Gadyrly ildeşler, bizi sizň ähliňizi ýetip gelýän Täze 2010-njy Ýylyň ýetip gelmegi bilen çyn kalbymyzdan gutlaýarys! Her biriňize ruhy rowaçlygy we Rebbiň bereketlerini siziň üçin arzuw edýäris! Iň esasy hem siziň janyňyzyň gutulyşyny yglan eden we size “gurply ýaşaýyş” ýagny ebedi ýaşaýyş, Hudaýyň şatlygyndan we dynçlygyndan doly manyly ýaşaýyş berjek Isa Mesihi hakykat ýüzünde tanamagyňyzy we tanap şol “Ýol, Hakykat we Ýaşaýyş” Bolana iman getirmegiňiz üçin Biribardan dileg edýäris!

Hudaýyň Sözünden bolan bu aýatdaky, “Rebbiň Merhemet Ýyly” 2010-njy ýylda siziň üçin hem “Rebbiň Merhemet Ýyly” bolsun!

“Rebbiň Ruhy üstümdedir. Çünki garyplara Hoş Habary bildirmegim üçin Meni mesh etdi; Meni tussaglara azatlygy, körlere gözleriniň açylmagyny yglan etmäge, zulum astyndakylary azatlyga çykarmaga. Rebbiň merhemet ýylyny yglan etmäge iberdi».”

“Söýgi sabyrlydyr, şepagatlydyr, söýgi görüpçilik edýän däldir, söýgi öwünip tekepbirlik edýän däldir. Biabraýçylykly iş edýän däldir, öz nepini gözleýän däldir. Adalatsyzlyga şatlanman, hakykata şatlanýandyr. Her zada döz gelýändir, her zada ynanýandyr, her zada umy baglaýandyr, her zada çydaýandyr. Söýgi asla tükenmez..!”1Korintoslylar 13:4-8

IŇ BELENT SÖÝGI WE IŇ GYMMATLY GURBANLYK…

Gadyrly dostlar men size bir wakany gürrüň bereýin…

Birnäçe ýyllar mundan ozal uzak ýürtda bir akylly adam bar eken. Ol pesgöwünli, söýgüden we adamlar üçin aladadan, hoşniýetlilikden dolu bir ynsan bolupdyr. Onuň bir sany ogly bar eken. Ol ogluny bütin jany-teni bilen söýýärdi we ol üçin bar bolan ýagşylyklary arzuw edýärdi.

Ol adam demir ýol geçýän bir köprüde, köprüniň açylyp ýapylmagyny üpjün edýän jogapkärçilikli işde işleýärdi. Otly gelmän wagtynda köpri açylyp, aşagyndan gämileri geçirerdi, otly ýakynlaşandan bolsa köprini birleşdirip otlyny geçirerdi. Ol köprüdäki demir ýoldan köplenç adamlary gatnadýan otly şäherarasy gatnaýardy.

Ogly kakasynyň işleýän ýerini gidip kakasynyň işleýşine syn etmegi gowy görerdi we kakasynyň nädip bu işini erjellik bilen ýerine ýetirişini we otlynyň geçmeli wagtynda köprüni birleşdirip alada edýändigine haýran bolup serederdi. Ogly kakasyndan nädip  arassa zähmet çekmegi we adamlar üçin nähili alada etmelidigini öwrenýärdi. Ondan başgada kakasyna kömekleşmegi hem gowy görerdi. Şeýdip olar bilelikde, kaka we ogul bile wagt geçirerdiler. Otly ýada gämi gelmän wagtynda oturyp bileje çaý içip durmuş barada we kakasy ogly üçin bolan arzuwlary barada gürrüň bererdi. Kakasy ogluna: “oglum men seni söýýän diýip” söýgüsini bildirerdi. Bir gün öňküsi ýaly bu gezek hem ol kakasy bilen şol köprä gelipdi. Kakasy ogluna, aşaga düşüp, köprüniň birleşýän ýerindäki zynjyry aýyryp gelmegi haýyş etdi. Şol wagt hem kakasyna duýduryş stansiýasyndan: adamdan doly otlynyň köprä golaýlaşýandygy habary berildi. Ol oglyna: “çaltrak bol oglum, otly ýetip gelýär…” diýip ogluny gyssady. Otly  tizlik bilen köprä golaýlaşyp başlady, şol wagt bolsa oglynyň aýagy demiriň arasynda galdy. Ogly: …kaka aýagymy çykaryp bilemok…diýip aglamjyrap kakasyny kömege çagyrdy….

Bu wagt eýýäm otly köprüden görünip başlapdy…köprüniň birleşdirilmegi gerekdi, eger birleşdirilmese onda otly içindäki adamlar bilen heläk bolmalydy…kakasy bu wagt çalt çözgüt çözmelidi… “kömek et kaka diýip gygyrýan aglap duran köprüň aşagyndaky oglunymy … ýada ýüzläp adamdan doly bolan otlynymy… bu gaty agyr ýagdaýdy…onuň ýüregi gaýgydan we agyrydan doludy…aglap gygyrýan ogly üçin ýüregi ýarylara gelip gynandy…emma ýüzläp adamy halas etmegi ýüregine düwüp gözlerinden akýan ýaşlary bilen köprüni birleşdirdi…bu wagt köpri ogluny mynjyratdy…şolbada bolsa otly bat bilen köprüdäki demirýoldan geçip başlady….kakasy ogluna ezýet berip öldürendigi üçin ýüregi agyrydan dolup gygyryp, gözünden ýaşlary paýyrdap çykyp aglaýardy…köprüden geçýän otludaky adamlar bolsa… oňa… onuň bu wagt eden işinden habarsyz…ýekeje ogluny olary halas etmek üçin gurban getireninini hem bilmän…käbirleri ellerini galgadyp, ýylgyryp…başgalary bolsa öz pikirlerine ýada gürrüňlerine gümra bolup….geçip barýardylar…Olar onuň ýeke-täk ogluny, jany-teni bilen söýýän ýekeje ogluny olary halas etmek üçin nähili agyry we kynçylyk bilen ezýet çekmäge we ölmek üçin berendiginden bihabardylar…!

Gadyrly ildeşler…bu taryh size kimdir birini ýatladýarmy?

Ine şu wakada bolanlara meňzeşlikde, Hudaý hem biziň üçin şeýle etdi. Hudaý hem bizi, ýagny adamzady halas etmek üçin ýekeje Ogluny (ýagny Baky Söz bolan we Bakyýetde Ýaradyjy Hudaýň bölegi bolan; Ogul diýilende ruhy manyda, ýagny Isanyň Hudaýlyga degişlidigi göz öňünde tutulýar) Isa Mesihi gurbanlyk berdi. Bu sebäpden Ýahýa pygamber özüne tarap gelýän Isa Mesihi görende şeýle diýip güwalik edipdi: “Ine, bütin dünýäniň günäsini Öz üstüne aljak Hudaýyň Gurbanlyk Guzusy” Ýaradyjy Hudaý Özüniň ýekeje Ogluny biziň ezýet çekip bakyýeti şeýtanyň bolmaly ýeir bolan dowzahda geçirmezligimiz üçin haçda ezýet berilip öldürilmäge berdi. Köprüdäki işleýän adamyň oglunyň teniniň myjyrap, ölişi ýaly Isa Mesihiň teni hem seniň we meniň halas bolmagym üçin 2000-ýyl mundan ozal ezýet çekip, mynjyradylyp, haçda öldürildi.

Hudaýyň bu getiren, ýüregini agradyjy belent iň gymmat gurbanlygyny kabul etmän ynanmaýanlar…ýokardaky wakadaky ýylgyryp…ellerini galgadyp geçip barýan otludaky adamlara mezňeýärler…

Sen barada näme? Sen Hudaýyň bu görkezen belent söýgüsine ynanýarmysyň ýada öz düşünjeleriňe daýanyp ret edýärmisiň?

Muny ret etmek bilen, Hudaýyň seniň üçin getiren şeýle belent gurbanlygyny ret edýärsiň!

Hudaý Isa Mesihi seniň üçin we meniň üçin ölüme bermeli bolanda, Ol şeýle bir gynanypdy…emma Ol muny bizi köp söýýändigi üçin we biziň heläk bolmazlygymyz üçin berjaý etdi! Bu sebäpdän Mukaddes Ýazgy bu hakynda şeýle diýýär: “Çünki Hudaý dünýäni (seni we meni) köp söýýänligi üçin, Ogluna (Isa Mesihe) iman edenleriň hiç biri heläk bolman, ebedi ýaşaýşa gowuşsyn diýip, Özüniň ýekeje Ogluny berdi.”

Mundan belent söýgi hiç bir ýerde ýokdur! Hudaý bize bolan söýgüsini Özi üçin iň eziz we gymmatly bolan Isa Mesihiň bermek bilen görkezdi!Seniň bakyýeti Hudaý bilen geçirmegiň üçin Ol Isa Mesihi seniň üçin

gurbanlyk berdi, Isa Mesihiň ölmegi bilen sen ýaşaýşa ýetmäge mümkinçilik aldyň! Hudaýyň indi senden we menden isleýäni, Onuň Özüniň iň gymmatly gurbanlygy getirendigine, Onuň bu arkaly bize aýan eden çäksiz rehimine we merhemetine ynanyp minnetdarlyk bilen kabul etmelisiň!

“Ogla iman eden ebedi ýaşar. Ogla iman etmedik ýaşaýyş görmez, Ol Hudaýyň gazabyna sezewar bolar». Injil

Isa Mesihiň Dogulyş baýramçylygyna arzuwlar!

Gadyrly ildeşler! Tizden tiz dunýäniň dürli künjeklerinde adamlar Isa Mesihiň dogulan gunini uly baýramçylyk hökmünde belleýärler! Munuň üçin ilki bilen biz her biriňizi bu uly manydan doly bolan Isanyň dünýä gelişi baradaky baýram bilen gutlayýarys, size Isa Mesih arkaly Hudaýyň beren bereketlerini we uly gutulyşyna hakykatdan ýetmegiňizi arzuw edýäris!

Bilşimiz ýaly Isanyň dogulyşy bilen biziň eramyz başlanypdyr we Onuň dogulmagy gaty uly bir wajyp waka boldy. Isa Mesihiň doguljakdygy we nirede doguljakdygy, kimden doguljakdygy birnäçe ýuz ýyllar öňünden Hudaýyň pygamberleri tarapyndan pygamberlik edilip aýdylypdyr. Hudaýyň perişdesi bibi Merýeme aýan bolýar we onuň gudrat bilen bir ogul dogurjakdygyny buşlaýar. Injil bu hakynda şeýle diýýär: “…Jebraýyl perişde Hudaý tarapyndan Jeliläniň Nasyra atly şäherine, Dawudyň neslinden Ýusup atly adamyň adaglysy bolan bir äre çykmadyk gyzyň ýanyna iberildi. Bu guyzyň ady Merýemdi. Perişde onuň ýanyna gelip diýdi: “Salam, eý merhemet sezewar bolan! Reb seniň bilendir; sen aýallar arasynda mübäreksiň!” Merýem bu sözlere gaty aljyrap, “Bu nähili salam?” diýip içini gepletdi. Perişde oňa diýdi: “Gorkma Merýem; sen Hudaýdan merhemet tapdyň. Ine, sen göwreli bolup, bir ogul dograrsyň. Onuň adyna Isa dakarsyň. Ol uly bolar, Oňa hemmelerden beýik Hudaýyň Ogly diýiler. Reb Hudaý Oňa atasy Dawudyň tagtyny berer. Ol Ýakubyň öýüne ebedilik patyşalyk eder, patyşalygynyň soňy bolmaz” Merýem perişdä diýdi: “Bu nähili bolar? Mer äre baramok”. Perişde oňa jogap berip diýdi: “Mukaddes Ruh seniň üstüňe iner, hemmelerden Beýigiň gudraty seniň üstüňe kölege salar. Şonuň üçin hem doguljak Mukaddese Hudaýyň Ogly diýiler”.

Bu Merýeme öňünden berilen ajaýyp bir buşlyk! Ondan başgada haçanda Merýemiň adaglysy Yusup Merýemiň göwreligini eşidip çagany düşürmegi pikirlenende Hudaý oňa düşünde gepläp şeýle diýýär: “…Eý Dawut ogly Ýusup! Sen Merýemi özüňe aýallyga almakdan gorkma; çünki onuň göwresinden dörän zat Mukaddes Ruhdandyr. Ol bir Ogul dograr, sen Onuň adyna Isa dakarsyň; çünki Ol Öz halkyny günälerinden halas eder” diýdi. Bularyň hemmesi Rebbiň pygamber arkaly aýdan şu sözüniň erine etmegi üçin boldy: “Ine, bir gyz göwreli bolup, bir ogul dograr, Onuň adyna Emanuel dakarlar”. Bu-da “Hudaý biziň bilendir” dien manyny berýär. Ysraýyl halky elbetde bir wagt bilen gejek Mesihe ýagny Halasgäre garaşýardylar, çünki olarda Mesih hakynda Pygamberleriň Ýazgylarynda aýdylan pygamberlikler bardy. Ýöne Hudaý bu buşlygy Ysraýyldan uzakda ýaşaýan, hatda başga milletlerden bolan akyldarlara, ýagny häzirki dil bilen aýtsak astranomlara, ýyldyz öwrenijilere hem aýan edipdir. Ine bu hakynda ýazgy şeýle diýýär: “Isa Hirodes patyşanyň zamanynda Ýahudanyň Beýtullahamynda eneden dogulanynda, ine, Iýerusalime gündogardan (belkide biziň ýurdymyzdan ýada Orta Aziaýadan) müneçjimler gelip diýdiler: “Ehudylaryň Patyşasy bolup doglan nirede biz gündogarda Onuň ýyldyzyny görüp, Oňa sejde etmäge geldik” Muny eşidip, Hirodes patyşa we onuň bilen birlikde tutuş Iýerusalim galagolpluga düşdi. Ol ähli baş ruhanylary, halkyň kanunçylaryny ýygnap, olardan Mesih nirede dogulmaly diýip sorady. Olar hem oňa diýdiler: “Ýahudanyň Beýtallahamynda; çünki pygamber arkaly şeýle ýazylypdyr. … Müneçjimler ýola rowan boldular, ine gündogarda gören ýyldyzlary aga öňlerine düşüp, çaganyň bolan eriniň üstüne gelip durdy. Olar ýyldyzy görüp , gaty köp şatlandylar. Öýe girip, çaga bilen ejesi Meýemi gördüler, dyzlaryna çöküp, Oňa sejde etdiler-de, hazynalaryny açyp, altyn, ladan we mür sowgat berdiler…

Mundan başga Hudaýyň perişdesi bu ajaýyp Isanyň dogulyş habaryny ýönekeýje çopanlara hem aýan etdi. Bu hakynda ýazgy şeýle diýýär : “Ine, Rebbiň perişdesi çopanlara göründi, Rebbiň ýalkymy daş-töweregi ýagtyltdy. Çopanlar gaty gorkdular. Perişde olara diýdi: “Gorkmaň, ine, men size bütin halky begendirjek şatlygy buşlaýaryn: Şu gün Dawudyň şäherinde size Halasgär doguldy. Ol Reb Mesihdir. Size alamat şeýle: siz ahyrda ýatan, gudaga dolangy bir çagany taparsyňyz”… Perişdeler çopanlaryň ýanyndan aýrylyp göge çykanlarynda,” …çopanlar gidip çagany, ejesi Merýemi we Ýusuby gördüler.

Gadyrly ildeşler, iki müň ýyl mundan öň gelen bu Hoş Habar bu gün hem Hoş Habardyr. Hudaýyň Merýeme öňünden aýdyşy ýaly bu Hoş Habar Hudaýyň Mukaddes Ruhyndan gudrat bilen dünýä inen Isa Mesihdir. Merýemiň adaglysy Yusupa aýan bolan şaýatlyk bolsa bu doguljagyň öz halkyny günälerden halas etjegiň Özüdigi we Onuň adynyň Isa bolmalydygy, Ol arkaly Hudaýyň adamlar arasynda boljakdygy hakynda buşlukdyr! Uzak bir yurtdan bolan akylldarlara Hudaýyň muny aýan edişi kimin bu Hoş Habar ebedilik Patyşa boljak Isa Mesihiň dünýä inmegi bilen başlanýandyr. Hudaýyň çopanlara aýan edeni bolsa bu doguljak çaganyň Halasgär Mesihdigidir!

Merýem bu habary eşidende Hudaýa öwgüler aýtdy we bu habary bütin kalby bilen kabul etdi, şeýdip bu wada edilen Mesih Halasgäri dünýä inderdi. Yusup hem bu habara ynandy we Hudaýyň oňa aýdyşy ýaly edip oňa Isa diýip at berdi. Uzak ýurtdan bolan muneçjimler bolsa dünýä injek Mesihiň, ebedi Patyşanyň ýyldyzyny asmanda görenlerinde muňa ynanmazlyk etmediler, Onuň doguljak ýeri gaty uzakda bolsa hem Isa Mesihi görüp Oňa sejde etmek üçin we Oňa sowgatlar ýetirmek üçin kyn we uzyn ýoly geçdiler we baryp Çaga sejde etdiler we Oňa sowgatlar berdiler!

Indi bolsa biz hakynda näme, biz bu ajaýyp Hoş Habara ynanýarysmy, we ýokardakylar ýaly imanly bolup Isa Mesihe Halasgär, Ebedi Patyşa, günälerimizden gutulyş berjek Emanuele iman edýärismi we Oňa çyn ýüregimizden sejde ederismi?!

Iki müň ýyl gowrakdan bäri Isa Mesihiň dogulmagy mynasybetli bu baýramçylyk bize bu Isa Mesihdäki Hoş habary ýatladyp gelýär! Biziň Biribardan siziň üçin bu baýramçylyk baglanyşykly arzuwlarymyz bolsa, siziň Merýem, Yusup, ýyldyz öwreniji alymlar ýaly we çopanlar ýaly galybersede millionlarça başgada bu Hakykata düşünip kabul eden imanlylar ýaly Isa Mesihdäki gutulyşa we baky ýaşaýşa eýe bolmagyňyzdyr!

Isa şeýle diýdi, “Men sizde ýaşaýyş bolsun, gurply ýaşaýyş bolsun diýip geldim”

Işaýa pygamberiň Isa Mesih baradaky pygamberligi

53-nji bap

1 Biziň habarymyza kim ynandy?

Rebbiň güýç-gudraty kime aýan boldy?

2 Ol Rebbiň öňünde näzik maýsa dek,

gury ýerdäki kök deý ösdi;

biziň oňa serederimiz ýaly,

onda ne şekil, ne syrat bardy,

arzuwlarymyz ýaly keşp ýokdy.

3 Ol äsgerilmedi, ynsanlar ony ret etdi,

ol derdi, hassalygy bilýän adamdy;

adamlar ondan ýüzlerini öwürdiler,

ol äsgerilmedi,

hiç zatça-da görmedik ony biz.

4 Ol biziň hassalygymyzy öz üstüne aldy,

biziň dertlerimizi çekdi;

biz bolsa ol Hudaý tarapyndan jezalandyrylyp,

urlup ejir çekendir diýip pikir etdik.

5 Emma ol biziň ýazyklarymyz üçin ýaralandy,

biziň etmişlerimiz üçin ezýet çekdi,

rahatlygymyz üçin jeza onuň başyna geldi,

onuň ýaralary bilen biz şypa tapdyk.

6 Ählimiz edil goýun ýaly azaşdyk;

öz ýolumyz bilen gitdik herimiz,

Reb ählimiziň etmişimizi oňa ýükledi.

7 Oňa sütem edildi, ol ejir çekdi,

emma şonda-da agzyny açmady.

Soýulmaga äkidilip barýan guzy dek,

gyrkymçynyň öňündäki sessiz goýun dek,

hiç agzyny açmady ol.

8 Ol sütem, adalatsyzlyk bilen äkidildi.

Onuň nesilleri hakda kim aýdyp biljek?

Diriler diýaryndan mahrum edildi ol,

halkymyň ýazygy üçin zarba oňa degdi.

9 Onuň gabry pisler bilen boldy.

Ol baý adamyň ýanynda jaýlandy,

ol hiç hili sütem etmändi,

agzyndan ýalan sözler çykmandy.

10 Emma onuň ezilmesi,

dert çekmesi Rebbiň islegidi.

Onuň jany günä gurbanlygy edilse,

ol neslini görer, onuň ömri uzar;

Rebbiň islegi ol arkaly rowaçlanar.

11 Janynyň çeken jebir-jepalarynyň

hözirini görüp, ol kanagatlanar.

Öz bilşine görä,

Meniň dogruçyl gulum köpleri aklar,

öz üstüne alar olaryň etmişini.

12 Şonuň üçin Men oňa

beýik adamlaryň arasyndan paý bererin;

oljany güýçlüler bilen paýlaşar ol,

janyny gurban etdi ol,

ýazyklylar bilen bir saýyldy;

ol köpleriň günäsini öz üstüne aldy,

olaryň ýazyklarynyň geçilmegini diledi.

“Başga hiç kimde gutulyş ýokdur. Çünki biziň halas bolmagymyz üçin adamzada berlen gaýry at asmanyň astynda ýokdur».

Sen muňa iman getirýärsiňmi we Hudaýyň Özüniň üpjün eden  Isa MEsihdäki gutulyşyny kabul edýärmiň. Isa Mesihe bolan ynamyň seniň bakyýeti nirede geçirjekdigiňi anyklaýandyr!

Biz yashamak uchin gazanyas, emma gazananlarymyzy bashgalar bilen paylashmak bilen taze yashaysh doredyas!

“Ata Hudayng yanynda sap, tegmiltsiz dindarlyk budur: yetimleri, dul hatynlary mushakgatlarynda idemek, ozungi dunyaden chirksiz saklamak.” Yakup 1:27

Bu soraga elbetde durli dining wekilleri durli hem jogap bermage chalyshar… Mysal uchin Islam dinine uyyan ildeshlerimiz: hawa Injilden song yene bir hosh habar gelipdir Hudaydan bu hem Muhammeting getiren habarydyr…Injil dine oz dowrune degishli dalmi eysem …”diyip jogap bererler.

Emma bu jogap hakykata yagny Hudayng maksadyny ayan eden Sozune dogry gelyarmi we oz esasyny olardan tapyarmy?! Yok, beyle pikir duybunden Hudayng hakykatyna gabat gelmeyar. Munung sheyledigini Isanyng ilkinji shagirtleri bolanlaryng durmushyndan hem gorup bilyaris. Isa Mesih hakyndaky bolan Hosh Habardan “bashga bolan hosh habary” getirjeklering dinge bir 6-njy asyrda bolman eyyam 1-nji asyrda hem dorap bashlandygyny taryh bize owredyar.

Bu barada ine Isa Mesihing ilkinji shagirtlerining hataryna goshulanlaryndan biri resul Pawlus ine sheyle diyip Isa Mesihinkiden bashga hich hili hosh habaryng yokdugyny duydyrysh berip ine sheyle diyyar:

“Men sizing Mesihing merhemeti arkaly ozunizi Chagyrany beyle tiz tashlap, bashga Hosh habara owrulishinize hayran galyaryn. Dogrudan-da bashga Hosh habar yok, yone sizi bulashdyrjak, Mesihing Hosh Habaryny yoyjak bolyan kabir adamlar bar. Emma biz ya Gokden inen bir perishde hem size wagyz edenimizden bashga bir zady Hosh Habar diyip wagyz etse, ona lagnat bolsun! Ong aydyshymyz yaly, yene-de aydyaryn: biri size kabul edeninizden bashga bir zady wagyz etse ona lagnat bolsun! Indi men adamlaryng razychylygyny gozleyarinmi ya Hudayng razychylygyny?…”

Gadyrly dost sen barada name…sen kiming hosh habaryna ynanyang Hudayng Ozuning ayan edeni Isa Mesih barada bolan Hosh Habaramy yada adamlaryng doreden bashga bir habarynamy…alty yuz yyldan song doran bir habaramy ynanyarsyng? Sen kiming razychylygyny gozleyarsing: adam tarapyndan doredilen dininkinimi, dindashlarynkynymy yada sana merhemet, rehim we soygi echilyan Hudayng razychylygyny gozleyarsing?

Adamzadyng gunaning jezasyndan, sheytanyng guyjunden we baky olumden gutulmagy uchin Hudayng Isa Mesihde upjun eden gutulyshyndan bashga hich bir zat Hosh habar bolup bilmeyar. Bu sebapden Isa Mesihing shagirdi bolan resul Petrus munlerche adamlaryng onunde durup we olaryng imansyzlygyny pash edip ine sheyle diyip guwa gechipdi:

“Siz ussalar tarapyndan asgerilmedik bu Dash burchbashy bolup chykdy. Bashga hich kimde gutulysh yokdur, chunki bizing halas bolmagymyz uchin adamzada berlen gayry at (Isa Mesih) asmanyng astynda yokdur!”

Bu sebapden gadyrly dost, bu hakykata iman getirip Hudayng sana mugt berjek “Belent Gutulyshyna” eye bol! Adamlaryng guwaligini, habaryny kabul etme-de, Hudayng Ozuning Isa Mesih barada eden guwaligini we Hosh Habaryny kabul et!

Gurbanlyk bermek bu näme zat…

Bir Türkmen ildeşimiziň Tmolympiad websaýtynda Gurbanlyk barada beren soraglaryna bir ildeşimiziň Mesihilik nukdaý nazardan beren jogabyny şu taýda ýerleşdirmegi makul bildik!

Ondan başgada tizara bütin Islam dünýäsinde “gurbanlyk baýramy” bellenip geçilýär, ýöne biziň ildeşlerimiz munuň manysyna düşünýärmi we Hudaýyň hakykatda näme isleýändigini bilýärlermi diýen pikire esaslanyp Mukaddes Ýazgylara esaslanyp bu makalanyň ýazylandygy üçin, muny websaýtymyzda ýerleşdirmegi makul bildik!

 Gurbanlyk barada ýazan öz pikirleriň üçin we soran soraglaryň üçin minnetdar! Elbetde, köp ildeşlerimiz seniň ýazanlaryňa öz pikirlerine we dini ynançlaryna esaslanyp gyzykl jogaplar beripdir. Şol arada sen “hristianlar hem gurbanlyk berýärlermi?” diýip hem sorag beripsiň. Bu soragyňa we başgada käbir soraglaryňa jogap ýazmagy makul bildim.

Ilki bilen “gurbanlyk” getirmegiň garyplara ýardam ýada mätäçleri doýurmak diýen düşünjeden ötri ruhy manysy bardyr. Her bir ruhy many berilen däbiň nireden gelip çykandygyny bilmek üçin Ähli zadyň Ýaradyjysy bolan Hudaýa ýüzlenmeli we Hudaýyň sözünden jogap agtarmak dogry bolýar. Bu sebäpden “gurbanlygyň” gelip çykyşy başlangyçdan başlanýar. Adam ata we How ene Hudaýyň diýýänine boýun bolman, öz ýollaryny saýlan-da olar bilen Hudaýyň arasynda ruhy aragatnaşyk bozulýar, we Hudaýyň eýýäm öňünden duýduryş berişi ýaly olar ölümli bolýarlar ýagny hem ruhy we fiziki taýdan ölümli bolýarlar. Olar hemme zadyň doly garmoniýada ýagny doly ylalaşykda bolan ýeri bolan Erem bagyndan kowulýarlar, munuň sebäbi hem olaryň tebigaty üýtgeýar, olar mundan beýläk Hudaý bilen kämil aragatnaşykda ýaşap bilmeýärler, Hudaýyň olara bolan gatnaşygy üýtgemeýärde, olaryň Hudaýa bolan gatnaşygy üýtgeýär. Şeýle ýagdaýa uçranlarynda, olar ezýet çekip başlaýarlar, şeýle boýun bolmasalarda Hudaý ilkinji bolup olara el uzadýar, ýagny ýalaňaç bolan Adam ata we How ene üçin Hudaýyň özi bir haýwan öldürip, haýwanyň hamyndan olar üçin egin-eşik edip olary geýindirýär. Şonda ilkinji gezek ýer ýüzünde haýwan öldürilip gan dökülýär. Ozal başda eýýäm Hudaý olary ýagny ynsanlary yzyna gaýtaryp getirmek üçin bir plan emele getirýär. Şol döwülen ruhy aragatnaşygy dikeltmek üçin kämil töleg gerekdi, muny bildirmek üçin bolsa Hudaý olara bir ýol berdi, ýagny tä kämil gurbanlygy, tölegi Hudaýyň Özi öz wagtynda üpjün edýänçe, özüniň ýanyna ynsanyň gelip wagtlaýynça aragatnaşykda bolup bilmekleri üçin we Hudaýyň günä bolan gahar gazabyny wagtlaýynça aradan aýyrmak üçin “haýwan gurbanlyk getirmek düzgünini emele getirdi” Adam atadan başlap, “haýwan gurbanlyk getirilende” olar Hudaýyň eýýäm olara gutulyş berjek ýagny kämil gurbanlyk getirjek wagtyny, ýagny Onuň rehimini we merhemetini ýatlap iman bilen muny ýerine ýetirip başladylar. Bu Adam atadan başlap, onuň ilkinji ogullar Habyl we Kabylyň mysalynda, Nuh we onuň ogullarynda, Ybraýymda, Yshakda, Ýakupda we Ýusupda soňra olardan dörän Ysraýyl halkynyň durmuşynda wagty bilen Hudaýyň dünýä getirjek kämil gurbanlygynyň simwoly hökmünde ýerine ýetirilip gelinipdi. Uly bir halk dörände bolsa Hudaý Musa pygamber arkaly bu däp dessuryň daşynda ýene birnäçe däp dessurlar berip kanunlar beripdir. Emma olaryň ählisi hem Hudaýyň geljekde ýerine ýetirjek ajaýyp gutulyş planynyň asly bolman kölegesi bolupdyr. Ol berilen kada kanunlaryň ýene bir maksady hem ynsanlara özleriniň näderejede kämil däldiklerini we Hudaýyň rehimine we merhemetine, ýagny Halasgärine mätäçdiklerine düşünmekleri üçin hem berilipdir. Ine Mukaddes Ýazgylardan şeýle sözler bar: “Mukaddes Kanun oňat zatlaryň asly däl-de, kölegesidir. Şu sebäpli her ýyl üznüksiz hödürlenen şol bir gurbanlar bilen Hudaýa ýakynlanlary hiç haçan kämillige ýetirip bilmez.”

 Gysgaça aýdanda gurbanlygyň taryhy we esasy ine şu ýokardaky aýdylanlardan ybarat, bu sebäpden “haýwan gurbanlyk getirmegiň” esasy maksady açlary doýurmak bolman Hudaý bilen ynsanyň arasyndaky ruhy gatnaşyk  we Hudaýyň Özüniň biziň günälerden, şeýtanyň güýjünden we geljekgi dowzah odundan ýagny baky ruhy ölümden gutulmagymyz üçin üpjün etjek “Kämil çirksiz Gurbanlygynyň” ýatlatma simwoly, ýada saýasydyr. Bu bilen baglylykda, näme üçin Isa Mesihe iman edýänler “gurbanlyk getirmeýärler” diýen soraga jogap. Isa Mesihe iman edýänler, Hudaýyň eýýäm asyrlaryň jümmşinde eýýäm öňünden şol simwollar we mysallar arkaly, we pygamberleriň öňünden aýdyp geçen pygamberlikleri esasynda “Şol wada edilen Kämil Gurbanlygyň” Isa Mesihde Hudaýyň dünýä ýollandygyna ynanýandyklary üçin bu günler  Köne Ähte bagly bolan kanun däp dessurlary aradan aýrylýandygy üçin we hakyky Hudaýyň Özüniň üpjün eden gutulyşynyň gelendigi sebäpli ýerine ýetirmeýändigidir! Mukaddes Ýazgy ine bu barada şeýle diýýär: “Onda Kanun näme gerek boldy? Kanun özüne wada edilen, Ybraýymyň neslinden bolan Mesih gelýänçe perişdeler arkaly araçynyň eli bilen düzgünleşdirilip, jeneýatlar sebäpli ähte goşuldy…Şeýlelikde, biz iman bilen aklanar ýaly, kanun Mesih gelýänçe biziň terbiýeçimiz boldy. Iman geleni üçin, biz indi terbiýeçiniň gol astynda däldiris. Çünki siziň hemmäňiz Mesih Isa bolan imanyňyz arkaly Hudaýyň ogullarysyňyz…Mesihiňki bolsaňyz, onda Ybraýymyň nesli, berlen wada boýunça mirasçysyňyz!”

Bular bolsa meniň ýokarda aýdyp geçenlerimiň tassyklanmasy bolýar. Bu sebäpden hem Isa Mesihiň dünýä gelmegi Hoş Habar diýilip atlandyrylýar, ýagny şol ozal-başda Hudaýyň wada edeni we Onuň üçin ýol taýýarlany dünýä geldi we Ol kämil “Gurbanlyga” iman getirmek arkaly bolsa şol ýitirilen aragatnaşyk dikeldilýär!

Ýöne gynansak-da, musulman ildeşlerimiz Hudaýyň üpjün edenine iman getirmän, kämillige ýetirmejek köne däp dessurlarda ýaşaýarlar! Isa Mesihiň dünýä gelmegi bilen Täze Äht emele geldi, Köne Äht öwrenilsede indi onuň güýji ýok bolup galýar! Bu sebäpden hem “mal gurbanlyk” getirmegiň zerurlygy galmaýar-da iman arkaly Hudaýyň rehimi we merhemeti arkaly Özüniň üpjün edenini, ýagny adamzadyň günäleriniň jezasyny öz gerdeninde çeken, töleg hökmünde janyny gurban edip mukaddes ganyny döken, ölümden direlip ölümiň we şeýtanyň güýjünden eňiş gazanan Isa Mesihine iman getirilmelidir! Hudaýyň bu ajaýyp gutulyşy hakynda bolsa dünýäniň soňuna çenli her bir ynsana buşluk hökmünde ýetirilmelidir!

Guzy ýada mal gurbanlyk getirmek baradaky Mukaddes Ýazgylarda duş gelýän wakalar hakynda aýratyn durup geçmäge bu taýda wagt ýok, emma şeýle edilmek mümkinçiligi bolan bolsady, olar arkaly Hudaýyň ajaýyp gutulyş planynyň asyrlar jümmşinden gyzyl sapak ýaly bolup geçýandigini görüp bolýar!

Eger bu ýazylanlary uzyn görmän soňuna çenli okan bolsaňyz, köp minnetdar we size bir telpek!

DIŇE SENSIŇ MENI DÜNÝÄ INDEREN ,

PÄK, MUKADDES RUHUŇ BILEN DOLDYRAN,

GAÝGY DÄL, ŞATLYK BILEN AK PATA BEREN

DIŇE SENSIŇ HUDAÝYMYZYŇ OGLY.

2.

ÇAGALYKDA SAŇA BOÝUN BOLMADYK,

ÇAGYRAŇDA SEŇ ÝANYŇA GELMEDIK,

TOBA EDÝÄS HUDAÝYMYZ BAGYŞLA BIZI

ŞONDA-DA SEN SÖÝÜPDIŇ ÖZ PERZENDIŇI.

3.

SEŇ ADYŇDAN AK PATALAP GÜNÄLILERI

“TOBA ET,ISA GEL HALASGÄR REBBE”

DIÝIP SEŇ SÖZÜŇI AÝDYP YNSANA

DIŇE SAŇA BOÝUN BOLUP,DYZAÇÖKERIS.

4.

SENIŇ BILEN BOLDUK INDI BERKARAR,

DURMUŞYMYZ BOLMAZ INDI BI KARAR,

RUHUMYZAM DIŇE SENI ALKYŞLAR,

BIZIŇ ÝÜREGIMIZDE DIŇE SEN BAR.

5.

SEN BIZE ÖWREDÝÄŇ SENI SÖÝMÄNI,

SEN BIZE GÖRKEZÝÄŇ ŞATLYK ÝOLUNY.

BIZ SENDE, MESIHDE BAKY ÝAŞARYS

DIŇE SENSIŇ EDÝÄN ÄHLI ZATLARY.