TÜRKMEN ILIME HOŞ HABAR

Bu bölümde biz size “Hudaýyň Ýoly” diýilip at berilen radio gepleşiklerimizi hödürleýaris. Ony biziň ildeşimiz taýýarlap size hödürleýär. Olar arkaly gunäler üçin toba etmeklige, gunälerden gutulyşa we munuň netijesinde Biribar Ýaradyjy bilen baky parahatçylyga eýe bolarsyňyz diýip umyt edýäris! Diňlap ruhyňyz rowaçlansyn!

“Hudaýyň Ýoly 02″

Gör Nahili Men Bagtly

Gör nahili men bagtly

Gör, nahili men batly,

Hudaý – Halasgärim.

Mukaddes gökde men üçin,

Ajaýyp jaý taýyn.

        Şöhratlaýan Guzyny,

        Men üçin ejir çekdi.

        Oňa alkyş, Oňa alkyş

        Oňa alkyş. Omyn

Dünýä Baýlygy deň bolmaz

Ol altyn şähere.

Hudaý meni hiç taşlamaz,

Bolaryn ol erde.

        Garaňkylyk ýitip gider,

        Ebedi nur sönmez.

        Alkyşlap joşar ýürekler,

        Indi gözýaş bolmaz.

Uzak ýurtdan hat
Size Abdyl Kadyr hakdaky gürrüňi diňlemegiň gyzykly boljakdygyny men bilýärin. Onuň ata-enesi ýogalypdy. Ol wagt Abdyl heniz iki hem ýaşamandy. Olar öz ogluna uly baýlyk we birnäçe jaýlary miras galdyrdylar. Çaga we onuň emlägine kakasynyň dogany hossarlyk edip ugrady. Adaty şertlerde şeýle ylalaşyk doly amatly bolardy. Emma Abdylyň daýysy örän zalym adamdy. Ol çagany başga bir daş erdäki garyndaşlarynyňka iberdi, olar-da çaga barada hiç bir alada etmeýärdiler. Soňra daýysy Abdyl Kadyr ölüpdir dien myş-myş ýaýratdy. Ol özüniň şahsy isleglerini kanagatlandyrmak üçin Abdylyň emlägini satyp, pullary harçlapdy.Abdyl ulalanda ol özüniň adamlaryň rehmine mätäç, öýsüz-öwzarsyz etimdigine göz etirdi. Şu döwürden başlap, ol bir döüm çörek üçin meýdanda agyr zähmet çekmelidi. Şonuň netijesinde ol zordan okamagy we ýazmagy öwrendi. Ýyllar geçip, Abdyl ýigrimi iki ýaşady. Bir gün giç agşam, eke özi öýünde otyrka, oňa öz adyna iberilen bir bukja gelip gowuşdy. Ol –hatdy! Siz onuň togunmasyny bir görsediňiz! Ertesi ol meýdana gelensoň, töwerekde hiç kimiň görmeýändigine göz etirip, bukjany açdy we kynlyk bilen okamaga durdy:
Hormatly Mübärek ogly Abdyl Kadyra: saňa parahatlyk bolsun!Haty ýazýan men-Abdyl Eziz, ejeň dogany. Birnäçe ýyl ozal men seniň nähili ýagdaýlara düşendigiňi eşitdim. Seniň diridigiňe men şatlygymdan iki bolup bilmedim, çünki sen meniň tenimden ten we ganymdan hem gansyň. Meniň ýüregim saňa ýüzlenýär.
Gadyrly Abdyl Kadyr. Kakaň saňa goýup giden mal-mülkünden mahrum eden duşmanlaryňyň arasyndadygyňa sen heniz güman hem etmeýärsiň. Men şeýle gynançly hakykat barada eşidenimde, ene-de saňa degişli bolar ýaly, seniň emlägiňi yzyna satyn almagy karar etdim. Indi, köpýyllyk tagallalar bilen men uly töleg tölänimden soň, seniň ägirt uly emlägiň babatda dokumente eýe boldum. Ol document Kazynyň elinde, onuň adyny we adresini hatyň ýanyna goşandyryn. Ol dokumentde seniň eke goluň kemlik edýär we şonda ähli emläk seniňki bolar. Indi bolsa şu haty al-da Kazynyň ýanyna bar we özüňi tassykla. Ertesi biz duşuşanda bile şatlanarys.
Beýle zady Abdyl öz ömründe hiç haçan eşitmändi. Ol namä ynanjagyny bilenokdy. Ýaş, garyp ýigit galan ömrüni bir döwüm çörek ugrunda gul ýaly geçirmelimi? Ýa hakykatdan hem ol ägirt uly baýlygyň eýesimikä? Şeýle howsala düşenligi üçin ol haty näçe gezek okandygyny hem bilmeýärdi. Ahyr soňy hojaýyn görmez ýaly ol haty daşyň astynda gizledi. Emma ertesi irden ol ähli zady hojaýynyna gürrüň berdi. Hojaýyn güýçli gazaplandy. “Sen nähili samsyk ýigit! Sen, name, dünýäde Abdyl Kadyr eke men diýip pikir edýäňmi? Bu hat seniň üçin däl, başga bir Abdyl Kadyr üçin nietlenen”. Muňa ýaş ýigit, şeýle jogap berdi: “Şeýle bolmagy-da mümkin, ýöne her halda hatda meniň hem adym bar. Men ol ere giderin we ähli zat barada bilerin, soňra name boljagyny göreris!”
Hojaýyn Abdyl Kadyry haty görkezmäge yryp ugrady. Hatda onuň haýbat atmagy hem biderek bolup çykdy. Gün ýaşmazynyň öňüsyrasynda Abdyl Kadyr haty gizlän erine gizlinlikde geldi. Ol ony öwran-öwran okap çykdy. Şol agşam nahardan soň, käbirleri Abdyl Kadyra şeýle diýdiler: “Ýigit, bizi diňle-de, parasatly maslahaty Kabul et. Saňa gelen ol hata ynanma. Kimdir biri seniň üstünden güljek bolyp, seni aldaýar. Bu hat ýalan we ondaky gol hem galp. Biz haty getiräý, biz onuň toslamadygyny subut ederis”. Bu gezegem Abdyl Kadyr olaryň aýdanyny etmedi. Ýaşulylar örän gaharly bolsalar-da, hiç zat edip bilmejekdigini duýdular.
Şeýle hem bolsa, ýaşulylar Abdyl Kadyryň ýüreginde şübhe döretdiler. Aýdaly olar dogrumyşyn. Ertesi ol bazaar gidend adamlardan bu barada soramagy ýüregine düwdi. Köp soraglap, ahyr soňy hatyň iberilen eri barada bilýän adamy tapdy. Ol dam bir ýyl mundane öň ol şäherde bolan eken. Gürrüňini dowam etdirip, ol adam şeýle diýdi: “Ol şäherde Abdyl Eziz atly bir adam ýaşaýar. Şäher adamlary onuň aýratyn häsietli we oňat adamdygy barada gürrüň edýärler. Olaryň aýdyşyna görä, ol örän gurply adam, ýöne soňky bir ýylyň dowamynda güýçli işläp, girdejisini nähilidir bir geň maksat üçin süýşürip, özi garyp ýagdaýda ýaşapdyr”.
Abdyl Eziziň agyr zähmetiniň maksady gürrüň berýäne düşnüksiz ýaly bolup görünsede, Abdyl Kadyr muňa düşünýärdi. Onuň ýüregi umyt we şatlyk bilen güpürdäp, şu wagta çenli bilmedik duýgulary başdan geçirýärdi. Ol Abdyl Eziziň agyr zähmetiniň maksadynyň söýgüdigini bilýärdi. Onuň ozone, Abdyl Kadyra bolan söýgüdi.
Abdyl Kadyr ol şähere gitmäge hyýallanýandygyny ene bir ýola hojaýynyna bildirdi. Hojaýyn türmä basaryn diýip, ene-de haýbat atdy. Ol şeýle hem etid. Emma Hudaý Abdyl bilendi. Ol diwaryň aşagyndan çykalga etmek üçin gije güýçli işledi. Çykalga edip, ol gaçdy. Aýyň ýagtysynda gizlän hatyny tapdy-da, Abdyl Eziziň şäherine ugrady. Adamlardan ugur sorap, birnäçe hepdeläp ýol ýörenden soň, şähere etdi we Kazynyň öýüni tapdy. Eden syýahatynda ol ene-de ençeme gezek haty okady! Hat ony ruhlandyrýardy, umyt berýärdi.
Kazy kakylýan gapysyny açanda gözi düşen ýaş ýigidi uly emlägiň eýesine meňzemeýärdi. Abdyl Kadyr ýola azyk almak üçin özüniň bar bolanja ähli zadyny satypdy. Eşigi ýyrtykdy, aýagy ýalaňaçdy, emma şeýle hem bolsa Kazy Abdyl Kadyryň özüniň tanyş edip, haty görkezmeginden hoşal boldy. Ol: “Sen gowy edipsiň” diýdi. “Abdyl Eziz seni gelmäge mejbur edesi gelmedi. Özüniň beren wadasyna ynanyp, seniň şeýle ýoly söküp gejekdigiňi bilmek isledi. Şondan soň sen öz emlägiňe eýe bolup bilerdiň”. Şol gije ýatanynda Abdyl Kadyr özüni nähili duýýandygyny siz göz öňüne getirip bilersiňizmi? Ýok, ol bularyň düýş däldigine doly ynanmalydy. Ol hakykatdan hem uly baýlygyň, birnäçe jaýlaryň eýesidi. Ol özüniň täze emlägini dogry ulanjakdygyna wada berdi.
Şol günden başlap Abdyl Kadyryň şatlygy barada we özünde bar zatlaryň gözelligine guwanyşy barada aýdyp oturmagyň geregi ýok. Emma ähli zatdan artyk ol Abdyl Eziz bilen duşuşjak gününi arzuw edýärdi. Sebäbi ol özüniň ähli emlägini hut Abdyl Eziziň satyn alayp, sowgat edendigini ýatdan çykaryp bilmeýärdi. Hakykatda ol satyn alyjyny satyn alnan zatlaryndan gymmat hasaplaýardy!
Gadyrly dostum, mende seniň adyňa uzak ýurtdan gelen hat bar. Bu hat-gökden gelen Mukaddes Injil. Ol seniň üçin Hudaýyň gökde taýýarlan mirasy hakda gürrüň berýär. Ol çüýremez mirasdyr, erdäki wagtlaýyn baýlyklara meňzeş däldir, arassadyr, kämildir we ebedidir. Şol ebedi mirasyň hazynalarynyň arasynda-günäleriň geçilmegi, täze ýaşaýyş we Hudaý bilen ýaraşyk bardyr. Özüniň gökdäki mirasyny saňa we ähli adamzada Hudaýyň eýýäm wesýet edendigini, sen bilýäňmi?
Bu hatda şeýle hem Hudaýyň ol mirasy seniň üçin nähili edip taýýarlandygy barada aýdylýar. Onda seniň üçin Hudaýyň Isa Meishih agyr jebirlere iberendigi aýdylýar. Seniň bähbidiň üçin Isa Mesih Göklerdäki Patyşalygynyň şöhratyny hem-de baýlygyny taşlap, Özüni gurban berdi. Ol Öz janyny seniň üçin bermäge ynsan kimin bu dünýä geldi. Onuň ölülerden direlmegi bolsa Onuň mirasynyň hakykatdan saňa degişlidigi baradaky Hudaýyň beren subutnamasydyr.
Emma name üçin Mesih seniň üçin bu zatlary etdi-kä? Sebäbi, bu hatda aýdylyşy ýaly, sen duşman-şeýtanyň elindesiň. Ol seniň mirasyň ogurlamak isledi. Ol seniň bu zatlar barada hiç zat bilmezligiň üçin seni garaňkylykda we gapyllykda saklamak isleýär. Hudaýyň seni söýýänligi sebäpli, seniň mirasyňy halas etmek we seni şeýtanyň zynjyrlaryndan azat etmek üçin Mesih kän zähmet çekdi.
Gadyrly dostum, sen Hudaýyň bu wadasyna ynanýarsyňmy? Ozalky günäli ýaşaýşyňy we şeýtanyň elindäki gulçulygy taşlamaga sen erk edip bilermiň? Sen Hudaýyň berjek bolýan beýik sowgadyny almaga taýynmy? Elbetde, bu zatlar ýalan diýip käbir adamlaryň seni yryp ugrajagy şübhesizdir. Olar seniň ozalky ýaşaýşyň dogrudygyny subut edip ugrarlar. Beýlekiler bolsa bu hat, Injil, seniň üçin däl, başga biri üçin ýazylan diýerler. Ene birileri bu hat hakyky däl, onuň mazmuny galplaşdyrylypdyr, ähli wadalary bolsa-ýalan dierler.
Her niçik-de bolsa, gadyrly dost, bu hat ähli günäkärler bilen birlikde saňa ýollanandyr. Ony açyk ýürek bilen üns berip oka. Haçanda onuň hakykylygyny göreniňde we ebedilik mirasyň gymmatyny bileniňde, seniň ýüregiň hem edil Abdyl Kadyryň ýüregi ýaly özüniň eýe bolan täze zatlaryna guwanar. Sen Isa Mesihiň seniň üçin gazanan günäleriň geçilmegine, rahatlyga hemde täze ýaşýaýşa eýe bolarsyň. Sen hem Onuň bilen duşyşyga sabyrsyz garaşarsyň
Hudaý beýik! Onuň ähli eden işleri üçin Oňa şöhrat bolsun!
“Emma Ol Özüni Kabul edenlere, adyna iman edenlere Hudaýyň ogullary bolma hakyny berdi.” (Ýahýa 1:12)
“Şeýlelikde, sen indi gul däl-de, ogulsyň. Ogul bolsaň onda Isa Mesih arkaly Hudaý seni mirasçy hem edendir.” (Galat. 4:7)

HUDAÝYŇ BILEN DUŞUŞMAGA TAÝYN BOL!

Siziň bu okaýan ýüzlenmäňiz Injildäki tekste esaslanandyr. Hudaý: “Şonuň üçin Men seniň bilen şeýle edýärin, Ysraýyl; seniň bilen näme edýändigimi görä-de, öz Hudaýyň bilen duşuşmaga taýyn bol, Ysraýyl” (Amo 4:12). Bu aýat, Hudaýyň öňündäki ebedi ýörelgäni habar berýär. “Öz Hudaýyň bilen duşuşmaga taýyn bol” - bu, islendik nesile edilýän çakylyk we duýduryşdyr.

Amerikadyky iň uly demir ýol kompaniýasy, demir ýol geçelgelerinde polat parawozlar bilen awtoulagdyr ýük maşynlarynyň arasyndaky döreýän howply çaknyşyklaryň öňüni almak maksady bilen, geçelgelerde duýduryş hökmünde hyzmat etjek iň gowy üç sözi tapan adama 2,500 amerikan dollaryny baýrak berjekdigini yglan etdi. Akylly we bagtly adamlaryň biri, baýragy almak üçin häzirki wagtda geçelgelerde gabat gelýän: “SAKLAN! ÄGÄ BOL! GULAK AS!” diýen sözleri teklip etdi. Bu sözleriň her biri 833 dollara barabardy. Eger şol sözler berjaý edilmese, geçelgäni kesip geçýän üçin olar düýbünden peýdasyz boljakdy. Eger adamlar saklanmak islemese, “SAKLAN!” sözüniň peýdasy näme? Eger hiç kim ägä bolmak islemese, “ÄGÄ BOL!” sözünden nähili peýda bolar? Eger biz gulak asmak islemesek, “GULAK AS!” sözi nähili duýduryşy aňladar? Eger siz gulak asmasaňyz we taýynlanmasaňyz, ebedilik taýynlyk baradaky çakylyklary, edil ýaňky mysallar ýaly ýene köp gezek eşidip bilersiňiz.

1. Ýönekeý sözlere üns beriň. Mysal getirilen tekstiň her biz sözünde adatdan daşary ýönekeýlik bardyr. Injilde: “Öz Hudaýyň bilen duşuşmaga taýyn bol” – diýlipdir. Taýynlanmak – bu, taýyn bolmagy aňladýar: ölüme taýyn bolmak, Höküme taýyn bolmak, Rebbiň gelmegine taýyn bolmak. Mukaddes Ýazgy adamlaryň bu dünýä gelip dogulaly bäri, Hudaý bilen duşuşyga taýyn däldigine şaýatlyk edýär. Hudaý, islendik adamyň kanunsyzlykda dogulandygyny aýdýar. Beýle diýildigi, biziň Hudaý bilen bu dünýäde duşuşmagymyz üçin, günälerimiziň bizden aýrylmalydygyny aňladýar. Injil hem Isa Mesihiň ganyndan başga hiç zadyň günäni ýuwup bilmejekdigini anyk yglan edýär. Resul Ýahýa öz hatynda: “… Onuň Ogly Isanyň gany bizi hemme günälerden tämizleýändir” – diýýär (1Ýah. 1:7). “Taýyn bol” sözi – örän ýönekeý sözdür, onda hiç hili zat gizlenen däldir. Bu tekstiň sözleri matematikanyň meselesi-de däldir. Islendik adam olaryň näme aňladýandygyny bilýändir. “Öz Hudaýyň bilen duşuşmaga taýyn bol” – jümlesi, Hudaý bilen duşuşmaga taýyn bolmagy aňladýar. Bu, edil smolanyň (gara sakgyz – şepbeşigiň) garyň ýüzündäki zolagy ýaly aýdyňdyr. Köp adamlar, nähili-de bolsa bu ýönekeý sözleri nädogry kabul edýärler. Birleri öýlenmäge taýynlanýar, başga birleri dynç alyşa gitmäge taýynlanýar. Köp adamlar çagalaryny mekdebe taýynlaýar. Köpler, pensiýa üçin goýlan pullary garran çaglary ulanmak üçin, garrylyga taýynlanýar. Ýöne olar, diňe özleriniň durmuşynda wajyp zat bolan, ebedilikde Hudaý bilen duşuşmaga taýynlanmaýarlar. Dost, Injiliň bu ýönekeý sözlerine gulak goý, – öz Hudaýyň bilen duşuşmaga taýyn bol.

2. Hudaý bilen boljak duşuşyk gutulgysyzdyr. Bir zat şübhesizidir. Ol hem, ähli adamyň Hudaý bilen duşuşmagydyr. Isle baý bolsun isle-de garyp, isle garry bolsun isle-de ýaş, isle bilimli bolsun isle-de bilimsiz – hemmeler Hudaý bilen duşuşarlar. Siz, bu dünýäde, bu durmuşyňyzda, şertlenen ähli duşuşyklaryňyzy üýtgedip bilersiňiz. Emma, ýekeje duşuşyk – hemişe öz güýjünde galýandyr. Size, özüňizi ýaradan Hudaý bilen ýüzbe-ýüz duşuşmak garaşýandyr. Mukaddes Ýazgy: “Her kişi özi üçin Hudaýa jogap berer” – diýýär (Rim.14:12).

Belki, bu, duýdansyz ölüm bolup biler. Sizi hem, öňünden duýdurmazdan Hudaýyň ýanyna alyp giderler. Bir garry şotland wagyzçysy bir gezek öz obadaşynyň dükanyna gidipdir. “Wagyzçy, gapyny kakman, bir söz aýtman dükana girende, men bir iş bilen gümra bolup ýördüm” – diýip, soň şol dükanyň eýesi gürrüň berýär. Wagyzçy: “Siz maňa garaşýaňyzmy?” – diýýär. “Ýok, jenap, garaşmandym.” – diýip, dükanyň eýesi jogap beýär. Wagyzçy biraz dymyp duransoň, ýüzüni gamaşdyryp: “Eger bu ölüm bolsa näme?” – diýýär-de, gelişi ýaly basym çykyp gidýär. Dükanyň eýesi, soň bu ýagdaý barada gürrüň berip, wagyzçynyň aýdanlarynyň özüni oýlanmaga mejbur edendigini ýatlaýar. Netije-de, dükanyň eýesi Reb Isa iman etdi. Mesihi üçin Hudaý bilen duşuşmak örän ajaýyp başdan geçirme bolar. Resul Pawlus öz ömrüniň soňunda: “Çünki men eýýäm Hudaýa hödürlenen şerap kimin dökülip durun, meniň bu dünýäden ötmeli wagtym geldi” – diýýär (2Tim. 4:6). Ol bu sözleri aýdanyndan soň, basym ölüm hem gelip ýetdi. Hatda, imanly üçin Hudaý bilen duşuşmak – gorkuly synagdyr. Injil şeýle diýýär: “Diri Hudaýyň eline düşmek elhençdir” (Ýew.10:31). “Reb sabyrlydyr we rehimdardyr, Ol kanunsyzlygy we jenaýaty bagyşlaýandyr” (San.14:18). Emma Ol günäkäri-de jezasyz goýmaýar. Eger siz Hudaýyň söýgüsini äsgermeseňiz, Onuň berýän gutulyşyny ret etseňiz, Onuň duýduryşlaryna üns bermeseňiz, onda Onuň öňünde durjak günüňiz, siziň üçin elhenç gün bolar.

3. Soňa goýmak bolgusyzlykdyr Biziň her birimiz Hudaýyň garşysyna köp günä etdik. Hudaýyň adalatlylygy günälerimiz üçin jeza berilmegini talap edýär. Hudaýyň bize bolan söýgüsi bolsa, adalatlyk talabyna jogap berýär. Bu jogap hem – Hudaýyň Ýeke-täk Oglunyň ölümi bilen düşündirilýändir. Işaýa pygamber: “Hudaý Oňa biziň hemmämiziň günälerimizi ýükledi” – diýýär (Iş.53:6). Mesihiň ölmüniň biziň günälerimize hakykatdan hem töleg bolmagy üçin, bize Ony öz ýüregimize kabul etmek zerurdyr. Emma, köp adamlar muny soňa goýmaga ýykgyn edipdirler. Soňa goýmak – bu, “yza süýşürmekdir”. Injil Resul Pawlusyň (Iudeýiň rim hökümdary) Felikse Hudaýyň halas ediş ýoly barada wagyz edendigini beýan edýär. Şonda Feliks gorkup: “Häzirlikçe git, pursat tapan mahalym seni çagyrdaryn” – diýýär (Res.işl. 24:25). Biziň islendik birimiz agşama çenli ýaşamazlygymyz mümkin – bu, tassyklama-da degişme däldir! Biz ölümiň haçan geljekdigini bilmeýäris, emma Hudaý bizi çagyran wagty – biz barmaly bolarys. Käbir adamlar sagadyň 11 bolmagyna garaşýarlar, şondan soň olar öz ýüregini Hudaýa bermek isleýärler. Emma, sagadyň 11 bolmagyna garaşanlaryň köpüsi 10.30-da öldüler. Şunlukda, olar muny hiç wagt etmediler. Soňa goýmak – hemişe howpludyr! Durmuşyň sagady diňe bir gezek tow alýandyr Has giç ýa-da ýene irki wagtda – Olara täzeden şol bolmak berilende Hiç kimiň hem bir zat aýtmaga erki ýokdur

4. Mesihi inkär etmek – akylsyzlykdyr. Gutulyş – bu sylagdyr. Ony gazanyp bolmaz. Injil: “Sebäbi günäniň muzdy ölüm, Hudaýyň sylagy bolsa, Rebbimiz Mesih Isada ebedi ýaşaýyşdyr” – diýýär (Rim.6:23). Bu ýerde, günä, edilen iş üçin hak (muzdy) tölenýän hojaýyn bilen deňeşdirilýär. Eger, “günäniň muzdy ölüm” bolýan bolsa, onda aýatyň ikinji böleginde şeýle diýilmeli ýaly: “Dogrulyk üçin sylag – ýaşaýyşdyr”. Emma, aýatda sadaja seýle diýilýär: “Hudaýyň sylagy bolsa, Rebbimiz Mesih Isada ebedi ýaşaýyşdyr” . Ebedi ýaşaýyş – bu, sylagdyr. Hudaý gutulyşy satmaga büs-bütin garşy bolýar. Emma, Injiliň soňky sahypasynda, siz jemleýiji çakylygy taparsyňyz: “Ruh we gelin: “Gel!” diýýär. Her eşiden “Gel!” diýsin. Suwsan gelsin. Dilän gelip, ýaşaýyş suwuny mugt alsyn” (Ylh.22:17). Gutulyş – Hudaýyň sylagydyr. Köpler, özleriniň eden oňat işleri arkaly, öz dininiň işine we däplerine işjeň gatnaşýanlygy arkaly, Hudaý bilen boljak duşuşyga taýynlanýarlar. Emma Injil, Hudaýyň bizi “dogrulyk bilen bitiren işlerimiz üçin däl-de, Öz rehimdarlygy bilen gutarýandygyny” – aýdýar (Tit.3:5). Hiç kim: “Men muny etdim, beýleki zatlary etdim, indi maňa Hudaý gutulyş bermelidir” – diýip, aýdyp bilmez. Mesihiniň durmuşyndaky oňat işler adatdan daşary wajyp zatlardyr, emma olar, günälerimiz üçin töleg bolup hyzmat edip bilmez. Biz, bu dünýä gelip, Öz Ganyny haçda döken we biziň ählimiziň günälerimizi Öz üstüne alan Isa Mesihe eden imanymyz arkaly halas bolup bileris. Reb, Özüniň haçdaky gahrymanlygyny berjaý edip, bize, günälerimiz üçin rehimdarlyk gazanyp berdi. Ine, Hudaýyň rehimdarlygynyň netijesi-de – bize berlen gutulyş sylagydyr.

Elbetde siz, sylag kabul edilmese, sylag bolmajakdygyna, rehimdarlyk inkär edilse, rehimdarlyk bolmajakdygyna göz ýetirýänsiňiz. Amerikanyň taryhynda adaty bolmadyk sud işine garamagyň biri, Jorj Wilsonyň ady bilen baglanyşyklydyr. Şol döwürde, Endrýu Jekson Birleşen Ştatlaryň prezidentidi. Wilsona jeza birilmegine üç hepde galanda, Endrýu Jekson, Jorj Wilsonyň köp dostlarynyň towakgasyny nazarda tutup, onuň günäsiniň geçilmegi üçin perman çykardy. Ýöne, hemmeleri geň galdyran zat, Wilsonyň öz günäsiniň geçilmegini inkär etmegidi. Hatda, ol suduň kararyna görä jeza berilmegini-de talap etdi. Şonda, Jorj Wilson, günä geçiş kabul edilmese – günä geçiş däldigini yglan etdi. Taryhda öň hem, söň hem döremedik hukuk ýagdaýy ýüze çykdy duryberdi. Sebäbi, hemişe günä geçiş barada perman çykarylanda, ony şatlyk bilen kabul edýärdiler. Suduň Wılsona jeza bermek baradaky karary ýerine ýetrilmelimi ýa-da günä geçmek baradaky prezidentiň permany berjaý edilmelimi? Kanun, bu sorga jogap berip bilmänsoň, Jekson gutarnykly karar kabul edilmegi üçin Ýokary Sud geňeşligini çagyrdy. Gutarnykly Karar şeýleräk yglan edilipdi: “Günä geçiş – berilýän adamyň kabul edip-etmeýändigine garamazdan, hakyky resminamadyr. Ölüm jezasy berileniň günä geçişi kabul etmejekdigini göz öňüne getirmek kyndyr: emma, günä geçiş inkär edilýän bolsa – günä geçiş ýokdur. Jorj Wilsona ölüm jezasy berilmelidir”. Şunluk bilen, Jorj Wilsony dardan asdylar. Elbetde, köp adamlar, Wilson tarapyndan günä geçilşiň kabul edilmezligini akylsyzlyk hasaplarlar. Ýöne şonda-da, köp adamlar Hudaýyň ýollan günä geçişinden her gün diýen ýaly boýun gaçyrýarlar. Eger siz, bu gün halas edilmedik bolsaňyz, siz – günäniň hökmüniň astyndaky we tüm garaňky dowzahdaky ebedi ejire höküm edilen günäkärsiňiz. Emma Hudaý, bu gün size, ýene günäňiziň geçilýändigini teklip edýär. Ol size ölmegiň zerur däldigini, siziň üçin Isanyň ölendigini aýdýar. Akyl taýdan sagdyn kimdir-biriniň Hudaýyň söýgüsine ýugrulan, Isanyň haçda gazanan günä geçişini inkär edýändigini göz öňüne getirmek kyndyr. Eger siz, ondan boýun gaçyrýan bolsaňyz – onda günä geçiş ýokdur. Beýle bolýan bolsa, günäden gazanylýan netijeleri, özüňiz, öz başyňyzdan geçirmeli bolarsyňyz.

Hudaý Öz Sözünde şeýle çagyryşlary edýär: “Reb Isa iman et” – (Res.işl. 16:31). “Toba ediň, günäleriňiziň ötülmegi üçin ähliňiz Isa Mesihiň adyna çokundyrylyň. Ine, şeýdip, siz Mukaddes Ruhuň sylagyny alarsyňyz” (Res.işl. 2:38). Muny, şu gün berjaý ediň!

PESAH (PASHA) BAÝRAMY
Bütin Mesihilik (hristian) dünýäsinde Pesah (Pasha) baýramy giňden, aýratyn bellenip geçilýär. Bu sebäpli biz hem Isa Mesihiň yzyna eýerýan ildeşlerimizi bu baýramçylyk bilen gutlaýarys! Size Rebbimiziň ähli bereketlerini arzuw edýäris. Şeýle hem gysgaça bolsa-da bu Pesah baýramçylygynyň taryhy we manysy hakynda ildeşlerimiz bilen paýlaşmak isledim.
Ehudylar üçin bu baýram Ysraýyl halkynyň gulçulykdan azat bolma baýramçylygy. Isa Mesihiň yzyna eýerijiler üçin bu Isa Mesih arkaly günälerden gutulyş we Isanyň ölümden direlmeginiň ýatlanma baýramydyr. Isa Mesihiň ölümden direlmegi bu geljege bolan umydy we baky ýaşaýşa bolan ynamy tassyklaýar. Ýöne hemmeler bu baýramyň gelip çykyş taryhyny we manysyny bilmeýärler. Mukaddes Ýazgylarda bellenmeli diýip görkezilen her bir baýramçylygyň manysy we simwoliki suratlandyrýan bir hakykaty bar. Geliň şu wagt Pesah baýramynyň gelip çykyş taryhy barada gürrüň edip geçeliň. Pesah (Pasha) dien sözüň manysy “sowulup geçme” diýmegi aňladýar. Müňlerçe ýyllar mundan öň Hudaýyň halky diýip at alan Ysraýyl halky Müsürde gulçulyk çekipdi, ýöne Hudaý olaryň ata babalary Ybraýyma, Yshaga we Ýakuba wada edişi ýaly olary Müsüriň gulçulygyndan azat etmek üçin we olara yurt bermek üçin Musa atly pygamberi olara ýollapdyr. Musa arkaly Hudaý Müsür patyşasyna gudratlar we alamatlar görkezipdir. Müsür patyşasy Bar bolan Biribara imansyz bolupdyr we Musanyň berýän duýdyryşlaryny kabul etmändir, Hudaý näçe gudrat görkezsede ýüregini gataldypdyr. Hudaý on sany belany Müsür patyşasynyň we halkynyň başyna inderipdir. Şolaryň onunjysy bilen Pesah ýagny “ sowulyp geçme” baýramçylygy dolylygyna esaslanandyr. Şol onunjy bela-da Hudaý Musa şeýle diýipdi, “her bir adam öz maşgalasy üçin bir arassa, çirksiz we sagdyn guzyny alsyn we ony soýup öldürsin. Ganyny alyp şol guzynyň eti iýiljek jaýyň daşky gapylarynyň gapdal we üstki söýelerine şol gany çalsyn. Bu — Rebbiň Pesahydyr. 12Şol gije Men Müsüriň içine aýlanyp, müsürlileriň ähli nowbahar ogullaryny, adamlaryndan tä mallaryna çenli ilkinji doglan erkeklerini öldürerin. Men Müsüriň ähli hudaýlarynyň üstünden höküm çykararyn. Men Rebdirin. 13Bolýan öýleriňiziň gapysyna çalnan gan siziň üçin nyşan bolar. Men ol gany görenimde, siziň üstüňizden aýlanyp geçerin. Men Müsüri jezalandyranymda, hiç hili betbagtlyk sizi weýran etmez.
14Bu gün siz üçin ýatlama güni bolar. Siz muny Maňa bagyşlap, baýram edip bellärsiňiz. Soň siz bu baýramy nesilme-nesil ebedilik düzgün edip saklarsyňyz.” Hudaý aýdyşy ýaly hem guzynyň gany çalynan her bir öýden “sowulyp geçýär” ýagny ölüm belasy “sowulyp geçýär”. Şol beladan soň Müsür patyşasy Ysraýyl halkyny gulçulykdan azat edýär. Ysraýyl halky soňra Hudaýyň wada eden ýurdyna barýar we ol ýurda eýe bolýarlar. Bu ajaýyp taryh we biziň üçin hem iň wajyp taryh bolup durýar. Munda ruhy many we Hudaýyň bütin adamzat üçin döreden gutulyş ýolunyň nyşany bar. Injilde Isa Alehsalama “Bütin dünýäniň jezasyny öz üstüne aljak Hudaýyň güzusydyr” diýilýär. Ondan başgada Isa Mesih biziň hakyky “Pesahymyzdyr” hem diýip Injil aýdýar. Ysraýyl halkynyň ilkinji dogulan çagalarynyň halas bolmagy üçin guzynyň gany gerekdi. Şol gapylarynyň daşyna çalynan guzynyň gany arkaly olar ölümden halas boldular. Muňa meňzeşlikde Isa Mesih hem adamzat günäsiniň jezasyny çekmek üçin guzy kimin öldürildi we ganyny haçda dökdi. Ölüp jaýlandy we üçünji güni direldi. Hudaý Ysraýyl halkyny gan arkaly gulçulykdan halas edişi ýaly bu günki gün hem her bir ynsanyň günä üçin çekmeli jezasyny Isa Mesihiň gurbanlygy arkaly bagyşlamak isleýär. Isanyň direlmeginiň hakykaty arkaly bolsa diri baky ýaşaýyş üçin ajaýyp umyt berýär. Ysraýyl taryhyndan görşimiz ýaly, olaryň halas bolmagy üçin olaryň erine etirmeli zady bardy. Birinjiden olar Hudaýyň Musa arkaly aýdýan sözlerini kabul edip ynanmalydylar we munuň netijesinde hem şol guzyny öldürip, ganyny bolsa gapylarynyň daşky söýelerine çalmalydylar. Muny berjaý edenler bolsa halas boldylar. Şeýle günälerden gutulyşy hem Hudaý muňa meňzeş ýol bilen amala aşyrdy we aşyrýar. Ol gutulyşda guzynyň gany esasy bolşy ýaly Isa Mesihiň gany hem gutulyş üçin esasydyr. Şol döwürde ýaşaýan jaýlarynyň gapysyna guzynyň ganyny çalmaly boldular, bu gunki gün hem her bir kişi Injiliň Isa Mesih hakyndaky Hoş Habaryna ynanyp, Isanyň döken ganyny iman bilen kabul etse günäleri bagyşlanyp Hudaýyň wada eden jennedine girmäge mümkinçilik alar. Şonda bu baýramçylyk Isa Mesihi Halasgär we Reb hökmünde kabul eden her bir adam üçin hem hakyky manysyna eýe bolar we hakyky baýramçylyk bolar. Isa direldi, Ol hakykatdan hem direldi!
Bu hakynda radio gepleşigimizi hem diňläp bilersiňiz:

Bu bölümde biz size “Hudaýyň Ýoly” diýilip at berilen radio gepleşiklerimizi hödürleýaris. Ony biziň ildeşimiz taýýarlap size hödürleýär. Olar arkaly gunäler üçin toba etmeklige, gunälerden gutulyşa we munuň netijesinde Biribar Ýaradyjy bilen baky parahatçylyga eýe bolarsyňyz diýip umyt edýäris! Diňlap ruhyňyz rowaçlansyn!

Hudaýyň Ýoly01 Download ediň

“Догрулык Ёлы”7 (Download edip bilersiňiz)

Günä Nädip Dünýä Girdi

Başlangyç 3

Salam gadyrly diňleýjiler! Biz sizi Özüniň döreden dogrulyk ýoluna düşünmegiňizi we ol ýola boýun bolup Özi bilen baky parahatçylykda bolmagyňyzy isleýän Parahatçylyk Hudaýyňynyň adyndan bu günki Dogrulyk Ýoly atly radio eşitdirmämize hoş geldiňiz diýýäris!

Geçen iki radio gepleşigimizde Hudaýyň ilkinji iki adamy döredendigini öwrenipdik. Mukaddes Ýazgy şeýle diýýär, “27 Şeýdip, Hudaý Öz keşbinde ynsany ýaratdy,

Hawa, Hudaý olary Öz keşbinde ýaratdy,

Olary erkek we aýal edip ýaratdy. (Gelip Çykyş 1:27)

Erkegiň we aýalyň janynda, Hudaýy tanap bilmekleri üçin olara ruh berdi, Ony söýüp bilmekleri üçin oalra ýürek kalb berdi. Hudaý olara mundan başga olaryň Oňa boýun bolmagy ýada bolmazlygy saýlap bilmekleri üçin azat erkin erk berdi. Hudaý olary erde ýasalan ajaýyp bir er bolan Jennet bagynda, ýagny Erem diýilip at berilen bagda erleşdirdi. Hudaý ilkinji ynsan bolan Adam ata we ilkinji aýal bolan How enä olaryň parahatçylykda we bol elinlikde ýaşamaklary üçin ähli zady berdi. Hudaý adamlaryň ony tanamagyny, söýmegini we Oňa baky sejde etmegini isledi. Şeýlelikde, Hudaýyň Özüniň kämil maslahatyna laýyklykda, Özüniň ýaradan adamynyň öňünde bir ýönekeý synag goýandygyny görýäris. Erem bagynyň ortarasynda Hudaý ýagşylygy we ýamanlygy bilme agajyny erleşdirdi we adama şeýle diýip buýruk berdi, ” 16…: «Sen bagdaky islän agaçlaryň miwesinden arkaýyn iýip bilersiň. 17Ýöne sen ýagşy-ýamany saýgaryş daragtynyň miwesinden iýmegin, çünki şondan iýen günüň sen hökman ölersiň».

(Gelip Çykyş 2:16,17) Näme üçin Hudaý Adam atany şeýle ýol bilen synady? Hudaý Adam atanyň ýüreginiň ýagdaýyny görkezmek isledi. Hudaý Adam atany günä etdirmek üçin synaman, munuň deregine ony bereketlemek we güýçlendirmek üçin etdi. Hudaýyň ýaradan ynsany hiç bir kemsizdi we günäsizdi, emma bu diýildigi onda kämil söýgi ýada kämil etişenlik hasiet bardy diýmegi aňlatmaýar. Hudaý Adam atanyň öňünde barlag goýup, onuň söýgüsini barlady. Eger Adam ata synagda berk duran bolsa we Hudaýa boýun bolan bolsa, ol Hudaýa bolan söýgüsiniň çyn ýüregindendigini subut ederdi. Eger Adam ata synagda duran bolsa we günäni ret eden bolsa, onda synag ony güýçlendirerdi. Sebabi Ýazgy şeýle diýýär, ”synag wagtyndaky çydamlylyk häsieti emeler getirýär. (Rim. 5:4)

Bu gün bolsa, Başlangyç kitabynyň üçünji babyna gelip etdik. Bu bap bize günäniň nädip dünýä girendigini görkezýär. Eger biz bu babyň öwredýänlerini bilsek, onda näme üçin ynsanyň ýüreginiň şeýle erbetdiginiň we näme üçin bu günki gün dünýäniň jebir jepalardan dolydygynyň sebäbini bileris.

Adam ata bilen How enäniň ozal başda Jennet Bagynda dolyp daşyp bagtly ýaşandygyny we sapaly ýaşamak üçin ähli gerek zatlarynyň bolandygyny siziň bilen öwrendik. Iň gowy zat hem, Reb Hudaý her gün baga olaryň ýanyna salkyn agşamda gelýändigidi. Şeýdip Hudaý Adam ata we How ene bilen gürleşmäge gelerdi. Olar bilen manyly we ajaýyp gatnaşykda bolmak üçin Hudaý olaryň ýanyna barardy.

Ýöne, bagda olardan başgada biriniň bolandygyny aýdýar. Onyň kimdigini bilýärmisiň? Ol Hudaýyň duşmany, iblis bolan Şeýtandy. Hudaý dünýäni we ondaky zatlary ýaradanda, Şeýtan görýärdi. Hudaý Adam ata ýagşylygy we ýamanlygy bilme agajyndan iýmezligi buýruk berende, Şeýtan diňläp otyrdy. Emma ol ýöne görüp we diňläp oturmak bilen çäklenmedi-de,  Hudaýyň ajaýyp işini bozmak üçin plan düzdi. Şeýtan, Hudaýyň ýaradan adamynyň Oňa boýun egmän, günä edip, Ondan aýralyga düşip ýok bolmagyny isläp Hudaýyň ýaradan adamyny azdyrmak üçin synaga salmagy oýlap tapdy. Şeýtanyň näme oýlaýandygyny Hudaý bilýärdi, emma Adam ata we How ene mundan habarsyzdy.

Bir gün, Adam ata we How ene gadagan edilen agajyň golaýynda wagtynda, Şeýtan ýylan keşbinde geldi we olar bilen gürleşip başlady. Şeýlelikde, Ýazgy şeýle diýýär: ”1Ýylan Reb Hudaýyň ýaradan haýwanlarynyň hemmesinden mekirdi. Ýylan aýaldan: «Dogrudanam, Hudaý size bagdaky agaçlaryň hiç birinden iýmäň diýdimi?» diýip sorady.” (Gelip Çykyş 3:1)

Geliň şu erde gysgaça sakynyp geçeliň. Näme üçin Şeýtan ýylan ýaly bolup olaryň ýanyna geldi? Mukaddes Ýazgy muňa şeýle diýip jogap berýär: ”1Ýylan Reb Hudaýyň ýaradan haýwanlarynyň hemmesinden mekirdi.” Şeýtan azdyryjydyr we şonuň üçin hem ol iň akylly biri ýaly bolup göründi. Şeýtan Adam ata we How enäniň ýanyna uly bir gyzyl ajdarjhanyň keşbinde gelip, ”Size parahatlyk. Men iblis, Hudaýyň duşmany. Men bu gün siziň ýanyňyza ýaşaýyş Rebbi Hudaýdan ýüz öwürtmegä we onuň netijesinde siziň baky ýok bolmagyňyzy isläp geldim.” Şeýtan beýle hereket etmeýär! Onda ol olara nähili ýagdaýda göründi? Ol olara owadan we akylly bir jandar hökmünde göründi. Ol olar bilen ýylanyň üsti bilen gürleşmek isledi, çünki şol wagtlar, heniz günä dünýä girmänkä, ýylan haýwanlaryň içinde iň mekiridi.

Şeýtan hali henizem şeýledir. Ol mekir. Ol hemişe hemişede, özüniň hödüleýän zatlaryny gowy zat hökmünde görkezýär. Mukaddes Ýazgy şeýle diýýär, “Şeýtanyň özi-de nur perişdesiniň keşbine girýär.” (2Kor.11:14) Hudaý Öz sözünde bizi yzygiderli şeýle diýip habardar edýär, “Ýalan pygamberlerden ägä boluň; olar siziň ýanyňyza goýun derisine girip gelerler, emma içi ýyrtyjy möjekdirler.” (Matta 7:15) Şeýtan ýalançydyr. Şonuň üçin ol Adam ata we How enä akylly mekir ýylanyň keşbinde göründi. Ine şonuň üçin hem ol Adam ata bilen gürleşmän How ene bilen gürleşmegi makul bildi. How enäni azdyrmak Adam atany azdyrmakdan eňil hasaplap ol şeýle etdi. Çünki, Hudaýyň Adam ata agaç hakyndaky buýrugy How enäni ýaratmanka berendigini Şeýtan bilýärdi. Ýöne elbetde How ene hem Hudaýyň buýrugyny bilýärdi. Iblis gaty bilimlidir we name gazanmak isleýändigini bilýändir. Eger How enäni şol gadagan edilen agajyň miwesinden iýdirsem, Adam atada aýalynyň yzynan Hudaýa boýun bolmazlykda eýerer diýip Şeýtan maslahat etdi. Şeýlelikde, Ýazgy şeýle diýýär: “Ýylan aýaldan: «Dogrudanam, Hudaý size bagdaky agaçlaryň hiç birinden iýmäň diýdimi?» diýip sorady.” (Gelip Çykyş 3:1) Şeýtanyň How enä name diýendigini eşitdiňizmi? Ol şeýle diýdi, “Dogrudanam, Hudaý size bagdaky agaçlaryň hiç birinden iýmäň diýdimi?” Şeýtanyň name etmek isleýändigini gördüňizmi? Ol How enäniň aňynda Hudaýyň aýdan SÖzüne bolan şübhe döretmäge synanyşdy. Şonuň üçin ol, “…Hudaý…diýdimi?” Hudaý dogrudanam diýdimi?” diýip soraýar. Şeýtan heniz hem şeýle hereket edýär. Ol Hakykat Sözüne garşydyr, sebäbi Hudaýyň Sözi onyyň ýalan işini paş edýändir. nuryň garaňkylygy aradan aýyrýandygy ýaly, Şeýtan hakykatyň ýalany hem kowjakdygyny bilýändir.

Geliň häzir bolsa, Şeýtan bilen aýalyň arasynda bolup geçen gürrüňiň yzyny diňläliň:

“. 2Aýal ýylana şeýle jogap berdi: «Bagdaky agaçlaryň miwelerinden iýmäge biziň ygtyýarymyz bar. 3Ýöne Hudaý: “Siz bagyň ortasyndaky agajyň miwesinden iýmelem dälsiňiz, oňa degmelem dälsiňiz, ýogsam ölersiňiz” diýdi». 4Ýylan aýala şeýle diýdi: «Ýok, ýok! Ölmersiňiz. 5Şol agajyň miwesinden dadan günüňiz, Hudaý siziň gözüňiziň açyljakdygyny we edil Hudaý kimin boljakdygyňyzy hem-de ýagşy-ýamany saýgarjakdygyňyzy bilýär».” (Gelip Çykyş 3:2-5)

Bu gaty haýran galdyryjy! Adam ata we How ene Hudaýyň gadagan eden agajyndan iýselere Hudaýyň aýdan zatlary olar bilen bolup geçermi? Hudaý olara, “Siz ölersiňiz!”, diýdi. Şeýtan olara näme diýdi? Ol olara: “Siz ölmersiňiz!”, diýdi. Şeýlelikde, Şeýtan Hudaýyň Sözüni şübhe salmak bilen çäklenmän, göni Hudaýyň Sözüni garşy durdy we ony ret etdi! Bu hakynda näme pikir edýärsiň? Kim hakykaty aýdýardy, Şeýtanmy ýada Hudaý? Mukaddes Ýazgylar Hudaýyň Hakykatdygyny we hiç haçan ýalan sözlemeýändigini aýdýar. Şeýtanda bolsa hiç hili hakykat ýokdyr, sebabi “onda hakykat ýok. Ol ýalan sözlän mahaly öz-özünden sözleýär, çünki ol ýalançy, ýalanyň atasy.” (Ýahýa 8:44) Ýöne, Şeýtanyň diňe bir ýalançy bolman, onu aldawçydygyny hem ýatdan çykarmaly däldiris. Ol mekirdir; ol ýalan bolan zady hakykat bilen garyşdyrýandyr. Muny biz hatda Şeýtanyň How ene aýdan sözlerinde hem görýäris, “5Şol agajyň miwesinden dadan günüňiz, Hudaý siziň gözüňiziň açyljakdygyny we edil Hudaý kimin boljakdygyňyzy hem-de ýagşy-ýamany saýgarjakdygyňyzy bilýär». Haçanda Şeýtan, “Hudaý kimin bolarsyňyz!” dieni bu ýalandy, çünki günä eden biri Hudaý ýaly bolman, Şeýtan ýalydyr. Ýöne, haçanda Şeýtan, “Siz ýagşylygy we ýamanlygy bilersiňiz” diende ol hakykaty aýdýardy, çünki Adam ata we How ene günä edenlerinde ýamanlygyň nämedigini bildiler. Ýöne Şeýtan olara şeýle bilimiň olaryň durmuşyna getirjek erbetliklerini welin olara aýtmady. Hudaý olara, “Ol agajyň miwesinden iýen günüňiz siz hökman ölersiňiz!”, diýdi. Emma Şeýtan, “Eger siz ol agajyň miwesinden iýseňiz siz ölmersiňiz!”, diýdi. Şeýtan ýalançy. Şonuň üçin Hudaý “Siz ölersiňiz!” diende Şeýtan, “Siz ölmersiňiz!” diýip Hudaýyň aýdan hakykykatyny ret etdi.

Ol wagt bolsa Adam ata we How ene üçin Hudaýyň Sözüni ýada Şeýtanyň sözüni saýlamaklyk mümkinçiligi boldy. Olaryň saýlawy şeýledi: Olar Hudaýyň Sözüne ynanarlarmy ýada Şeýtanyň sözüne? Olar hakykaty ýada ýalany saýlarlar? Olar Nur Rebbini ýada garaňkylygyň Rebbiniň yzyna eýererler?

Geliň olaryň nähili saýlaw edengini bilmek üçin Ýazgydan okalyň. Ýazgy şeýle diýýär: “6Aýal bu agajyň miwesiniň iýmit üçin gowudygyny, göze ýakymlydygyny we onuň akyl-paýhas berýändigini görüp, ondan alyp iýdi. Adamsyna-da berdi, ol hem iýdi.” (Gelip Çykyş 3:6)

Haýran galdyryjy! Hudaýy tanap bilmekleri, Ony söýüp we Oňa baky boýun bolmaklary üçin Hudaý adamzady Öz keşbinde ýaratdy. Emma adam näme etdi? Ol Hudaýyň yzyndan doly eýermegi üçin Ony doly söýdimi? Ýok! Ol söýgi Hudaýyna boýun bolmazlygy saýlady we Hudaýyň we adamzadyň duşmany bolan Şeýtanyň yzyndan eýermegi saýlady! Bu nähili gynançly gün boldy! Biziň ata-babalarymyz, Adam ata we How ene, Hudaýyň gadagan eden agajynyň miwesinden iýip Reb Hudaýdan ýüz dönderdiler. ”Ýokanç kesel diňe bir emele gelen erinde durmak bilen çäklenmeýşi” ýaly, muňa meňzeşlikde Hudaýyň Sözi hem şeýle diýýär: ”Şeýlelikde bir adam arkaly günäniň we günä arkaly ölümiň dünýä girişi ýaly, ölüm hem ähli adamlara geçdi, çünki hemmesi günä etdi!” (Rimliler 5:12) Biz muny gowy görsekde görmesekde, bu şeýledir!

”Ogul atasyna meňzeýändir”. Sen we men we ähli adamlar hem Adam ata meňzeýändirler. Biz dogabitdi günälilerdiris we ölmelidiris, çünki biz Adam atadan gelip çykandyrys. Hudaýyň buýrugyan boýun bolmadyk ilkinji adam biziň nesilbaşymyzdyr we biz edil ol ýalydyrys. Biziň aramyzda haýsy birimiz, men Hudaýyň buýruklarynyň hiç birini hem bozmadym, diýip bileris? Hiç birimiz hem! Onda Hudaýyň buýruklaryna boýun bolmazlyk tebigatymyzy biz nireden miras aldyk? Adam atadan. Gaty erbet ýokanç kesel ýaly, Adam atada bolan günä biziň hemmämize ýaýrady.  Hakykatdan hem, “epidemia emele gelen erinde durmaýar”

Ýöne, ähli umyt ýitirilen däldir, çünki Hudaýyň Sözi şeýle diýip yglan edýär: “Bir tagsyr arkaly bütin adamlara iş kesilişi ýaly, bir dogrulyk arkaly-da bütin ynsanlara ýaşaýyş üçin aklanma geldi. (Rim.5:18)

Biziň bu hakynda bu gün çüňňur öwrenmäge wagtymyz ýokdyr, emma günälileriň Hudaýa baryp bilmekleri üçin Onuň döreden dogrulyk ýoly hakynda indiki gepleşiklerimizde öwreneris.

Dostlar, ine bu siziň Dogrulyk Ýoly atly gepleşigiňizdir. Indiki gezek, Adam ata we How ene dogrulyk ýolundan gidip we nädogrulyk ýoluna eýerenlerinden soňra olara nameleriň bolandygyny öwrenmekligi dowam etdireris. Hudaýyň ine bu aşakda aýdan iň wajyp düýp bolan hakykat hakynda oýlanmakda Ol size pata bersin:

“Şeýlelikde bir adam arkaly günäniň we günä arkaly ölümiň dünýä girişi ýaly, ölüm hem ähli adamlara geçdi; çünki hemmesi günä etdi!” (Rimliler 5:12)

Näme üçin Isanyň yzyna eýerdiler? atly kitap Mukaddes Kitabyň hakykylygy, Isanyň kimligi we Onuň bize näme üçin gerekligi barada wajyp soraglara jogap berýär. Bu kitapda yslamyň däpleri mesihileriň öwredýän zatlary bilen deňeşdirilýär we Injiliň ýada Hoş Habryň aýdýan zatlaryny okamak we olara ynanmak üçin anyk esaslar görkezilýär.

Näme üçin Isanyň yzyna eýerdiler? atly kitap mesihilige düşünmeklikde hakykaty gözleýän musulmanlara kömek berýär.

Stiwen Masud Päkistanda, Orta Gündogarda we Britaniýada ýaşapdy we ýazyjy we dini öwrenýän alym hökmünde gowy tanalýar we hormatlanýandyr.