ÖZ HUDAÝYŇ BILEN DUŞUŞMAGA TAÝYN BOL!

Siziň bu okaýan ýüzlenmäňiz Injildäki tekste esaslanandyr. Hudaý: “Şonuň üçin Men seniň bilen şeýle edýärin, Ysraýyl; seniň bilen näme edýändigimi görä-de, öz Hudaýyň bilen duşuşmaga taýyn bol, Ysraýyl” (Amo 4:12). Bu aýat, Hudaýyň öňündäki ebedi ýörelgäni habar berýär. “Öz Hudaýyň bilen duşuşmaga taýyn bol” – bu, islendik nesile edilýän çakylyk we duýduryşdyr.

Amerikadyky iň uly demir ýol kompaniýasy, demir ýol geçelgelerinde polat parawozlar bilen awtoulagdyr ýük maşynlarynyň arasyndaky döreýän howply çaknyşyklaryň öňüni almak maksady bilen, geçelgelerde duýduryş hökmünde hyzmat etjek iň gowy üç sözi tapan adama 2,500 amerikan dollaryny baýrak berjekdigini yglan etdi. Akylly we bagtly adamlaryň biri, baýragy almak üçin häzirki wagtda geçelgelerde gabat gelýän: “SAKLAN! ÄGÄ BOL! GULAK AS!” diýen sözleri teklip etdi. Bu sözleriň her biri 833 dollara barabardy. Eger şol sözler berjaý edilmese, geçelgäni kesip geçýän üçin olar düýbünden peýdasyz boljakdy. Eger adamlar saklanmak islemese, “SAKLAN!” sözüniň peýdasy näme? Eger hiç kim ägä bolmak islemese, “ÄGÄ BOL!” sözünden nähili peýda bolar? Eger biz gulak asmak islemesek, “GULAK AS!” sözi nähili duýduryşy aňladar? Eger siz gulak asmasaňyz we taýynlanmasaňyz, ebedilik taýynlyk baradaky çakylyklary, edil ýaňky mysallar ýaly ýene köp gezek eşidip bilersiňiz.

 1. Ýönekeý sözlere üns beriň. Mysal getirilen tekstiň her biz sözünde adatdan daşary ýönekeýlik bardyr. Injilde: “Öz Hudaýyň bilen duşuşmaga taýyn bol” – diýlipdir. Taýynlanmak – bu, taýyn bolmagy aňladýar: ölüme taýyn bolmak, Höküme taýyn bolmak, Rebbiň gelmegine taýyn bolmak. Mukaddes Ýazgy adamlaryň bu dünýä gelip dogulaly bäri, Hudaý bilen duşuşyga taýyn däldigine şaýatlyk edýär. Hudaý, islendik adamyň kanunsyzlykda dogulandygyny aýdýar. Beýle diýildigi, biziň Hudaý bilen bu dünýäde duşuşmagymyz üçin, günälerimiziň bizden aýrylmalydygyny aňladýar. Injil hem Isa Mesihiň ganyndan başga hiç zadyň günäni ýuwup bilmejekdigini anyk yglan edýär. Resul Ýahýa öz hatynda: “… Onuň Ogly Isanyň gany bizi hemme günälerden tämizleýändir” – diýýär (1Ýah. 1:7). “Taýyn bol” sözi – örän ýönekeý sözdür, onda hiç hili zat gizlenen däldir. Bu tekstiň sözleri matematikanyň meselesi-de däldir. Islendik adam olaryň näme aňladýandygyny bilýändir. “Öz Hudaýyň bilen duşuşmaga taýyn bol” – jümlesi, Hudaý bilen duşuşmaga taýyn bolmagy aňladýar. Bu, edil smolanyň (gara sakgyz – şepbeşigiň) garyň ýüzündäki zolagy ýaly aýdyňdyr. Köp adamlar, nähili-de bolsa bu ýönekeý sözleri nädogry kabul edýärler. Birleri öýlenmäge taýynlanýar, başga birleri dynç alyşa gitmäge taýynlanýar. Köp adamlar çagalaryny mekdebe taýynlaýar. Köpler, pensiýa üçin goýlan pullary garran çaglary ulanmak üçin, garrylyga taýynlanýar. Ýöne olar, diňe özleriniň durmuşynda wajyp zat bolan, ebedilikde Hudaý bilen duşuşmaga taýynlanmaýarlar. Dost, Injiliň bu ýönekeý sözlerine gulak goý, – öz Hudaýyň bilen duşuşmaga taýyn bol.

2. Hudaý bilen boljak duşuşyk gutulgysyzdyr. Bir zat şübhesizidir. Ol hem, ähli adamyň Hudaý bilen duşuşmagydyr. Isle baý bolsun isle-de garyp, isle garry bolsun isle-de ýaş, isle bilimli bolsun isle-de bilimsiz – hemmeler Hudaý bilen duşuşarlar. Siz, bu dünýäde, bu durmuşyňyzda, şertlenen ähli duşuşyklaryňyzy üýtgedip bilersiňiz. Emma, ýekeje duşuşyk – hemişe öz güýjünde galýandyr. Size, özüňizi ýaradan Hudaý bilen ýüzbe-ýüz duşuşmak garaşýandyr. Mukaddes Ýazgy: “Her kişi özi üçin Hudaýa jogap berer” – diýýär (Rim.14:12).

Belki, bu, duýdansyz ölüm bolup biler. Sizi hem, öňünden duýdurmazdan Hudaýyň ýanyna alyp giderler. Bir garry şotland wagyzçysy bir gezek öz obadaşynyň dükanyna gidipdir. “Wagyzçy, gapyny kakman, bir söz aýtman dükana girende, men bir iş bilen gümra bolup ýördüm” – diýip, soň şol dükanyň eýesi gürrüň berýär. Wagyzçy: “Siz maňa garaşýaňyzmy?” – diýýär. “Ýok, jenap, garaşmandym.” – diýip, dükanyň eýesi jogap beýär. Wagyzçy biraz dymyp duransoň, ýüzüni gamaşdyryp: “Eger bu ölüm bolsa näme?” – diýýär-de, gelişi ýaly basym çykyp gidýär. Dükanyň eýesi, soň bu ýagdaý barada gürrüň berip, wagyzçynyň aýdanlarynyň özüni oýlanmaga mejbur edendigini ýatlaýar. Netije-de, dükanyň eýesi Reb Isa iman etdi. Mesihi üçin Hudaý bilen duşuşmak örän ajaýyp başdan geçirme bolar. Resul Pawlus öz ömrüniň soňunda: “Çünki men eýýäm Hudaýa hödürlenen şerap kimin dökülip durun, meniň bu dünýäden ötmeli wagtym geldi” – diýýär (2Tim. 4:6). Ol bu sözleri aýdanyndan soň, basym ölüm hem gelip ýetdi. Hatda, imanly üçin Hudaý bilen duşuşmak – gorkuly synagdyr. Injil şeýle diýýär: “Diri Hudaýyň eline düşmek elhençdir” (Ýew.10:31). “Reb sabyrlydyr we rehimdardyr, Ol kanunsyzlygy we jenaýaty bagyşlaýandyr” (San.14:18). Emma Ol günäkäri-de jezasyz goýmaýar. Eger siz Hudaýyň söýgüsini äsgermeseňiz, Onuň berýän gutulyşyny ret etseňiz, Onuň duýduryşlaryna üns bermeseňiz, onda Onuň öňünde durjak günüňiz, siziň üçin elhenç gün bolar.

3. Soňa goýmak bolgusyzlykdyr Biziň her birimiz Hudaýyň garşysyna köp günä etdik. Hudaýyň adalatlylygy günälerimiz üçin jeza berilmegini talap edýär. Hudaýyň bize bolan söýgüsi bolsa, adalatlyk talabyna jogap berýär. Bu jogap hem – Hudaýyň Ýeke-täk Oglunyň ölümi bilen düşündirilýändir. Işaýa pygamber: “Hudaý Oňa biziň hemmämiziň günälerimizi ýükledi” – diýýär (Iş.53:6). Mesihiň ölmüniň biziň günälerimize hakykatdan hem töleg bolmagy üçin, bize Ony öz ýüregimize kabul etmek zerurdyr. Emma, köp adamlar muny soňa goýmaga ýykgyn edipdirler. Soňa goýmak – bu, “yza süýşürmekdir”. Injil Resul Pawlusyň (Iudeýiň rim hökümdary) Felikse Hudaýyň halas ediş ýoly barada wagyz edendigini beýan edýär. Şonda Feliks gorkup: “Häzirlikçe git, pursat tapan mahalym seni çagyrdaryn” – diýýär (Res.işl. 24:25). Biziň islendik birimiz agşama çenli ýaşamazlygymyz mümkin – bu, tassyklama-da degişme däldir! Biz ölümiň haçan geljekdigini bilmeýäris, emma Hudaý bizi çagyran wagty – biz barmaly bolarys. Käbir adamlar sagadyň 11 bolmagyna garaşýarlar, şondan soň olar öz ýüregini Hudaýa bermek isleýärler. Emma, sagadyň 11 bolmagyna garaşanlaryň köpüsi 10.30-da öldüler. Şunlukda, olar muny hiç wagt etmediler. Soňa goýmak – hemişe howpludyr! Durmuşyň sagady diňe bir gezek tow alýandyr Has giç ýa-da ýene irki wagtda – Olara täzeden şol bolmak berilende Hiç kimiň hem bir zat aýtmaga erki ýokdur

4. Mesihi inkär etmek – akylsyzlykdyr. Gutulyş – bu sylagdyr. Ony gazanyp bolmaz. Injil: “Sebäbi günäniň muzdy ölüm, Hudaýyň sylagy bolsa, Rebbimiz Mesih Isada ebedi ýaşaýyşdyr” – diýýär (Rim.6:23). Bu ýerde, günä, edilen iş üçin hak (muzdy) tölenýän hojaýyn bilen deňeşdirilýär. Eger, “günäniň muzdy ölüm” bolýan bolsa, onda aýatyň ikinji böleginde şeýle diýilmeli ýaly: “Dogrulyk üçin sylag – ýaşaýyşdyr”. Emma, aýatda sadaja seýle diýilýär: “Hudaýyň sylagy bolsa, Rebbimiz Mesih Isada ebedi ýaşaýyşdyr” . Ebedi ýaşaýyş – bu, sylagdyr. Hudaý gutulyşy satmaga büs-bütin garşy bolýar. Emma, Injiliň soňky sahypasynda, siz jemleýiji çakylygy taparsyňyz: “Ruh we gelin: “Gel!” diýýär. Her eşiden “Gel!” diýsin. Suwsan gelsin. Dilän gelip, ýaşaýyş suwuny mugt alsyn” (Ylh.22:17). Gutulyş – Hudaýyň sylagydyr. Köpler, özleriniň eden oňat işleri arkaly, öz dininiň işine we däplerine işjeň gatnaşýanlygy arkaly, Hudaý bilen boljak duşuşyga taýynlanýarlar. Emma Injil, Hudaýyň bizi “dogrulyk bilen bitiren işlerimiz üçin däl-de, Öz rehimdarlygy bilen gutarýandygyny” – aýdýar (Tit.3:5). Hiç kim: “Men muny etdim, beýleki zatlary etdim, indi maňa Hudaý gutulyş bermelidir” – diýip, aýdyp bilmez. Mesihiniň durmuşyndaky oňat işler adatdan daşary wajyp zatlardyr, emma olar, günälerimiz üçin töleg bolup hyzmat edip bilmez. Biz, bu dünýä gelip, Öz Ganyny haçda döken we biziň ählimiziň günälerimizi Öz üstüne alan Isa Mesihe eden imanymyz arkaly halas bolup bileris. Reb, Özüniň haçdaky gahrymanlygyny berjaý edip, bize, günälerimiz üçin rehimdarlyk gazanyp berdi. Ine, Hudaýyň rehimdarlygynyň netijesi-de – bize berlen gutulyş sylagydyr.

Elbetde siz, sylag kabul edilmese, sylag bolmajakdygyna, rehimdarlyk inkär edilse, rehimdarlyk bolmajakdygyna göz ýetirýänsiňiz. Amerikanyň taryhynda adaty bolmadyk sud işine garamagyň biri, Jorj Wilsonyň ady bilen baglanyşyklydyr. Şol döwürde, Endrýu Jekson Birleşen Ştatlaryň prezidentidi. Wilsona jeza birilmegine üç hepde galanda, Endrýu Jekson, Jorj Wilsonyň köp dostlarynyň towakgasyny nazarda tutup, onuň günäsiniň geçilmegi üçin perman çykardy. Ýöne, hemmeleri geň galdyran zat, Wilsonyň öz günäsiniň geçilmegini inkär etmegidi. Hatda, ol suduň kararyna görä jeza berilmegini-de talap etdi. Şonda, Jorj Wilson, günä geçiş kabul edilmese – günä geçiş däldigini yglan etdi. Taryhda öň hem, söň hem döremedik hukuk ýagdaýy ýüze çykdy duryberdi. Sebäbi, hemişe günä geçiş barada perman çykarylanda, ony şatlyk bilen kabul edýärdiler. Suduň Wılsona jeza bermek baradaky karary ýerine ýetrilmelimi ýa-da günä geçmek baradaky prezidentiň permany berjaý edilmelimi? Kanun, bu sorga jogap berip bilmänsoň, Jekson gutarnykly karar kabul edilmegi üçin Ýokary Sud geňeşligini çagyrdy. Gutarnykly Karar şeýleräk yglan edilipdi: “Günä geçiş – berilýän adamyň kabul edip-etmeýändigine garamazdan, hakyky resminamadyr. Ölüm jezasy berileniň günä geçişi kabul etmejekdigini göz öňüne getirmek kyndyr: emma, günä geçiş inkär edilýän bolsa – günä geçiş ýokdur. Jorj Wilsona ölüm jezasy berilmelidir”. Şunluk bilen, Jorj Wilsony dardan asdylar. Elbetde, köp adamlar, Wilson tarapyndan günä geçilşiň kabul edilmezligini akylsyzlyk hasaplarlar. Ýöne şonda-da, köp adamlar Hudaýyň ýollan günä geçişinden her gün diýen ýaly boýun gaçyrýarlar. Eger siz, bu gün halas edilmedik bolsaňyz, siz – günäniň hökmüniň astyndaky we tüm garaňky dowzahdaky ebedi ejire höküm edilen günäkärsiňiz. Emma Hudaý, bu gün size, ýene günäňiziň geçilýändigini teklip edýär. Ol size ölmegiň zerur däldigini, siziň üçin Isanyň ölendigini aýdýar. Akyl taýdan sagdyn kimdir-biriniň Hudaýyň söýgüsine ýugrulan, Isanyň haçda gazanan günä geçişini inkär edýändigini göz öňüne getirmek kyndyr. Eger siz, ondan boýun gaçyrýan bolsaňyz – onda günä geçiş ýokdur. Beýle bolýan bolsa, günäden gazanylýan netijeleri, özüňiz, öz başyňyzdan geçirmeli bolarsyňyz.

 Hudaý Öz Sözünde şeýle çagyryşlary edýär: “Reb Isa iman et” – (Res.işl. 16:31). “Toba ediň, günäleriňiziň ötülmegi üçin ähliňiz Isa Mesihiň adyna çokundyrylyň. Ine, şeýdip, siz Mukaddes Ruhuň sylagyny alarsyňyz” (Res.işl. 2:38). Muny, şu gün berjaý ediň!

Saýlama güýji
 Giriş
   Ynsan bolmagyň  düýp özeni
   Ýaşamagyň Mesihiçilik ýoly – bu, adamzadyň ajaýyp garaýşyna esaslanandyr. Adamlaryň erkin saýlama ukybynyň barlygy hem, Injiliň esasy düşünjesidir. Saýlama ukyby — bu, hoşniýetli sylagdyr. Jogapkärçiligiň kyn bölegi-de, şol sylag bilen gelýändir. Sebäbi biziň saýlama güýjümiz, göz öňüne getirşimizden hem ähmiýetlidir, çaklaýşymyzdan-da has jogapkärçilidir. 
  Biziň gymmatymyz we kuwwatymyz diňe bir özümizden çözülmeýär. Biz, öz-özümizi ýa-da dünýämizi ýaratmadyk. Biziň ýaradylşymyzy başga kimdir-biri saýlady. Biz, onda nähili ýaşamalydygyny saýlaýarys.

  1. Biz ähli zadyň aňyrsynda durana Hudaý diýýäris
 Dünýäni Hudaý ýaratdy. Ol ony söýgi hem adyllyk bilen dolandyrýar. Biziň ýaradylşymyzyň esasy düşünjesiniň merkezinde akylly-başly dizaýner-bezegçi durýar. Diňe Ol bize ýaşaýayş berýändir. Iru-giç, bu durmuşda ýa-da indiki-de, biziň hemmämiz Onuň hakyky eýeçiligine we häkimiýetine duçar bolýarys.
Biz Onuň döreden zady. Ol bize ýokary baha berip, ýeriň üstünde höküm sürmek ygtýaryny berdi.
   Suraty çeken hudožnik oňa eýelik edýär we ol hakda çuňňur aladalanýar. Täze maşyny oýlap tapan dizaýneriň ony ulanmaga-da haky bardyr. Şunuň ýaly ýol bilen, Hudaý biziň dünýämiziň işini Öz üstüne alýar. Ony Ol ýaratdy. Ol Öz baýlygynyň üstünden kanuny tarapdan gözegçilik edesi gelýär.
   Ol bize, Öz gözegçiligi astynda bellenen ygtyýarlygy berdi. Dünýä hakda alada etmegi Hudaý Öz ýolbaşçylygy astynda ilkinji adamlara ynandy. Adamzat — şu ajaýyp planeta jogapkärdir. Biz, diňe Birine, bize bu mukaddes ynamy Berene jogapkärdiris.
 Hudaýyň maksady.
«Çünki olar ötünçsiz bolar ýaly, Onuň göze görünmeýän zatlary, ýagny ebedi gudraty, Hudaýlygy dünýä döredilenden bäri ýaradylan zatlar bilen düşünilýär, görülýär» (Rimliler 1:20).
 Eger bu, Hudaýyň ýoly we ynsanyň wezipesi bolmaly diýip hasaplasak….. Näme bolar? Biz bir ýerde, gämimiziň kapitanynyň kim bolmalydygyny bilmän, ýolumyzy urdurjak ýaly görünýäris.
 2. Biz saýlama erkinligimize hyýanat etdik, indi, Hudaýyň üsti bilen dünýä gözegçilik etmek bozuldy
     Biziň saýlama ukybymyzda beýik güýç bardyr. Saýlama erkinligi sylagyna hyýanat edildi. Ilkinji adam we aýal, ähli zady ýok edýän bir ugry saýladylar. Olar, Hudaýyň ýerine özlerini goýmagy we durmuşlaryna özleriniň gözegçilik etmegini saýladylar. Biziň hemmämiz hem, olaryň göreldesine eýerdik.
     Hudaý, biziň Oňa rugsat bermezlik hukugymyza-da hormat goýýar.
Bu esasy karar, biziň Hudaý bilen özara gatnaşygymyzyň sazlaşygyny bozdy. Biz öz ýolumyz bilen ýöräp, Hudaýyň ýolbaşçylygyny ret etdik we Onuň bilen gatnaşygymyza uly tagta kakdyk.
 Biz, elimizde baryny edýändigimize garamazdan, hemişe gözegçilik synanşyklarymyzda şowsuzlyga uçraýarys
  Biz öz tekepbirligimiz sebäpli, çynlakaý meseleler bilen ýüzbe-ýüz bolýarys. Biz saýlamaga gözegçilik etmegi saklap bilmeýäris. Biz, merkezde özümizi goýup, durmuşymyzy biri-birimize gözegçilik etmek bilen geçirmäge synanyşýarys, şol bir wagtyň özünde-de, özümiziň gözegçilik edilmezligimize çalyşýarys. Netije nähili? Agyry-ynjy, ähli tarapdan heläkleýji ýitgi we hakyky ölüm gorkusy howp salýar.
 Hudaýyň maksady.
 «Ýöne olar Hudaýy tanasalar-da, Ony Hudaý hökmünde şöhratlandyrman, Oňa şükür etmän, öz düşünjelerinde batyl boldular, pähimsiz ýürekleri garaňkylykda galdy» (Rimliler 1:21). «Sebäbi günäniň muzdy ölüm, ….» (Rimliler 6:23).
 Biz öz erkinligimizi, tekepbirligimiz sebäpli bela-beter indermek üçin ulanandygymyz gürrüňsizdir. Ondan saklanmaga bizde güýç ýokdur. Hudaý bizi terk etdimikä?
 3. Hudaýyň garaýşy biziň özümizdäki ynsan garaýşyndan has beýikdir.
   Biz özümizden talap edilýän zady berdik.
   Hudaý biziň saýlamaga bolan güýçli ukybymyzy beýgeldýär. Onuň Özi garşy bolsa-da, bize saýlamaga rugsat berýär. Ol bizi Özi bilen deň hasap edýän ýalydyr. Haçanda biz, öz isleýşimiz ýaly ýaşamagymyz üçin Ondan özümizi ýeke galdyrmagyny soranymyzda, Ol muny göwnemän edýär. Ol bize, planetamyza we şahsy dünýämize hökümdarlyk etmäge rugsat berýär.
    Biz öz saýlawymyz we başgalaryň saýlawy bilen berkleşendiris. 
  Emma biz, birbada iki ýoldan ýöräp bilmeýäris.  Saýlawymyz şowsuz bolup, Hudaýa barýan ýoluň ýapylanlygy, biziň yzymyza dolanyp bilmeýändigimizi aňladýar. Hudaýy oýnamagyň erbet tarapy bardyr. Hudaýyň hökümi, diňe bir erkinligimizi ykrar etmän, eýsem ony talap hem edýändir. Mundan beýläk, biz öz kynçylyklarymyzy Onuň çözmegine garaşyp bilmeýäris. Biz hiç hili päsgelçiliksiz islän zadymyzy edip bileris. Esasy mesele, saýlama netijeleriniň nähili boljagydyr.
 Biziň Hudaýyň kanunyndan aýry döreden alternatiw dünýämiz, basym  Injil nukdaýnazaryndaky dowzaha meňzär
    Özlerini we başgalary ejir çekdirmek bilen agalyk adamlaryň gaýgy-hasratynda, Hudaýyň adalatyny görmek bolýar. Saýlama erkinliginiň uly bahasy bardyr. Hudaýyň ýolbaşçylyk hukugyny ret etmek, biziň ýeke gidişimiz ýaly daşlaşmaga we üzňelige getirýär.
 Hudaýyň maksady
 «Olaryň öz paýhaslarynda Hudaýy tanamak islemeýşi ýaly, Hudaý hem olary ýerliksiz işleri etmekleri üçin ýaramaz pikirde taşlady. Olar bütin nädogrulyk, zyna, erbetlik, betnebislik, ýamanlyk bilen doly» (Rimliler 1:28-29).
 Biz pikir edip, isleýän zadymyzy aldyk. Biz öz ajaýyp zehinimizi erkin saýlamada ulanyp, başgalara elhenç rehimsizlik bilen ejir çekdirdik. Biziňki — gorkunç dünýädir. Muňa, Hudaý günäkär däldir. Bu dünýäniň ýagdaýy hut biziň günämizdir. Bu, şeýle dälmi näme? Hudaýyň hökümdarlygy astyndaky durmuşa dolanmaga hiç hili ýol ýokmy? Biz diňe öläýmelimi we bar bolany şolmy?
 4. Hudaýyň söýgüsi ret etmekden halas edýär
   Hudaý bizi terk etmekden ýüz öwürdi.
Tekepbirligimiziň netijesini näme üýtgedip biler? Hudaý biziň özümiziň hökümet döretmegimizden halys bolandygymyzy gördi. Bize daşardan kömek gerekdi. Toba edip,  Hudaýyň ýolbaşçylygyny saýlan her bir adamy, Ol täzeden halas etmegi ýüregine düwdi. Nähili usul bilen? Onuň Özi ynsana öwrüldi!
   
       Ol bize täze saýlaw berdi. Görüp hem düşünip bilerimiz ýaly, Onuň ýolbaşçylygy ynsan şekilinde amala aşdy.
    Isa, ynsan bedeninde Hudaýdan başga hiç kim däldi. Hakykatda bolsa, Ol täze adamzadyň nusgasydy. Muny Injil aýdýar we mesihiler ynanýarlar. Hudaýyň Ynsan Ogly Özüniň gökdäki Atasyna doly boýun boldy. Ol Öz kalbynyň çuňlugynda, biziň ýaly Özüni merkezde goýman, eýsem Ol başgalaryň aladasyny etdi.
 Ol Özüni gurban etmek bilen ýolbaşçylyk edýär. Isa bize gökdäki ýolbaşçylygyň nähilidigini görkezdi.
  Esasy mesele ähli ynsanlar nädip Oňa meňzeş bolup biler? Biziň ýalňyş saýlamamyzyň uzak wagtlaýyn netijesi häzir aýdyň boldy. Biz öz durmuşymyzyň yzynda ylgamak bilen ölýäris. Ine, Hudaý nädip muňa böwet bolýar: Isa haçda biziň peýdamyza ölende, her bir tekepbir, kesir hem boýnuýogyn saýlawyň günälerini öz üstüne alýar.  Hakykatda, biz taşlanan hem bolsak, Onuň ölümi bize saýlama hukugyny açdy. Ol biziň üçin, Hudaýa gelmekde iň soňky mumkinçiligimiz boldy.
 Hudaýa barýan ýol — biziň ynanýan Ýolbaşçymyzdyr.
 Isa şeýle jogap berdi: «Men – ýol, hakykat we ýaşaýyşdyryn, Mensiz hiç kim Ata baryp bilmez» (Ýahýa 14:6).
 Bu tassyklama, ýakyndan synlanmaga mynasypdyr. Eger bu hakykat bolsa… onda bu ýerde öňki saýlamamyzyň netijesini üýtgetmäge ýene-de mümkinçilik bardyr. Ölümi ýeňip bolar.
 5. Oňat hökümet adalatlylygy talap edýär.
 Ikinji mümkinçilik.
Biziň tekepbirligimiz höküme mynasyp bolsa-da, Hudaý bize Öz söýgüsini ýeňiş bilen görkezmegiň ýoluny tapdy.
 Isanyň haça çüýlenmeginiň „kesgitlemesi”
   Isa, meýletin Öz ömrüni bagyş edip, biziň ýalňyş hem tekepbir saýlawymyzyň yzasyny kabul etdi. Ol üç günden soň ölümden direlende, ölümiň ýeňlendigini we adalatyň amala aşandygyny subut etdi.
 Ol bizi soňsuz durmuşa alyp barýar.
Öz ölümini Onuň ölümi bilen çalyşmagy saýlan her bir adam, öz durmuşyny Onuň ýolbaşçylygy astynda täzeden gurar.  Indi olar Onuň durmuşyny … ebedi paýlaşyp bilerler. Eger siz, älem-jahanda adyllyk isleýän we beýlekileriň saýlawy özüňizi ynjydýan bolsa, onda olaryň dogry çözülmegini gazanyň. Şonda,  bu mesele dogry çözüler.
 Söýginiň we adalatyň ajaýyp galyndysy, Hudaýyň bizi mynasyp alyp barýan çuňňur hakykatynda aýan bolýar.
 Hudaý Mesihi ganyna iman arkaly merhemet kürsüsi edip goýdy… Özi adyl bolup, Mesihe iman edeni aklar ýaly, Özüniň häzirki zaman adalatyny görkezmek üçin etdi (Rimliler 3:25, 26).
 Özlerini ilkinji orunda goýýan her bir adamyň ýolbaşçylyga bolan doly ynamsyzlygy,dünýädäki ýaşaýyşyň uzak wagtlaýyn netijesidir. Hudaý bize, Isada Onuň sylag-hormatlydygyny we ynamdardygyny görkezdi. Onuň ýolbaşçylygyny ýürekden saýlamak gorkyny döretmegi mümkin.  Bu, Onuň göwne degýändigi üçin däl-de, biziň isleýşimiz ýaly kabul etmän, mejbury ýagdaýda gözegçilikde galmagymyz sebäplidir.
 6. Oňat hökümet hyzmatdaşlygy talap edýär
   Eger Isanyňky dogry bolsa näme? Hudaýyň Patyşalygy iň oňat jemgyýet bolsa näme?
Biziň wepalylygymyza mynasyp bolan Hudaýy, biz, Isada tapyp saýlap bilýäris. Dünýädäki iň ýokary häkimiýet biziň üçin şeýle ajaýyp ýol bilen alada edýär, ýagny Isa Öz durmuşynda ölümi we ölümden direlişi beýan etdi. Şeýlelikde, Ol çynlakaý kabul etmeli hakykaty ýeňdi. Ol biziň ynamdar ýolbaşçymyzdyr, Onda biziň hiç hili gorkymyz ýokdur, Ol bizi hemmämiziň isleýän ýurdumyza alyp barýar.
 Durmuşyň iň möhüm saýlawy
 Eger saýlama erkinliginiň şu aşakdaky düşündirişi ähmiýetli bolsa, onda siz ýokardaky karar üçin taýýarsyňyz.
   Aýgytly karara gelmekde we özüň üçin ýol saýlamakda, çuňňur zehiniň öz Ýaradanyňa tarap saýlaw bilen ýüzbe-ýüz bolýar. Isa, Öz söýgüsini we Öz ýolbaşçylygyny hödürläp, sizi Öz Patyşalygyna girmäge çagyrýar.
 Näme üçin Hudaý siziň durmuşyňyzda wekillik etmeýär?
 
  «Çünki sen agzyň bilen Isany Reb hökmünde ykrar etseň, Hudaýyň Ony ölümden direldendigine ýüregiň bilen ynansaň gutularsyň». Çünki Mukaddes Ýazgy: „Oňa iman eden kişi utandyrylmaz” diýýär. «Sebäbi barynyň Rebbi birdir, Ol Özüni çagyrýanlaryň baryna sahydyr» (Rimliler 10:9, 11, 12).
 Bu Utopiýa ýa-da jennet hakynda, ýa-da kir-kimirsiz dünýä hakyndaky pikir biziň kalbymyzdan eriş-argaç bolup geçýäne meňzeýär. Adyl Hudaýyň hökmürowanlygy astyndaky durmuşa bolan höwes, hamala biziň zannymyzda bar ýaly duýulýar. Eýsem, näme başga ýoly saýlap bolanokmy? Gapy henizem açykdyr.
 Hudaý bilen täzeden gatnaşyga başlamak nämä meňzäp biler?
 Hudaý bilen täze gatnaşyga, Onuň bilen nähili erbet daraşandygyňyz baradaky hakykata indi düşünýändigiňizi gürrüň bermekden başlaň.
  Ony sylamandygyňyz we boýun egmändigiňiz, şeýle-de hiç hili parhsyz bolandygyňyz üçin, Ondan ötünç soraň. Öz barlygyň üçin — ömrüň üçin, bedeniň, aňyň, ýeke-täk zehiniň, duýgularyň üçin we saýlap bilýän güýjüň üçin Oňa hormat goý. Onuň Isa arkaly berýän günä geçmegini sora, Onuň beren ygtyýaryny ret etmeýändigiňi we ömrüň galan bölegine Onuň wekillik etmegini isleýändigiňi Oňa aýt.
 Ondan kalbyňy Öz öýi etmegini sora.
Sen häzir hem, hemişe-de Oňa ýakyn bolmak isleýändigiňi aýt. Ony tanaýandygyňa begenýändigiň üçin we dostluk synagy üçin özara gatnaşyklara uly baha berýändigiňi Ony ynandyr. Şatlyk hem gaýgy getirjek her bir ädimde, Oňa mylaýym bolmak isleýändigiňe söz ber. Seni söýmäge we ýolbaşçylyk etmäge Oňa rugsat ber.
 Onuň habaryny (Injili) çynlakaý kabul et.
Injili okanyňda, Onuň, seniň bilen gepleşýänliginiň umydynda oka. Özüň üçin Onuň hakykata öwrülmegini sora.
 Özlerini Hudaýyň Patyşalygyna açan adamlar bilen gatnaşykda bol.
 Töweregiňde, Rebbe öz durmuşynyň ähli taraplarynyň Hudaýy bolmaga rugsat beren dostlaryň bolmagy, öz şahsy gatnaşygyň ösmegi üçin wajypdyr. Mesihe eýerýänleriň bu jemgyýetine ýygnak diýilýär. Ýöne, hemme mesihi ýygnaklar Isa boýun egip ýaşamaýarlar. Ähli zatda, Isanyň ýolbaşçylyk etmegine ýokary baha bilen rugsat beren adamlary tap.
  Durmuşyňda Hudaýyň wekillik etmegini saýlamak — bu, işiň başlangyjydyr.
 Sen Hudaýyň hökmürowanlygyna eýermekde müňlerçe ýoly saýlarsyň. Öz durmuşyňa özüň gözegçilik etmegi karar eden bolsaň, ondan ýüz öwür, yzyňa öwrül-de, täzeden boýun egmek bilen başla.
    

Hudaýyň arakkeşlige garşy serişdesi

DUÝDURYŞ Resul Pawlus serhoşluk babatda Hudaýyň duýduryşyny şeýle ýazdy: «Ýa-da adalatsyzlaryň Hudaýyň Patyşalygyny miras almajakdygyny bilmeýärsiňizmi? Aldanmaň, Hudaýyň Patyşalygyny ne ahlaksyzlar, ne butparazlar, ….. ne beçebazlar, ne ogrular, ne açgözler, ne arakkeşler, ne agzy paýyşlar, ne-de talaňçylar miras alar» (1 Korintos. 6:9-10).

 UMYT Ýokarda berlen duýduryşdan soň, Korinfda ejir çeken mesihiniň hakyky halas bolmagy babatdaky ýazgy gelýär: «Siziň hem käbirleriňiz şeýlediňiz, ýöne ýuwuldyňyz, mukaddes edildiňiz, Rebbimiz Isa Mesihiň ady bilen, Hudaýymyzyň Ruhy arkaly aklandyňyz» (1 Korintos. 6:11). Resul Pawlusyň hatyny okan her bir adamyň Hudaýyň arakkeşlige garşy serişdesinden peýdalanandygy şundan mälimdir. Gürrüň başga-da köp mysallardan durýar, ýagny düzedip bolmajak arakkeşler öz ýüreklerinde işlän Mukaddes Ruhuň üsti bilen doly halas boldular.

SERIŞDE Bu serişdäniň gerekli täsir etmegi üçin, özüňiň doly alaçsyzdygyňy boýun almaly. Adatça, arakkeşler geljekde haçan hem bolsa bir gün özlerine erk edip bileris öýdüp pikir edýärler. Emma, adamyň özüni özi halas edip bilmeýär. Hiç kim özüni özi halas edip bilmez. Hudaýyň serişdesi — bu Onuň Ogly Reb Isa Mesihe iman etmekdir. Ine, resul Pawlus Isa Mesihiň güýji barada näme aýdýar: «Özümi güýçlendirýän Mesih arkaly her zady etmegi başarýaryn» (Filip. 4:13). Isa doglanda perişde şeýle diýdi: «…Onuň adyna Isa dakarsyň, çünki Ol Öz halkyny günälerinden halas eder.» (Matta 1:21). Günäden diňe Isa Mesih halas edip biler. Onuň Özi günäsiz ýaşady we her bir günäden ýeňiş gazandy. Ölümiň güýjünden halas bolar ýaly, Ol günäsiz öldi. Ol ölümden direldi, munuň bilen Ol Özüniň Hudaýlyk güýjüni ýene bir gezek subut etdi. Ol göge Hudaýyň ýanyna baryp, Özünden kömek sorap ýüz tutýan günälileriň ýüreginde we kalbynada işlemek üçin Mukaddes Ruhy iberdi.

USUL 1. Siz yhlas bilen diňe bir arakkeşlikden däl-de, islendik günäden halas bolmagy islemelisiňiz. «… Meni agtararsyňyz, bütin ýüregiňiz bilen agtaran mahalyňyz Meni taparsyňyz» (Ýerem. 29:13).

2. Siz Hudaýdan kömek sorap ýalbarmalysyňyz. Ybadathana dileg etmäge gelen fariseý özüniň şahsy dogrulygyna bil baglaýar, emma salgytçy pahyr özüniň günäsini we alaçsyzdygyny boýun alýar hem başyny egip, dileg edýär: «Eý Hudaý! Men günäkäre rehim et!» (Luka 18:13). Halasgär Isa özüňiziň şahsy dogrulygyňyz babatda hiç hili subutnamasyz geliň, çünki «… Rebbi çagyran adam gutular» (Resul. Işl 2:21).

3. Toba ediň we ýüz tutuň. Haçanda Hudaýyň Ruhy sizde öz şahsy günäleriňiz hakda ýürekden gynanmagyňyzy oýaranda, siz düýbünden başga durmuşda ýaşamagy islärsiňiz — diňe şonda Hudaý Öz işine başlap biler. Mukaddes Ýazgyda şeýle diýilýär: «… Toba ediň, günäleriňiziň ötülmegi üçin ähliňiz Isa Mesihiň adyna çokundyrylyň. Ine, şeýdip, siz Mukaddes Ruhuň sylagyny alarsyňyz» (Resul. Işl 2:38). Nähili ajaýyp wada! Nähili ajaýyp sylag!

4. «… Reb Isa iman et, öý-içeriň bilen gutularsyň..» (Resul. Işl. 16:31). Siz düzgün sanawy boýunça halas bolman, eýsem Hudaýyň Ogly — Isa Mesih arkaly halas bolarsyňyz. Hiç bir ybadathana muny edip bilmez. Isa şeýle diýdi: «… Mensiz hiç kim Ata baryp bilmez» (Ýahýa 14:6). Siziň dogrulygyňyz Hudaýyň nazarynda kirli sal-sal geýime meňzeşdir. Özüňize bil baglamaň. Ähli zatda Hudaýa bil baglaň. Isanyň Rebdigini adamlaryň öňünde wagyz ediň. Hemmeleriň öňünde Ony Reb hem Halasgärdigini boýun alyň. Şonda siz Onuň Öz çagasy bolarsyňyz we siziň şaýatlygyňyz sizi Mesihiň üstünden gülýänlerden we duzaga düşürmäge yrýanlardan aýyrar.

5. Ähli erbet täsirlerden daşda duruň. Öňki bile gatnaşýanyňyza indi Rebbe gulluk etjekdigiňizi aýdyň. Köne dostlaryňyzy öz göreldäňize eýermäge çagyryň, eger bu olar üçin gyzyksyz bolsa, onda olar bilen dostlugyňyzy hemişelik goýuň. Spirt içgileri satylýan ýerlere barmaň. Hatda ol tarapa seretmäň hem. Öň bir wagt ýerde ýaşan iň akyldar adam şeýle diýipdir: «Şerabyň gyzarmasyna, pyýalada öwşün atmasyna, aňsatlyk bilen aşak syrykmasyna bakma. Ahyrsoňy ol ýylan kimin çakýandyr; kör ýylan ýaly sokýandyr» (Süleým. Tym. 23:31-32). «Munuň üçin olaryň arasyndan çykyň, olardan aýrylyň, murdara galtaşmaň, Men hem sizi kabul ederin. Her zady başarýan Reb: “Men siziň Ataňyz bolaryn, siz hem Meniň ogul-gyzlarym bolarsyňyz” diýýär (2 Korintos. 6:17-18).

6. Özüňiziň tapan ruhy we wepaly mesihi ýygnagyňyz bilen ýakyndan gatnaşyň. «Onuň sözüni begenç bilen unanlar çokundyrylyp, … Resullaryň nesihatlaryny diňlemek, çörek bölmek, ýakyn aragatnaşykda bolmak we doga okamak bilen olar wagtlaryny geçirýärdiler» (Resul. Işl. 2:41-42). Bu ýalňyzlyga we hiç kime gerekmezlige garşy Hudaýyň serişdesidir, ýogsam munuň soňy köplenç adamy içmäge başladýar. Hakyky mukaddes, bagtly mesihi topary bilen dostlaşyň we olar bilen köpräk gatnaşyň. Olara kömek ediň we boýun egmek bilen ruhy goldaw soraň.

7. Rebde, Onuň Sözünde, Onuň halkynda, Onuň zähmetinde, Onuň basym dolanyp gelmeginde şatlanyň. Mukaddes Ruha özüňizi dolandyrmaga rugsat ediň, Hudaýyň Sözi — Injil bolsa siziň aňyňyzy we ýüregiňizi doldursyn. «Şerapdan serhoş bolmaň, onda edepsizlik bardyr, Ruhdan doly boluň….» (Efesl. 5:18). Rebbiň özüňiz üçin nämä deňdigini hiç haçan ýatdan çykarmaň. Hemmelere Hoş Habary — Isanyň halas edýändigini jar ediň!

8. Serhoşlukdan heläk bolýan her bir adama ýüregiňiz awasyn. Özüňiziň halas bolmagy nähili alandygyňyzy ýatda saklaň. Eger siz Rebbe wepaly bolsaňyz, halas bolmagyň mümkindigi barada başgalara-da ynam we umyt berip bilersiňiz.

9. Ýaşlary spirt içgileriniň berýän howpundan goramak üçin eliňizden gelenini ediň. Bu hakda şaýatlyk ediň. Adamlary Hudaýyň Sözüni öwrenmäge çagyryň: «Oýanyň, eý serhoşlar, aglaň! Eý şerap içýänler,….» (Ýowel 1:5). «Çünki içegen we iýegen garyp bolýandyr…» (Süleýman. Tyms. 23:21). «Ah kimiňki? Wah kimiňki? Çekişmeler kimiňki? Iňirdi kimiňki? Sebäpsiz ýaralar kimiňki? Gyzaran gözler kimiňki? Şerabyň başynda köp oturýanlaryňky, garyşyk şeraby agtarmaga gidýänleriňki» (Süleý. Tyms. 23:29-30). «Şerap biabraý edýändir; içgi galmagallydyr; oňa ýykgyn edýän akyldar däldir» (Süleým. Tyms. 20:1).

Isa geliň! Ol sizi bagyşlaýar, tämizleýär we halas edýär. Ol Özüniň bu ýere geljek gününe çenli sizi goramaga Öz güýji bilen kömek eder. Muny saýlamakda goý, Hudaýyň Özi size ýardam bersin, siz bolsa bu babatda hiç wagt ökünmäň!             Goý, Reb sizi ýalkasyn!