyza uzak bir yurdyng beyyik tanymal alymlary sejde etmage gelse we ing gymmat baha sowgatlar getiren bolsa, onda siz chagangyzyng adaty daldigini bilersingiz!

Sheydip biz adaty doglan Isa Mesihing adaty dal bir Shahsyyetdigine goz yetiryaris!

Mundan bashgada akyldarlaryng bu ”chaga” bardaky habary butin Yerusalim shaherini we Hirodes patyshanyng koshgunde galagopluk doretdi. Hey bir kichijik adaty chaga sheyle galagopluk doredip bilermi? Bu yagdayda hem Isa Mesihing adaty daldigini gorup bolyar!

Gadyrdan ildeshim, ine sheyle kop delillerden song sen name pikir edyang?

Pygamberlikler edilen, gokde yydyzlar dunyasinde alamat gorkezilen, alymlar-akyldarlar gelip sejde eden, perishdeler tarapyndan bushlanan, chopanlar tarapyndan gorulen, Yerusalimda patysha koshgunde hem galagopluk doreden bu Halasgar Isa Mesihe ynanmak isleyarming! Ol bu gun iman arkaly sening kalbyngda dogulmak isleyar, sening durmushyngy tazelemek we gunaleringden halas edip yureginge we durmushynga parahatlyk bermek isleyar!

Gadyrly imanly doganlarymyz, sheyle ajayyp baky we beyik Halasgar Rebbimizing bizing uchin bu dunya gelendigine shatlanalyng we owguler aydalyng! Sizing hemmangizi yene bir gezek Mesihing doglan guni bilen gutlayaryn.

Sizing bilen yene-de  dushushyanchak hosh sagbolung!

“Dilan alar, agtaran tapar, gapy kakana achylar.” Matta 7:8

Bir wagtlar bir adam Hudaya sheyle diyip yuzlenmage milt edip bilipdir: “Musa pygambere “yanyan chalyny” yakyp Ozungi ayan edishing yaly, alow bilen bir chalyny yak, men Sening yzynga dusheyin. Yeshuwa pygambere “galany” yykyshyng yaly manga hem bir diwary yykyp gorkez men sening uchin goresheyin.

Sheydip, ol adam garashyp bir “chalynyng” yanynda durup, bir diwaryng golayynda oturyp Hudayyng onga geplemegine garashypdyr.

Huday bolsa ol adamy eshidipdir we jogap beripdir. Ol alowy bir agaja yada chalyng ustune inderman, Ozune iman edenlering kalbyna alow yaly ynamy beripdir. Kerpichden bolan bir diwary ashak yykman, ynsan kalbyndaky guna diwaryny yykyp yumurypdyr.

Sheydip, Huday ol adamyng jogabyna garashypdyr, dowamly yene-de garashypdyr…

Emma ol adam ynsanlaryng kalbyndaky iman alowyna seretman chalynyng yanmagyna garashdy, adamlaryng tazelenen durmushyna dalde, kerpichli diwaryng yykylmagyna garashyardy. Sheydip hem oz yanyndan, Huday hich bir ish etmedi diyip hasaplapdy. Songunda bolsa Hudaya yuzlenip, “Huday sen guyjungi yitirdingmi?” diydi.

Huday bolsa onga seredip, “Sen eshitmegingi yitirdingmi?” diydi.

Salam gadyrly ildeşler!

Köpümiziň bilşimiz ýaly dünýäniň dürli künjeklerinde köp milletler birnäçe günlerden uly baýramçylyk belläp geçýärler, bu baýramçylygyň orsçada ýörgünli ady “Rojdestwo Hrista” iňlis dilinde bolsa “Christmas” türkmençe göni terjime edilende bolsa “Isa Mesihiň Dogulyşy” baýramçylygy diýip atlandyrylýar! Elbetde köp ildeşlerimiziň içinde bu barada ýazmaly däl ekeniň diýip gürrüň etjekler hem tapylar, ýöne şu taýda-da köpçüligiň Isa Mesihi iň azyndan pygamber hökmünde hormat edýändigi we ynanýandygy köpümize belli. Isa Mesih ýöne bir pygamber bolman ol dünýäniň Halasgäridigini hem size bildirmek we muňa siziň düşünmegiňizi isläp hem Isa Mesihiň dogulyşy baýramçylygy barada kelam agyz söz ýazmagy we siziň hemmäňizi bu ýetip gelen baýramçylyk bilen gutlamagy makul bildik!

Beýleki pygamberleriň durmuşyndan tapawutlylykda we başgada tanymal ynsanlardan tapawutlylykda näme üçin Isa Mesihiň dogulmagy uly bir bellenip we ýatlanyp geçilýän gün bolup durýar?! Munuň sebäbini hemişede bolşy ýaly Mukaddes Ýazgylardan jogap gözläp bileris. Mukaddes Ýazgy bolan Injilde Isa Mesihiň dogulyşy barada ajaýyp wagalar gürrüň berilýär. Onuň dünýä geljekdigi we nähili ýaşajakdygy, öwretjek taglymaty, ölümi we direlişi hakynda ýüzlerçe ýyllar öňünden ýüzerçe pygamberlikler aýdylyp geçilipdir. Ol pygamberlikleriň gelip Isa Mesihde ýerine ýetmegi bolsa, Onuň hakykatdan hem şol Halasgär Mesihiň Özüdiginiň subutnamasydyr. Ine Isa Mesihiň dogulmagynyň edil öň ýanyndan dünýä inen Ýahýa pygamberiň kakasynyň aýdan sözlerine üns berip göreliň: “Ýahýanyň kakasy Zekerýa Mukaddes Ruh bilen dolup, welilik edip diýdi: “Ysraýylyň Hudaýy REb mübärek bolsun! Ol Öz halkyny idemäge geldi, oňa gutulyş gazandyrd. Ol gadymdan Öz mukaddes pygamberleriniň agzy bilen aýdyşy ýaly, bize bendesi Dawudyň neslinden bir güýçli Halasgär çykaryp, duşmanlarymyzdan, bizi ýigrenýänleriň ählisiniň elinden gutular ýaly etdi. Ol muny atalarymyza rehim etjek, Öz mukaddes ähtini, biziň atamyz Ybraýyma eden kasamyny ýatlajak bolup etdi… ogly Ýahýa pygamber hakynda şeýle diýdi: Eý çaga, sen hem hemmelerdn beýik Hudaýyň pygamberi diýen ady alarsy. Çünki sen Onuň ýollaryny taýarlamak, Onuň halkyna günäleriniň ötülmegi bilen gutuljakdyklaryny bildirmek üçin, Rebbiň öňünden ýörärsiň. Sebäbi Hudaýymyz ýüreginiň rehimliliginde görä, garaňkyda, ölüm kölegesinde oturanlara yşyk bermek üçin, aýaklarymyzy parahatlyk ýoluna gönükdirmek üçin, dogan Gün (ýagny Mesih kimin) ýokarlardan bizi idemäge geler!” Soňra bolsa edil ýokarda wada edilişi ýaly Halasgär bolup Isa Mesih hökmünde dünýä inýär, ine Onuň dogulyşy hakynda buşlygyň çopanlara bildirilişi: “Şol töwereklerde çopanlar bardy. Olar gijelerine düzde galyp, sürülerini bakardylar. Ine, Rebbiň perişdesi olara göründi, Rebbiň ýalkymy daş-töweregi ýagtyltdy. Çopanlar gaty gorkdular. Perişde olara şeýle diýdi: “Gorkmaň, ine, men size bütin halky begendirjek şatlygy buşlaýaryn: Şu gün Dawudyň şäherinde size Halasgär doguldy. Ol Reb Mesihdir. Size alamat şeýle: siz ahyrda ýatan, gundaga dolangy bir çagany taparsyňyz.” Birdenkä perişde bolen birlikde Gökdäki goşundan bir uly mähelle göründi. Olar Hudaýy öwüp diýýärdiler: “Iň ýokarlarda Hudaýa şöhrat, ýer ýüzünde Ony razy eden ynsanlara parahatlyk bolsun, ynsanlar arasynda hoşniýetlilik bolsun!” Perişdeler çopanlaryň ýayndan aýrylyp, Göge çykanlarynda, çopanlar biri-birlerine: “Beýtullahama gidip, bu bolan wakany, Rebbiň bize bildiren zadyny göreliň” diýişdiler. Şeýlelikde ylgap baryp, Merýemi, Ýusuby we ahyrda ýatan çagany tapdylar. Muny görenlerinde, bu çaga hakda özlerine aýdylan sözi olara gürrüň berdiler. Muny eşidenleriň bary çopanlaryň aýdanlaryna haýran galdylar…Çopanlar hemme görüp-eşidenleriniň özlerine aýdylyşy ýaly bolanlygy üçin, Hudaýy şöhratlandyryp, öwüp, yzlaryna öwrüldiler.”

Nahili ajaýyp buşlyk, biz bu buşlyga çopanlaryň ynanyşy ýaly ynanyp kabul edip şatlanarysmy! Şatlanmalydyrys! Çünki Ol dogulan Hudaýyň bütin adamzadyň Halasgäri edip ýollany Isa Mesihdir!

Bu baýramçylyk döwründe Isa MEsihe imanlylar biri-birlerine sowgat bermekleriniň bir sebäbi hem Hudaýyň bize Halasgäri sowgat hökmünde bermegini ýatlap birek -birege hoşniýetli arzuwlar bilen sowgat bermek däbi emele gelipdir. Ondan başgada Isa Mesih dogulanda, diňe bir şol halkdan bolan çopanlar Ony görmäge gelmän, hatda gündogardan, ýagny häzirki Orat Azia we Eýran töwereklerinde muneçjimler ýagny astronomia ylymlaryny öwrenýän alymlar Ony uzaklardan görmäge gelipdirler.

Bu barada Injilde ine şu taryh ýazylandyr: “HIrodes patyşanyň zamanynda Ýahudanyň Beýtullaham şäherinde Isa eneden doglanynda, ine, Iýerusalime gündogardan müneçjimler gelip: “Ehudylaryň Patyşasy bolup doglan nirede? Biz gündogarda Onuň ýyldyzyny görüp, Oňa sejde etmäge geldik” diýdiler. Muny eşidip, Hirodes patyşa we onuň bilen birlikde tutuş Iýerusalim galagolpluga düşdi. Ol ähli baş ruhanylar, halkyň kanuçylaryny ýygnap, olarda Mesih nirede dogulmaly diýip sorady. Olar şeýle jogap berdiler: “Ýahudanyň Beýtullahamynda, çünki pygamber arkaly şeýle ýazylypdyr: “Eý, Ýahuda ülkesindäki Beýtullaham, sen Ýahuda hökümdarlary arasynda asla iň kiçisi dälsiň. Çünki halkym Ysraýyla çopançylyk etjek Hökümdar senden çykjakdyr” Onsoň Hirodes müneçjimleri ýaşyryn ýanyna çagyryp, ýyldyzyň haçan görnenini çintgäp sorady. “Baryň, çaga hakda ýagşyja sorag-ideg ediň, tapaňyzda maňa hem habar beriň, men hem baryp, Oňa sejde etjek” diýip, olary Beýtullahama iberdi. Olar patyşany diňläp, ýola rowana boldular. Ine, gündogarda gören ýyldyzlary öňlerine düşüp, çaganyň bolan ýeriniň üstüne gelip durdy. Olar ýyldyzy görüp, juda begendiler. Öýe girip, çaga bilen ejesi Merýemi gördüler. Dyzlaryna çöküp, Oňa sejde etdiler-de, hazynalaryny açyp, altyn, ladan we mür sowgat berdiler. Hirodesiň ýanyna öwrülmezlik hakda düýş üsti bilen duýduryş berlensoň, olar öz ýurtlaryna başga ýol bilen gaýtdylar.”

Ol müneçjimler Isa Mesihi çaga wagtynda görmäge bardylar we Ony tapanlarynda juda begendiler, olary şeýle juda belent begenje eýe eden zat nämekä, näme üçin ol alym adamlar uzak ýurtdan, agyr we howply ýol geçip täze dogulan çagany görmäge geldilerkä? Munuň sebäbi olar hem ol doguljak çaganyň bütin adamzadyň Halasgäri bolup doguljakdygyny öňünden iman edip garaşydylar, Isa Mesih barada öňden aýdylan pygamberliklere iman edipdiler we ol aýdylanlaryň Isa MEsihde ýerine ýetenine ynanypdylar, şol sebäpden hem olar Isa Mesihiň ýanyna baryp görmegi we Oňa sejde etmegi durmuşynyň iň bir wajyp maksady edip goýupdylar. Olar ol maksadyna ýetdiler, Isa Mesihi çagalykda görüp Oňa sejde etdiler we Oňa iň gymmatbaha sowgatlary sowgat berdiler!

Isa Mesihiň dünýä inmegi bu ähli ynsanlar üçin şatlandyryjy buşlukdyr, bu sebäpden hem Isa Mesihiň dünýä gelmegi, ýaşaýşy, taglymaty we ol baradaky ähli zatlar ýazylan Hudaýyň Sözünede “Injil” ýagny “Hoş Habar” diýilýär!

Siziň her biriňize bu Hoş Habara galyberse çopanlar ýaly, iň bolmanda hem müneçjimler, ýagny astronomiýa alymlary ýaly kabul etmegiňizi we kabul edip iman getirmek arkaly siziň durmuşyňyza geljek ähli ruhy patalary siziň üçin arzuw edýärin!

Goý Ýaradyjyny Hudaýyň parahatçylygy we şatlygy siziň hemmämiziň kalbymyzy doldursyn we geljek 2012-nji ýyl siziň üçin ruhy rowaçlyk getirsin we hemmämiziň maşgalamyzda, il-günümizde we bütin dünýäniň halklary arasynda Hudaýyň hoşniýetligi höküm sürsün!!!

Audio klip: Adobe Flash Player (9-njy gornush yada ondan yokarky gornushi) bu audio klipi oynamak uchin gerekdir. Ine shu salgylanmada songky gornushini indirip al here.
Yene-de browserinde JavaScript-e rugsat berilen bolmaly.

Download this file. Adamlar

Audio klip: Adobe Flash Player (9-njy gornush yada ondan yokarky gornushi) bu audio klipi oynamak uchin gerekdir. Ine shu salgylanmada songky gornushini indirip al here.
Yene-de browserinde JavaScript-e rugsat berilen bolmaly.

Download this file.

“Ozal-bashda Soz bardy. Soz Hudaydady, Soz Hudayyng Ozudi. Ol ozal-bashda Hudaydady. Hemme zady Ol yaratdy, yaradylan zatlaryng hich biri Onsuz yaradylmady. Onda yashayysh bardy, yashayysh bolsa ynsanlaryng Nurudy. Bu Nur garangkylykda parlayandyr, garangkylyk ony ochurip bilen daldir.” Injil

Bu Nick Wuyching Hudayyng rehmi we merhemeti bilen durmushynyng ing erbet yagdayynda hem Ondan umyt tapypdyr we taze mana eye bolup taze Hudayy shohratlandyryan durmush bilen yashap bashlapdyr!
Bu shayatlyk Rus dilinde, gelejekde Turkmen diline gechirmek maksadymyz bar. Eger siz bu videony Turkmen diline gechirmekde yardam bermek islegingiz bolsa bize bildirip bilersingiz!

Goy Huday size pata bersin!

Nic by Poiskboga

Hudaýyň aýaly we maşgalany ýaradyşy

Başlangyç kitabynyň 2:18-24-nji aýatlarynda şu barada aýdylýar: “18 Reb Hudaý: «Adama ýekelik ýagşy däl, oňa özüne laýyk kömekçi ýaradaýyn» diýdi. 19 Reb Hudaý ähli haýwanlary, guşlary toprakdan döretdi we adamyň olary atlandyryşyny görmek üçin, olary onuň ýanyna getirdi. Adam ähli janly-jandarlara näme at beren bolsa, şol-da olaryň ady boldy. 20 Şunlukda, adam ähli mallara, guşlara, ähli haýwanlara at berdi. Ýöne adamyň özüne laýyk kömekçi tapylmady. 21 Reb Hudaý adamy agyr uka giderdi; adam ukudaka, Reb onuň bir gapyrgasyny alyp, boşap galan ýerini et bilen örtdi. 22 Reb Hudaý adamyň bedeninden alan şol gapyrgasyndan aýal ýaratdy we ony adamyň ýanyna getirdi. 23 Adam ony görüp: «Ine, süýegi öz süýegimden, teni öz tenimdendir; ol aýal bolar, çünki ol ärinden alnandyr» diýdi. 24 Şol sebäpden hem erkek ata-enesini taşlap, aýaly bilen ýapyşýar we olaryň ikisi bir ten bolýar”.

Ine, şu aýatlarda görşümiz ýaly, Hudaý ilkinji aýaly we maşgalany ýaratdy. Reb Hudaý (18-nji ayat): «Adama ýekelik ýagşy däl, oňa özüne laýyk kömekçi ýaradaýyn» diýdi. Hudaý biziň mätäçliklerimizi öňünden bilýär. 22-nji aýatda, Hudaý How enäni Adam ata üçin ýaradýar: “Reb Hudaý adamyň bedeninden alan şol gapyrgasyndan aýal ýaratdy we ony adamyň ýanyna getirdi”.

Maşgala bu Hudaýyň pikiridi. Hudaý adamyň mätäçdigini gördi. Emma, Adam ata maşgala barada pikir hem etmeýärdi. Hudaýyň Özi oňa düşündi. Aýaly onuň gapyrgasyndan ýasady. Sebäbi olaryň ýaşaýşy, gatnaşygy haýwanlardan tapawutlydy. Çünki Hudaý olary Özüne meňzeş edip ýaradypdy. Gapyrgadan ýasalmak, bu deňsizligi aňlatmaýar. Bu erkegiň aýalyny söýüp, bir ten bolmagy üçin, goramagy üçindir. Hudaý erkek we aýaly dürli wezipeler üçin tapawutly edip ýaratdy. Emma bir maksat üçin ýaratdy. Ol-da Hudaýy hormatlamak üçindir!

Ine, Hudaý maşgalany erkek we aýala sowgat edip berdi. Hudaý erkek bilen aýalyň ýaşaýyş gatnaşygyndaky esaslaryny  adamlaryň  däp-dessuryna, medeniýetine ýada düşünjelerine laýyklykda ýaratman, Öz islegine we maksadyna laýyk edip ýaratdy. Hudaýyň maksady 24-nji aýatda görkezilýär: “Şol sebäpden hem erkek ata-enesini taşlap, aýalyna ýapyşýar we olaryň ikisi bir ten bolýar”. Hudaý aýaly kömekçi edip ýaradandygy üçin adam ene-atasyny taşlap, aýalyna goşulmalydy. Olar indi biri-biri üçin jogapkärçilik çekmelidi, biri-birini başgalardan ýokary söýmelidi, biri-biri bilen päk är-aýallyk gatnaşygynda bolmaklygy aňladýardy. Güýçli, sagdyn maşgala bolmak üçin şol Hudaýyň 24-nji aýatdaky prinsipini saklamalydyrys. Maşgalaň maksady birlik bolmaly! Är-aýal birleşenden soň tende bir bolýarlar.

Mukaddes Kitapda maşgala barada näme diýýär:

1. Nagmalar nagmasy 4:9-10:  “Eý, ezizim, gelinligim, köňlümi maýyl etdiň, gözleriň bilen bir bakyşda, boýnuň hünjüsiniň biri bilen köňlümi maýyl etdiň. Ne şirin söýgiň seniň, eý, ezizim, gelinligim! Yşkyň şerapdan, atyryňyň hoşboý ysy ähli hoşboý ysly zatlardan lezzetlidir!” Romantika hökman gerek.
2. Matta 5:32: “Men welin size diýýärin, zynadan başga sebäp bilen aýalyny aýyran adam onuň zyna etmegine sebäp bolýandyr. Aýrylan aýala öýlenen-de zyna edýändir”. Ahlaksyzlyk ynamy we gatnaşygy bozýär.
3. Matta 19:6, 9: “Şoňa görä, indi olar iki däl-de, bir ten hasaplanarlar. Hudaýyň goşanyny hiç kim aýyrmasyn. Men size aýdýaryn, kim aýalyny zynadan başga sebäp bilen aýryp, başga aýala öýlense, ol zyna edýändir. Ärinden aýrylan aýala öýlenen hem zyna edýändir”. Maşgala bu hemişelik bolmaly.
4. Rimliler 7:2-3: “Ärli aýal diri ärine kanun arkaly baglydyr, äri ölse welin, nika kanunyndan boşaýar. Şoňa görä-de, aýal äri dirikä başga äre barsa, oňa zynahor diýler, ýöne äri ölse, ol kanundan azatdyr, başga äre barsa hem zynahor däldir”. Diňe ölüm är-aýaly aýyrmaly. Başga hiç zat aýyrmaly däl.
5. Efesliler 5:21-33: “21 Mesihe bolan uly hormatyňyz bilen birek-birege tabyn boluň. 22 Eý aýallar, Rebbe tabyn bolýan ýaly, äriňize tabyn boluň. 28 Şunuň ýaly hem ärler aýalyny öz teni kimin söýmelidir. Aýalyny söýýän özüni söýýändir. 29 Çünki hiç kim hiç haçan öz tenini ýigrenmän, gaýtam, ony iýmitlendirip timarlaýandyr. 33 Şeýlelikde, her biriňiz aýalyňyzy özüňiz ýaly söýüň, aýal hem ärini sylasyn”. Maşgala duýgy däl-de, söýgi esasynda gurulmaly.
6. Efesliler 5:23-32”: “Eý ärler, Mesihiň imanlylar ýygnagyny söýşi ýaly, siz hem aýalyňyzy söýüň”. Maşgala bu ýygnagyň we Mesihiň simwoly bolmaly.
7. Ýewreýler 13:4: “Hemmeler nika hormat goýsun, düşek günä bilen hapalanmasyn. Çünki Hudaý ahlaksyzlary, zynahorlygy höküm eder”. Maşgala hormat goýulmaly we günä bilen hapalanmaly däl.

Hudaý maşgalany Öz şöhraty üçin döretdi we we maşgala duýgy esasynda däl-de, söýgi esasynda gurulmaly. Men yokardaky aýatlar siziň maşgala baln düşünjäňizi has giňeldendir diyip umyt edýärin.

“Dar gapydan giring; chunki helakchilige getiryan gapy ging, yol inli, ol gapydan giryanler kopdur. Yone yashaysha getiryan gapy dar, yol insiz, ony tapyanlar azdyr.” Matta 7:13-14

Umumy terjime sheylerak:

Bu jang Morrokkadan Sana atly uyamyz. Men Sana ozum Morrokkaly we sshu wagt Englanda yashayan. Men ilki bilen “ menden ongki morokkaly birining size erbet sozleri aydany uchin erbet boldum we sizden ol adam uchin bagyshlama sorayaryn. “ Zyany yok biz ol sozlere owrenishen” diyip Rashid atly alyp baryjy jogap beryar. “Men sizing gepleshikleringiz kopden bari goryarin, we sizing gepleshikleringiz gowy goryarin. Men Mesihi bolmaga gaty yakyn chunki men Hakykaty bilip bashladym. “Name uchin Kabul edengok” ? “sebabi men arim bar we ol fanatik musulman. Mening chagalarym bar we yoldashym bilse onda menden ayrylyshar we chagalarymy menden alar” Rashid: “ Men sening bashdan gechirenleringi bilyarin, emma bizing kopumiz hem kop ezyetler gorduk, kynchylyklar chekdik, Reb mbize yardam berer…”  Sana: “men yslama shubhe edip bashladym,….yslamdada erkinlik yok….” Sizing uchin dileg etmek isleyan.

Biz dileg etmezden ongurti, Rebbe yuzlening: Mening Rebbim , merhemetli Atam, Sening merhemeting we soygunign uchin minnetdar. Oz Oglunyg mening bgunlaeirm uchin hachda olume berendigi uchin minnetdar. Men gunalerim uchin toba edyan we Seni oz halasgarimhokmun Kabul edyan. Meni halas et Reb. Manga komek et meni gora, mening chagalarymy gora, yoldashyma hem komek et. . Mening yolumy yagty et we manga yolungy owret we ol yolungdan gezip bileyin!”

Rashit: “ Reb onung kyn wagtlarynda ol bilen bile bol, sen onung kalbyny bilyarsing, ony gora, onung durmushyny gora…biz sanga onung durmushyny doly tabshyryarys!”

Reb Isa Mesihe bolan ynamy üçin öldürlen Gurbandurdy Turaniniň şaýatlygy

Gurbandurdy Turani 1952 ý Eýranyň Gonbad-e-Kavus şäherinde, türkmen maşgalasynda eneden bolýar.  Ol maşgalada sekiz çaganyň biri, onuň 6 erkek dogany we 1 sany gyz jigisi bolýar. Onuň kakasy fundamental musulmandy, ol Soni Hanafi atly Yslam toparyna degişlidi.  Ol çagalaryny Yslam ýoly we kanunlary boýunça terbiýeleýär we şol ýoldan gitmegi üçin ol ähli zady etdi.  Gurban mekdebi gutarandan soňra Yslamyýeti Müsürde, ýokary okuw jaýynda okamak isleýär.  Onuň bütin islegi Sunni Yslam lideri bolmakdy.  Emma onuň kakasynyň onuň Müsürde okatmaga maddy taýdan mümkinçiligi ýokdy.  Gurban okuwa gidip bilmese-de yslama degişli kitaplary we Hudaýy şol kitaplaryň üsti bilen gözleýärdi.  Birnäçe wagt geçenden soň, ol käbir jenaýat işlere el urýar we başgalar bilen söweşde bolýar. Ol Hudaý ýok diýen karara gelip, kommunistleriň pikiri dogrydyr öýdip kommunistik ideýalaryny kabul edýär.  Ol öýlenip maşgala gurýar. Gurbanyň 3 gyzy we 1 ogly bolýar.  Gurbanyň aýaly 4-nji çaga garaşýarka, Gurban 1983 ý gowy iş tapmak üçin Türkmenistana gitmegi çözýär.  Şol wagtlary Türkmenistan kommunistleriň gol astyndady, (ýagny Sovet Soýuzyndady).  Gurban Türkmenistana gelýär, we erbet hem-de agresivligi üçin ol kän jedeldir uruşlara girişýärdi.  Bir gezek ol bir adamy pyçaklap öldürýär.  Eden jenaýaty üçin ol tussaga alynýar we 15 ýyla azatlykdan mahrum edilýär.  Ol tussagda kyn wagtlary geçirýär.  Ol tussaghananyň iň erbet, rehimsiz şahsyýeti diýen adyny «gazanýar».  We onuň bolşuny hiç bir zat üýtgedip bilmeýärdi.  1988 ý Gurban özüni öldürmäge synanyşýar.  Ony derrew keselhana getirýärler, emma lukmanlar onuň ýaşamagyna hiç bir umyt bermeýärler.  Emma gudrat bilen Gurbanyň ýaşaýşy kesilmeýär.  Gurbany täzeden tussaghana getirýärler.  Bir gezek şol tussaghana mesihiler gelip Hoş Habar aýdýarlar.  Gurban olary we olaryň aýdanyny şol pursat ret edýär.  Soňra başga ýerden onuň tussaghana otagyna bir tussag edilen ynsany geçirýärler.  Bu adam rus mesihidi we ol Isa Mesihe ynamy üçin tussag edilendi.  Onuň ady Konstantindi.  Konstantin Gurban bilen dost bolýar we Hoş Habar bilen paýlaşýar.  Konstantin Mesihiň söýgisinden doludy.  We ol Gurbandan: «Sen Isa Mesihiň Hudaýyň Oglydygyny we Ol dünýäniň Halasgäridigini bilýärmisiň? – diýip sorady. Gurban Konstantine: «Hudaý umuman ýokdur»-diýip jogap berdi. Gurban uzak wagtlap Hoş Habary ret edýärdi. Ol Konstantine: «Sen henizem Isa Hudaýyň Ogly diýýämiň?!» – diýip jogap bererdi.  Emma näçe köp Gurban Konstantini tanasa şonça-da köp ol Konstantiniň Hudaýyň söýgisinden we mähirinden hem-de Hudaýyň parahatlygyndan doludygyny bilýärdi. Konstantini görmek üçin yzyndan gelýän mesihileriň hem Hudaýyň rahatlygyndan doludygyny bilýärdi. Konstantin Gurban üçin Täze Äht Kitaby buýurýär we oňa bu Kitaby sowgat edýär.  Konstantin oňa:  «Şu Kitaby oka we meniň saňa Isa Mesih barada gürrüň berenlerimi şu ýerden okap doly öwrenip bilersiň.  Şonda sen Oňa garşy söweşip biljek-bilmejekdigiňe doly düşünersiň».  Gurban Täze Äht Kitaby alyp okajakdygyna razylygyny bildirýär.  Ol iki hepdäniň içinde bütinleý Täze Äht Kitaby okap gutarýär.  Onsoň ol Konstantine: «Men Isa Mesihi Taňry we Halasgär hökmünde kabul etjek, we mesihi boljak» – diýip ýüzlenýär.  Onuň dosty Konstantin Gurban üçin ybadat edýär we şol pursat Gurban ybadatda durmuşyny Taňry Isa tabşyrýar we Taňry Isany şahsy Halasgäri we Rebbi hökmünde kabul edýär.  Ol mesihi bolandan soňra, Gurban tussaghananyň başlygyna tussaghanada Hudaýa hyzmaty we Hoş Habary wagyz etmegi geçirmäge rugsat soraýar.  Tussaghananyň başlygy Gurbanyň durmuşynyň düýbünden üýtgändigine haýran galyp oňa: «Seniň sežde edýän Hudaýyň seniň durmuşyňy şeýle täsin üýtgeden bolsa, onda menem saňa Hudaýa hyzmaty geçirmegiňe rugsat bereýin» – diýip jogap berýär. Konstantin Gurbana berlen rugsata haýran galýar.  Ol Gurbana şeýle diýýär: «Şu tussaghanada geçiren bütin ýyllarymda maňa we başgada mesihilere hiç-haçan saňa berlen mümkinçilik bize berilmedi, ýagny saňa Hudaýa hyzmat geçirme mümkinçiligi berildi.  Sen täze ynanyjy, emma Hudaý eýýäm seni täsin ýollary bilen ulanmaga başlady.  Sen tussagdan azatlyga çykanyňda Eýrana gaýt, öz milletiň, türkmenleriň arasyna bar we Hudaý seni türkmenleriň arasynda we öý ýygnanyşyklarda ulanar» – diýdi.  1998 ý Gurban azatlyga çykýar, ol 15 ýyl tussagda bolýar.  Ol azatlyga çykandan soňra Eýrana öz Gonbad-e-Kavus diýen şäherine gelýär. Ol maşgalasyny görýär, 15 ýyl aýralykda…  Entäk ol Eýrandan Türkmenistana iş gözlemek üçin giden döwründe, onuň maşgalasy 4-nji çaga garaşýardy.  Indi bu çaga Gurbanyň 15 ýaşyndaky gyzydy.  Gurban öz öý-içeri bilen Hudaýyň adamzat üçin beren halas bolma plany bilen, ýagny Hoş Habar bilen paýlaşýar.  Ol Täze Ähtden we Konstantinden öwrenen ähli mesihi taglymaty bilen paýlaşýar.  Onuň maşgalasy Mesihe ynanýar we Gurbanyň jan etmegi bilen, oňa Mukaddes Ruhuň aýan etmegi, Hudaýyň Mukaddes Sözüniň okamagy we Hoş Habary paýlaşmagy bilen, 12 sany türkmen öz durmuşyny Reb Isa Mesihe tabşyryp, mesihi bolýarlar.  We bu Gurbanyň öz şäherine geleninden başlap iki ýylyň dowamynda bolup geçýär.   Onsoň ol maşgalasy bilen başga bir uly şähere göçýär.  Oňa täze ynanyjylary şägirt edip taýýarlamakda ýygnanyşygyň kömegi gerekdi we şol täze göçen şäherinde ol oňa kömek berip biljek, şol şäheriň ýygnanyşygyndan bir ruhy dogan bilen tanyş bolýar.  Bu ruhy dogan Gurbanyň ýanyna we onuň öý ýygnanyşygyna ençeme gezek gelip görýär we olara kömek berýär.  Soňra Gurban ruhy çopanlygy Mukaddes Kitapdan öwrenme programmany okap gutarýar.  Gurbanyň 7 ýylyň içindäki hyzmatynda Hudaýyň işi türkmenleriň arasynda gaty ösýär we 35 türkmen mesihi bolýar.  Gurban batyrgaý, gorkmaýan mesihi ýolbaşçy bolýar.  Ol tutanýerlilik bilen Taňry Isa hakda köçelerde, dükanlarda we bazarlarda güwä geçýärdi. Ol öz ynamyny içinde saklamaly däl diýlen piker bilen ýaşaýardy we şunlukda ol ähli baran ýerinde Hoş Habary wagyz edýärdi.  Ençeme gezek Gurbana öz şäherinde dindar adamlar howp salýardylar.  Hat-da onuň şaýatlyk etmegine garşy bolan onuň bir eneden bolan öz dogany onuň ýüzüne pyçak urýar.  Emma bu garşylyklara seretmän, ol hemişe Taňry Isa barada, näme bolsa-da guwä geçýärdi.  Onuň türkmen halky üçin ýüregi awaýardy we türkmen halkynyň Reb Isa gelip halas bolmagyny küýseýärdi.  Bu gadyrdan adam 2005 ýylyň 22 noýabyrynda uly töleg töleýär.  Ony belli däl bir topar tussaga alýar; ony urýarlar, gynaýarlar we pyçaklap öldürýärler. Onsoň bu näbelli topar onuň jesedini, onuň öýüniň derwezesiniň öňüne taşlap gidýärler.  Gurbandurdy Turani Isa Mesihe bolan ynamy üçin öldürlen ilkinji türkmen mesihi.  Gurban öldürlenden soňra, milli howpsyzlyk politsiýa işgärleri onuň öýüne gelip kanuny bozup öýüni dökýärler we öýünden mesihi materiallary bikanunlyk bilen alyp gidýärler.

Gurban ölüminden ozal öz söýgisini Taňry Isa bildirip we oňa durmuşyny bagyş etmegi barada birnäçe setir ybadat sözlemi ýazýar:  «Gadyrdan Rebbim Isa, men Seniň çüý kakylan aýaklaryňy görmegim üçin, Öz ýanyňa barmagyma rugsat et!  Gadyrdan Rebbim Isa, men Seni pes göwünlikde şöhratlamagyma we çüý kakylan aýaklaryňdyr, elleriňi oşamagyma rugsat et.  Sen Golgotada haçda 4 sany çüý bilen çüýlendiň, Seniň ganyň akýardy we şol bir kynçylykda Sen nähili öz ýaradan bendäňi güýçli söýüpdiň?!  Sen hat-da Seni haça çüýlänleri tüýs ýürekden gujaklap kabul etmäge taýýardyň.  Sen meň üçin jebir çekdiň.  Diňe meň üçin däl eýsem meniň ene-atam üçin hem…  Meň üçin sen iň agyr jebiri çekdiň, Sen 6 sagat haçda asylgy bolduň.  Beýle Sen azap çekmäni görmezligiň üçin, men günäsiz bolsamdy; Men şol ýerde bolmak isleýärin we Seniň haçda mahalyň mähirli elleriňden çüýleri aýyrmak isleýärin. Men Seniň ejir çekmezligiňe kömek berip bilerdim diýen pikirim nähili pähimsiz görünýär. Taňrym Isa, goý men Seniň mukaddes Adyňy bu ýerde her bir pursat şöhratlap bileýin.  Men öz islegim bilen öz durmuşymy Saňa, Sen üçin we ýygnanyşygyň üçin bagyş edýärin» Omyn!